اسلام آباد، وفاقی کابینہ کا اہم اجلاس کل صبح 10 بجے طلب کر لیا گیا ہے۔
ذرائع کے مطابق اجلاس وزیراعظم ہاؤس میں ہوگا جس کی صدارت وزیراعظم شہبازشریف باکو سے بذریعہ ویڈیو لنک کریں گے۔
ذرائع کا کہنا ہے کہ اجلاس میں ملکی سیاسی اورمعاشی صورتحال سمیت مختلف اہم قومی امورپرمشاورت کی جائے گی۔
پاک افغان مذاکرات میں ڈیڈلاک برقرار، کابل دہشتگردی سے متعلق وعدے پورے کرے، عطا تارڑ
وفاقی وزراء کومتعلقہ وزارتوں سے متعلق رپورٹس اورسفارشات کے ساتھ اجلاس میں شرکت کی ہدایت کی گئی ہے۔
مزید بتایا گیا ہے کہ کابینہ اجلاس میں توانائی، معیشت، سلامتی اورعوامی فلاح سے متعلق منصوبوں پر بریفنگ دی جائے گی جبکہ بعض حکومتی فیصلوں کی منظوری بھی ایجنڈے میں شامل ہے۔
ذرائع کے مطابق وزیراعظم شہبازشریف اجلاس کے دوران مختلف وزارتوں کی کارکردگی پراظہارِ رائے بھی دیں گے۔
======================
وزیراعظم کی آذربائیجان کے صدر سے ملاقات
وزیراعظم شہباز شریف کی آذربائیجان کے صدر سے ملاقات ہوئی۔ ملاقات میں چیف آف آرمی اسٹاف فیلڈ مارشل سید عاصم منیر بھی موجود تھے۔
وزیراعظم آفس کے اعلامیہ کے مطابق اس موقع پر دونوں رہنماؤں نے دوطرفہ تعلقات کا جائزہ لیا، ملاقات میں تجارت اور سرمایہ کاری میں تعاون مزید مضبوط بنانے پر اتفاق کیا گیا۔
اعلامیہ کے مطابق ملاقات میں توانائی، روابط اور دفاع کے شعبوں میں کثیر الجہتی تعاون کو مزید مضبوط بنانے پر اتفاق کیا گیا۔
اعلامیہ کے مطابق آذربائیجان کے صدر نے وزیراعظم کی دورہ پاکستان کی دعوت کو قبول کرلیا۔
اعلامیہ کے مطابق آذربائیجان کے صدر نے جنوبی ایشیاء میں علاقائی استحکام کو فروغ دینے میں پاکستان کے کردار کو سراہا۔
وزیراعظم نے کہا کہ آذربائیجان کی نگورنو کاراباغ کی فتح مقبوضہ کشمیر اور فلسطینی عوام کے لیے ایک امید کی کرن ہے۔
=======================
پاکستان اور افغانستان کے درمیان مذاکرات میں ڈیڈ لاک
پاکستان اور افغانستان کے درمیان استنبول میں ہونے والے مذاکرات میں ڈیڈلاک ہو گیا۔
اس حوالے سے سوشل میڈیا پلیٹ فارم ایکس پر جاری کیے گئے بیان میں وفاقی وزیرِ اطلاعات عطاء اللّٰہ تارڑ نے کہا ہے کہ پاکستان اپنے اصولی مؤقف پر قائم ہے کہ افغانستان کی سر زمین سے ہونے والی دہشت گردی پر قابو پانے کی ذمے داری افغانستان پر عائد ہوتی ہے۔
ان کا کہنا ہے کہ افغان طالبان دوحہ امن معاہدے کے مطابق اپنے بین الاقوامی، علاقائی اور دوطرفہ وعدوں کی تکمیل میں اب تک ناکام رہا ہے۔
یہ بھی پڑھیے
چمن بارڈر واقعے سے متعلق افغان دعوے بے بنیاد ہیں، ترجمان وزارت اطلاعات
پاکستان افغانستان: ایک نازک موڑ
عطاء اللّٰہ تارڑ نے کہا کہ پاکستان اس بات کا اعادہ کرتا ہے کہ وہ افغان عوام کے لیے خیر سگالی کا جذبہ رکھتا ہے اور ان کے لیے ایک پُرامن مستقبل کا خواہش مند ہے۔
انہوں نے کہا کہ پاکستان طالبان حکومت کے ایسے اقدامات کی حمایت نہیں کرے گا جو افغان عوام یا پڑوسی ممالک کے مفاد میں نہ ہوں۔
وزیرِ اطلاعات نے کہا کہ پاکستان اپنے عوام اور خودمختاری کے تحفظ کے لیے تمام ضروری اقدامات جاری رکھے گا۔
عطاء اللّٰہ تاڑر نے یہ بھی کہا کہ پاکستان نے مذاکرات میں ثالثی پر ترکیہ اور قطر کا شکریہ ادا کیا۔
سفارتی ذرائع کا کہنا ہے کہ استنبول میں پاک افغان مذاکرات بے نتیجہ رہے ہیں۔
سفارتی ذرائع نے بتایا ہے کہ پاکستانی وفد وطن واپسی کے لیے تیار ہے۔
