✨ راولپنڈی میں سیف اینڈ اسمارٹ ریلوے اسٹیشن اور سی آئی پی لاؤنج کا شاندار افتتاح ✨
وفاقی وزیر ریلوے محمد حنیف عباسی نے راولپنڈی میں جدید ’’سیف اینڈ اسمارٹ ریلوے اسٹیشن‘‘ کا افتتاح کر دیا۔ 🚆🇵🇰
ایف-بلو واو کے تعاون سے تیار کردہ جدید ’’سیف اینڈ اسمارٹ اسٹیشن سسٹم‘‘ میں 180 کیمروں پر مشتمل فول پروف نگرانی کا نظام فعال کر دیا گیا ہے۔
راولپنڈی پہلا اسٹیشن بن گیا ہے جو جدید حفاظتی مانیٹرنگ ٹیکنالوجی سے آراستہ ہے۔
اس موقع پر وزیر ریلوے نے سی آئی پی لاؤنج اور نیا ویٹنگ ایریا بھی باقاعدہ طور پر افتتاح کیا۔
نئے لاؤنجز میں ریفریشمنٹ، چائے، اور فیملیز کے لیے علیحدہ ویٹنگ ایریاز کی سہولت فراہم کی گئی ہے تاکہ مسافروں کو پُرسکون ماحول مل سکے۔ ☕
تمام بڑے اسٹیشنز پر جدید سہولیات جیسے مفت وائی فائی، اے ٹی ایم مشینز، اور ریفربشڈ بوگیوں کی فراہمی کا عمل جاری ہے۔
لاہور تا راولپنڈی چلنے والی تین ریل کاروں کی ریکس تبدیل کر دی گئی ہیں جبکہ چوتھی ریل کار 15 نومبر کو تبدیل کی جائے گی۔
ریل کاروں میں مسافروں کے لیے لازمی اسنیکس کی فراہمی شروع کر دی گئی ہے تاکہ سفر مزید آرام دہ اور خوشگوار بنایا جا سکے۔
وزیرِ ریلوے محمد حنیف عباسی نے کہا:
“مسافروں کو ہر ممکن سہولت فراہم کرنا ہماری اولین ترجیح ہے۔”
فیصل آباد ریلوے اسٹیشن کی اپ گریڈیشن مکمل ہو چکی ہے جبکہ کراچی کینٹ اسٹیشن کا افتتاح بھی جلد متوقع ہے۔
کراچی کینٹ اسٹیشن میں لاہور سے بھی زیادہ جدید سی آئی پی لاؤنج اور ویٹنگ ایریاز تیار کیے جا رہے ہیں۔
گزشتہ آٹھ ماہ میں ریلوے کے نظام میں نمایاں بہتری آئی ہے۔
فریٹ ویگنز میں ’آر ٹیگ‘ کی تنصیب سے نگرانی اور ٹریکنگ کے نظام میں شفافیت اور کارکردگی میں اضافہ ہوا ہے۔
ڈیجیٹل فریٹ مینجمنٹ سسٹم سے کارگو ہینڈلنگ میں تیزی اور اعتماد بڑھا ہے۔
پاکستان ریلوے جدید، محفوظ اور مسافر دوست نظام کی جانب گامزن ہے ترقی کا سفر جاری ہے
