ہینڈ آوٹ نمبر 110
گورنر پنجاب سردار سلیم حیدر خان کا سندھ پولیس آپریشن میں ڈاکو شاہنواز عرف شاہو اور اس کے 11 ساتھیوں کی ہلاکت پر سندھ حکومت کو خراج تحسین۔
سندھ اور پنجاب دونوں صوبوں میں متعدد مقدمات میں مطلوب ڈاکو کے خلاف کامیاب آپریشن سندھ پولیس کی بڑی کامیابی ہے۔ گورنر پنجاب سردار سلیم حیدر خان
ہمیں اپنے قانون نافذ کرنے والے اداروں پر فخر ہے۔ گورنرپنجاب
گورنر پنجاب کا آپریشن کے دوران شہید ہونے والے پولیس اہلکار کو خراج عقیدت
گورنر پنجاب سردار سلیم حیدر خان کا کراچی کے نجی ہوٹل میں خطاب
کراچی 07نومبر 2025:گورنر پنجاب سردار سلیم حیدر خان نے کہا ہے کہ سندھ پولیس آپریشن میں ڈاکو شاہنواز عرف شاہو اور اس کے 11 ساتھیوں کی ہلاکت پر سندھ حکومت کی بڑی کامیابی ہے اور میں سندھ پولیس کے جوانوں کو خراج تحسین پیش کرتا ہوں جنہوں نے اپنی جانوں کی پرواہ کئے بغیر امن و امان کو خراب کرنے والے مطلوب ڈاکو کوساتھیوں سمیت ہلاک کیا۔
ان خیالات اظہارانہوں نے کراچی کے ایک نجی ہوٹل میں تقریب سے خطاب کرتے ہوئے کیا۔تقریب میں پولیس کے اعلیٰ حکام اوردیگر سماجی اور سیاسی شخصیات نے بھی شرکت کی۔ انہوں نے کہا کہ پولیس کے سپوتوں نے ہمیشہ کی طرح اپنی جانوں کی پرواہ کئے بغیر جواں مردی کا مظاہرہ کرتے ہوئے آپریشن کو کامیاب بنایاہے جس کے لئے وہ یقینا خراج تحسین کے مستحق ہیں۔ انھوں نے آپریشن کے دوران شہید ہونے والے پولیس اہلکارکو خراج عقیدت پیش کرتے ہوئے کہا کہ شہید کبھی نہیں مرتے بلکہ ہمیشہ زندہ رہتے ہیں اور شہداء کی قربانیوں کو ہمیشہ یاد رکھا جائے گا۔٭٭٭٭٭
