عمران خان کے الفاظ مودی کی زبان اور دشمنوں کے بیانیے سے ملتے ہیں، شازیہ مری
November 6, 2025
ویب ڈیسک
Shazia
پاکستان پیپلز پارٹی پارلیمنٹرینز کی مرکزی ترجمان شازیہ مری نے بانی پی ٹی آئی کے حالیہ بیان کی شدید مذمت کی ہے۔
شازیہ مری نے کہا کہ عمران خان کا ایکس پر دیا گیا پیغام قابلِ مذمت ہے، یہ ایک ایسے خود پسند شخص کا اعتراف ہے جو اقتدار کے حصول کے لیے ملک کو نقصان پہنچانے سے بھی دریغ نہیں کرتا۔
ان کا کہنا تھا کہ عمران خان کے الفاظ بھارتی وزیراعظم نریندر مودی کی زبان اور دشمنوں کے بیانیے سے مشابہ ہیں۔ انہوں نے مزید کہا کہ عمران خان کی سیاست نے ریاستی اداروں کو کمزور اور قوم کو تقسیم کیا ہے۔
اسلام آباد ہائیکورٹ کا سلمان اکرم راجہ کی آج عمران خان سے ملاقات کرانے کا حکم
شازیہ مری کے مطابق اقتدار کی ہوس نے عمران نیازی کی اخلاقی اور قومی حدود مٹا دی ہیں، اور ان کا موجودہ طرزِ سیاست دراصل پاکستان مخالف مہم بن چکا ہے۔
انہوں نے کہا کہ پیپلز پارٹی جمہوریت، اداروں اور آئین کے تحفظ کے لیے پرعزم ہے اور کسی بھی صورت ملک دشمن بیانیے کو کامیاب نہیں ہونے دے گی۔
