آرٹس کونسل آف پاکستان کراچی کے زیر اہتمام 39 روزہ ”ورلڈ کلچر فیسٹیول 2025“ کے ساتویں روز ناروے کے تھیٹر پلے ”ڈریم گرل“ کے چرچے
میوزک ورکشاپ میں استاد نور بخش نے ” لیلہ ولیلہ“ پر بلوچی شائقین کو ”دو چاپی“ کرنے پر مجبور کر دیا
کراچی ;;آرٹس کونسل آف پاکستان کراچی کے زیر اہتمام 39 روزہ ”ورلڈ کلچر فیسٹیول 2025“ کے ساتویں روز کا آغاز کوموروس کے معروف مصور YAZ کی جانب سے فائن آرٹ کی تربیتی ورکشاپ سے کیا گیا جس میں مصور یاز نے قلم کے ذریعے طلباءکو مصوری کے گُر سکھائے، یاز نے کہاکہ پورٹریٹ کے اندر آپ نے اپنے آرٹ کو بنانا ہونا ہوتا ہے، آرٹس کونسل کے طلباءکا کام بہت اچھا ہے۔ فیسٹیول 6مختصر فلموں کی اسکریننگ کی گئی جس میں پاکستان کی خلش، The Gate( امریکہ) ، Yungay(اسپین)، Dynamics(نیدر لینڈ)، Dueto(چلی) اور بلغاریہ کی Embroidery Fairy Tale شامل تھیں۔ میوزک ورکشاپ میں بلوچی فنکار استاد نور بخش نے سندھی اور بلوچی ثقافت کی دھنوں کو ملاکر پیش کیا جس پر شائقین جھومنے پر مجبور ہوگئے، استاد نور بخش کے ہمراہ دانیال نے بھی پرفارم کیا، ورکشاپ میں صدر آرٹس کونسل محمد احمد شاہ سمیت ملکی و غیر ملکی فنکاروں نے شرکت کی ، اس موقع پر استاد نور بخش نے بتایا کہ وہ پرفارم کرنے سے پہلے شاہ عبداللطیف بھٹائی کا نام لیتے ہیں ، عالمی سطح پر 100سے زائد شو کرچکا ہوں۔ ورکشاپ میں استاد نور بخش بلوچی گانا ” لیلہ ولیلہ “ پرفارم کر کے بلوچی شائقین کو ”دو چاپی“ کرنے پر مجبور کر دیا۔آخر میں ناروے کی Karen Houge کا تھیٹر پلے ”ڈریم گرل“ پیش کیاگیا جس کو شائقین نے بہت پسند کیا اور تالیاں بجا کر بہترین پرفارمنس پر اداکاروں کو خوب داد دی۔فیسٹیول میں کینیڈا سے آئے Mix Well نے اپنی شاندار ڈی جے پرفارمنس سے لوگوں کے دل جیت لیے۔
