تازہ ترینقومی خبریں07 نومبر ، 2025
نواب شاہ کے علاقے جام صاحب سے خاتون کی پھندا لگی لاش ملی ہے۔
پولیس کے مطابق خاتون کی ڈیڑھ سال قبل شادی ہوئی تھی۔
اس واقعے سے متعلق پولیس کا کہنا ہے کہ اہلخانہ کے مطابق خاتون نے خودکشی کی ہے، مزید تفتیش کی جارہی ہے۔
=========================
پاکستان تحریک انصاف کے چیئرمین بیرسٹر گوہر نے کہا ہے کہ چیئرمین سنی اتحاد کونسل حامد رضا سے بات ہوئی تھی ان کی گرفتاری نہیں ہوئی۔ حامد رضا نے خود کو سرنڈر کیا ہے۔ پارلیمنٹ ہاؤس کے باہر صحافیوں سے بات چیت کرتے ہوئے بیرسٹر گوہر کا کہنا تھا کہ صاحبزادہ حامد رضا نے خود کوپولیس کے حوالے کیا ہے، یہ ان کی اپنی مرضی اور فیصلہ ہے، حامد رضا کا ایک ہی کیس ہے ان پر جو الزام لگایا ہے وہ بے بنیاد ہے۔
چیئرمین پی ٹی آئی کا مزید کہنا تھا کہ سہیل آفریدی کو بانی پی ٹی آئی سے ملاقات کی اجازت نہیں مل سکی، ملاقات ہوگی، تیمارداری بھی ہوگی تو اچھی خبریں آئیں گی۔ واضح رہے سنی اتحاد کونسل کے چیئرمین صاحبزادہ حامد رضا کو گرفتار کر لیا گیا، صاحبزادہ حامد رضا پشاور سے فیصل آباد کی طرف سفر کر رہے تھے کہ اسلام آباد پولیس نے انہیں گرفتار کیا، قائم مقام چیئرمین سنی اتحاد کونسل صاحبزادہ حسن رضا نے گرفتاری کی تصدیق کردی۔
بتایا جا رہا ہے کہ صاحبزادہ حامد رضا کو فیصل آباد پولیس کے حوالے کیا گیا ہے۔ حامد رضا کو انسداد دہشت گردی عدالت میں پیش کیا گیا۔ عدالت نے صاحبزادہ حامد رضا کو جیل بھیجنے کا حکم دے دیا۔ رواں سال 31 جولائی کو فیصل آباد میں انسداد دہشت گردی (اے ٹی سی) کی خصوصی عدالت نے 9 مئی کے تین مقدمات کا فیصلہ سنایا تھا، عدالت نے 196 ملزمان کو سزائیں سنائی تھیں۔ عدالت نے قومی اسمبلی میں اپوزیشن لیڈر عمر ایوب، سینیٹ میں اپوزیشن لیڈر شبلی فراز، پارلیمانی لیڈر زرتاج گل اور سربراہ سنی اتحاد کونسل صاحبزادہ حامد رضا کو تینوں کیسز میں دس، دس سال قید کی سزائیں سنائی تھیں۔
