
مکہ مکرمہ: صوبائی وزیرِ ثقافت و سیاحت سید ذوالفقار علی شاہ نے عمرہ کی سعادت حاصل کر لی۔
Syed Zulfiqar Ali Shah
is in Makkah, Saudi arabia.
مکہ مکرمہ: صوبائی وزیرِ ثقافت و سیاحت سید ذوالفقار علی شاہ نے عمرہ کی سعادت حاصل کر لی۔
#syedzulfiqaralishah
==================
· محکمہ صحت سندھ نے صوبے بھر میں ڈینگی کے مصدقہ کیسز سے متعلق تازہ رپورٹ جاری کر دی ہے
· سندھ بھر میں گزشتہ 24 گھنٹوں کے دوران مجموعی طور پر ڈینگی کے 5 ہزار 098 ٹیسٹ کیے گئے جن میں 886 کیسز مثبت آئے،رپورٹ
· رپورٹ کے مطابق کراچی ڈویژن میں 3 ہزار 560 کیے گئے جن میں 381 مثبت کیسز کی تصدیق ہوئی،رپورٹ
· حیدرآباد ڈویژن میں 1 ہزار 538 ٹیسٹ کیے گئے جن میں سے 505 کیسز مثبت آئے،رپورٹ
· کراچی میں ڈینگی کی مثبت کیسز کی شرح میں کمی، 14 فیصد سے کم ہو کر 10 فیصد رہ گئی، سیکریٹری ریحان بلوچ
· گزشتہ 24 گھنٹوں کے دوران صوبے بھر کے سرکاری اسپتالوں میں 135 نئے کیسز داخل ہوئے جبکہ پرائیویٹ اسپتالوں میں 95 نئے مریض داخل ہوئے، سیکریٹری ریحان بلوچ
· گزشتہ 24 گھنٹوں کے دوران صوبے بھر کے سرکاری اسپتالوں سے 138 مریض جبکہ پرائیویٹ اسپتالوں سے 98 مریض صحتیاب ہوکر گھر گئے، سیکریٹری ریحان بلوچ
· گزشتہ 24 گھنٹوں کے دوران صوبے بھر سے کوئی ہلاکت رپورٹ نہیں ہوئی، سیکریٹری ریحان بلوچ
· رواں ماہ ڈینگی سے صوبے بھر میں متاثرہ افراد کی تعداد 7 ہزار 724 ریکارڈ ہوئی، سیکریٹری ریحان بلوچ
· رواں سال صوبے بھر میں ڈینگی سے متاثرہ افراد کی تعداد 13 ہزار 301 ہے، سیکریٹری ریحان بلوچ
· اس وقت صوبے بھر کے سرکاری اسپتالوں میں داخل مریضوں کی تعداد 258 جبکہ پرائیویٹ اسپتالوں میں داخل مریضوں کی تعداد 179 ہے، سیکریٹری ریحان بلوچ
· کراچی کے سرکاری اسپتالوں میں ڈینگی کے مریضوں کے لیے 283 بیڈ مختص جبکہ حیدرآباد میں 167 اور اندرون سندھ میں 556 ہے جبکہ صوبے بھر میں ڈینگی کے مریضوں کےلیے 1006 بیڈ مختص کیے گئے ہیں، سیکریٹری ریحان بلوچ
· کراچی کے پرائیویٹ اسپتالوں میں ڈینگی کے مریضوں کے لیے 204 بیڈ مختص جبکہ حیدرآباد میں 210 اور اندرون سندھ میں 65 ہے جبکہ صوبے بھر میں ڈینگی کے مریضوں کےلیے 479 بیڈ مختص کیے گئے ہیں، سیکریٹری ریحان بلوچ
· صوبے بھر میں اس وقت 52 لیباریٹریز سے ڈیٹا وصول کیا جارہا ہے، سیکریٹری ریحان بلوچ
· کراچی میں کل 33 لیبارٹریز ڈینگی ٹیسٹنگ کر رہی ہیں جن میں 13 سرکاری اور 20 نجی لیبارٹریز شامل ہیں،سیکریٹری ریحان بلوچ
· حیدرآباد میں ڈینگی ٹیسٹنگ کے لیے 19 لیبارٹریز سرگرم ہیں جن میں 8 سرکاری اور 11 نجی لیبارٹریز شامل ہیں، سیکریٹری ریحان بلوچ
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ 11نومبر 2025
کراچی11 نومبر۔ محکمہ صحت سندھ نے صوبے بھر میں ڈینگی کے مصدقہ کیسز سے متعلق تازہ رپورٹ جاری کر دی ہے جس کے مطابق سندھ بھر میں گزشتہ 24 گھنٹوں کے دوران مجموعی طور پر ڈینگی کے 5 ہزار 098 ٹیسٹ کیے گئے جن میں 886 کیسز مثبت آئے۔کراچی ڈویژن میں 3 ہزار 560 کیے گئے جن میں 381 مثبت کیسز کی تصدیق ہوئی۔حیدرآباد ڈویژن میں 1 ہزار 538 ٹیسٹ کیے گئے جن میں سے 505 کیسز مثبت آئے۔ سیکریٹری محکمہ صحت سندھ ریحان بلوچ نے بتایا کہ کراچی میں ڈینگی کی مثبت کیسز کی شرح میں کمی، 14 فیصد سے کم ہو کر 10 فیصد رہ گئی۔ گزشتہ 24 گھنٹوں کے دوران صوبے بھر کے سرکاری اسپتالوں میں 135 نئے کیسز داخل ہوئے جبکہ پرائیویٹ اسپتالوں میں 95 نئے مریض داخل ہوئے۔صوبے بھر کے سرکاری اسپتالوں سے 138 مریض جبکہ پرائیویٹ اسپتالوں سے 98 مریض صحتیاب ہوکر گھر گئے۔گزشتہ 24 گھنٹوں کے دوران صوبے بھر سے کوئی ہلاکت رپورٹ نہیں ہوئی۔رواں ماہ ڈینگی سے صوبے بھر میں متاثرہ افراد کی تعداد 7 ہزار 724 ریکارڈ ہوئی۔رواں سال صوبے بھر میں ڈینگی سے متاثرہ افراد کی تعداد 13 ہزار 301 ہے۔ سیکریٹری ریحان بلوچ نے مزید بتایا کہ اس وقت صوبے بھر کے سرکاری اسپتالوں میں داخل مریضوں کی تعداد 258 جبکہ پرائیویٹ اسپتالوں میں داخل مریضوں کی تعداد 179 ہے۔ کراچی کے سرکاری اسپتالوں میں ڈینگی کے مریضوں کے لیے 283 بیڈ مختص جبکہ حیدرآباد میں 167 اور اندرون سندھ میں 556 ہے جبکہ صوبے بھر میں ڈینگی کے مریضوں کےلیے 1006 بیڈ مختص کیے گئے ہیں۔ کراچی کے پرائیویٹ اسپتالوں میں ڈینگی کے مریضوں کے لیے 204 بیڈ مختص جبکہ حیدرآباد میں 210 اور اندرون سندھ میں 65 ہے جبکہ صوبے بھر میں ڈینگی کے مریضوں کےلیے 479 بیڈ مختص کیے گئے ہیں۔صوبے بھر میں اس وقت 52 لیباریٹریز سے ڈیٹا وصول کیا جارہا ہے۔ کراچی میں کل 33 لیبارٹریز ڈینگی ٹیسٹنگ کر رہی ہیں جن میں 13 سرکاری اور 20 نجی لیبارٹریز شامل ہیں۔ حیدرآباد میں ڈینگی ٹیسٹنگ کے لیے 19 لیبارٹریز سرگرم ہیں جن میں 8 سرکاری اور 11 نجی لیبارٹریز شامل ہیں۔
ہینڈآؤٹ نمبر 1265۔۔۔
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ 11نومبر 2025
پریس ریلیز
کراچی 11 نومبر۔وزیرِ داخلہ سندھ ضیاء الحسن لنجار سے سلطنتِ عمان کے قونصل جنرل سمیع عبداللہ سلیم الخنجاری نے ان کے دفتر میں ملاقات کی۔اس موقع پر ایڈیشنل چیف سیکریٹری سندھ محمد اقبال میمن بھی موجود تھے۔ملاقات میں سندھ حکومت اور عمانی قونصلیٹ کے درمیان دوطرفہ تعلقات کو مزید پائیدار اور مضبوط بنانے پر اتفاق کیا گیا۔فریقین نے ملکی سلامتی، باہمی تعاون اور سرمایہ کاری کے مواقع پر مشترکہ حکمتِ عملی تشکیل دینے کے عزم کا بھی اظہار کیا۔وزیرِ داخلہ سندھ ضیاء الحسن لنجار نے عمانی قونصل جنرل کا خیرمقدم کرتے ہوئے کہا کہ سندھ حکومت عمانی سرمایہ کاری منصوبوں کا بھرپور خیرمقدم کرتی ہے۔ ہم عمانی کاروباری برادری کو صوبے میں ایک محفوظ،مستحکم اور شفاف کاروباری ماحول فراہم کرنے کے لیے پرعزم ہیں۔قونصل جنرل عمان سمیع عبداللہ سلیم الخنجاری نے اپنے خیالات کا اظہار کرتے ہوئے کہا کہ ہم سندھ حکومت کے ساتھ اشتراکِ عمل کو مزید مستحکم بنانا چاہتے ہیں۔ عمان حکومت صوبائی حکام کے ساتھ مل کر نئی راہیں تلاش کرے گی۔سلطانِ عمان کی جانب سے سندھ کے ساتھ دیرپا شراکت داری کا پیغام دیتا ہوں اور ہم باہمی تعاون کے نئے مواقعوں کے خواہاں ہیں۔ملاقات میں داخلی سکیورٹی، غیر ملکی سرمایہ کاروں کے تحفظ اور قونصلر خدمات کے فروغ کے پہلوؤں پر بھی تفصیلی تبادلۂ خیال کیا گیا۔علاوہ ازیں، دونوں فریقین نے سرمایہ کاری، تجارت اور سیاحت کے شعبوں میں تعاون کے امکانات پر بھی غور کیا۔وزیرِ داخلہ سندھ نے اس عزم کا اعادہ کیا کہ حکومتِ سندھ امن، استحکام اور کاروبار کے فروغ کے لیے بھرپور اقدامات جاری رکھے گی، تاکہ صوبے میں ترقی اور خوشحالی کے نئے دروازے کھل سکیں۔
========================
پہلا ون ڈے، پاکستان کا سری لنکا کو 300 رنز کا ہدف
تازہ ترینکھیلوں کی خبریں11 نومبر ، 2025
پہلا ون ڈے، پاکستان کا سری لنکا کو 300 رنز کا ہدف
پاکستان نے سری لنکا کو پہلے ایک روزہ میچ میں 300 رنز کا ہدف دے دیا۔
راولپنڈی کرکٹ اسٹیڈیم پر کھیلے جارہے میچ میں پاکستان نے مقررہ 50 اوورز میں 5 وکٹ پر 299 رنز اسکور کیے۔
گرین شرٹس کی طرف سے آل راؤنڈر سلمان علی آغا نے سری لنکن بولنگ لائن کے خلاف شاندار ناقابل شکست سنچری اسکور کی۔
سلمان علی آغا نے 83 گیندوں پر 9 چوکوں کی مدد سے سنچری بنائی، وہ 87 گیندوں پر 105 رنز کے ساتھ ناٹ آؤٹ پویلین لوٹے، یہ ان کی ایک روزہ کرکٹ کی دوسری سنچری ہے۔
چھٹی وکٹ پر سلمان علی آغا کے ساتھ 66 رنز کی شراکت بنانے والے محمد نواز 36 رنز بناکر ناٹ آؤٹ رہے۔
دیگر کھلاڑیوں میں حسین طلعت 62، فخر زمان 32 اور بابراعظم 29 رنز کے ساتھ نمایاں بیٹر تھے جبکہ صائم ایوب 6 اور محمد رضوان نے 5 رنز بنائے۔
سری لنکا کے بولر ونندوہسارانگا نے 54 رنز کے عوض 3 پاکستانی بیٹرز کو پویلین بھیجا۔
3 میچز کی سیریز کے پہلے میچ میں سری لنکا نے پاکستان کے خلاف ٹاس جیت کر فیلڈنگ کا فیصلہ کیا تھا۔
ٹاس جیت کر ہم بھی فیلڈنگ ہی کرتے:شاہین آفریدی
ٹاس کے موقع پر گفتگو کرتے ہوئے قومی ٹیم کے کپتان شاہین شاہ آفریدی نے کہا تھا کہ ٹاس جیت کر ہم بھی فیلڈنگ ہی کرتے، ہم اس سیریز میں بھی پچھلی سیریز کی طرح اچھا کرنے کی کوشش کریں گے۔
سری لنکن کپتان چیریتھ اسالنکا نے کہا کہ ہم سیریز میں اچھا کھیل پیش کرنے کی کوشش کریں گے۔
پاکستان پلیئنگ الیون
پاکستان پلیئنگ الیون میں فخر زمان، صائم ایوب، بابر اعظم، محمد رضوان، سلمان علی آغا، حسین طلعت، محمد نواز، فہیم اشرف، نسیم شاہ، شاہین آفریدی اور حارث رؤف شامل ہیں۔
یاد رہے کہ دوسرا ون ڈے 13 نومبر جبکہ تیسرا 15 نومبر کو کھیلا جائے گا۔























