سینٹرل پولیس آفس،
#پاکستان_ریلویز_پولیس ، #لاہور
پریس ریلیز
مؤرخہ : 4/11/25
ریلویز پولیس ٹریننگ اسکول #والٹن میں 468 اہلکاروں اور افسران کی پاسنگ آؤٹ پریڈ تقریب، وزیر ریلویز #محمد_حنیف_عباسی مہمانِ خصوصی
لاہور: #ریلویز پولیس ٹریننگ اسکول والٹن میں 68ویں ریکروٹ، ساتویں انٹرمیڈیٹ، چھٹے ڈرل انسٹرکٹر اور پہلے سب انسپکٹر لیگل کورسز کی پاسنگ آؤٹ پریڈ تقریب کا انعقاد ہوا جس میں 468 اہلکاروں بشمول 97 خواتین پاس آؤٹ ہوئیں۔ تقریب کے مہمانِ خصوصی وزیر ریلویز محمد #حنیف_عباسی تھے جن کا آئی جی ریلویز #پولیس رائے طاہر (ہلال شجاعت، ستارہ امتیاز) نے پرتپاک استقبال کیا۔ وزیر ریلویز محمد حنیف عباسی نے شاندار پریڈ کا معائنہ کیا۔ ڈی آئی جی ٹریننگ عبدالرب چودھری اور پرنسپل ریلویز پولیس ٹریننگ اسکول والٹن اقصیٰ رسول اور انکی ٹیم کی کارکردگی کو سراہا۔
ٹرینیز کو 6 ماہ کے دورانیہ میں دور جدید کے تقاضوں کے پیشِ نظر جدید تربیت دی گئی جس میں جوانوں کو دہشت گردی جیسے موزی مرض سے نبردآزما ہونے کیلئے سخت جسمانی تربیت کے ساتھ ساتھ جوڈو کراٹے، سیلف ڈیفنس، ان آرمڈ فائٹ، ویپن ہینڈلنگ، فائرنگ، فزیکل فٹنس اور ضروری فوجداری قوانین اور سیکیورٹی میں خصوصی تربیت دی گئی ہے۔ ٹرینیز کو ڈرائیونگ سکھائی گئی اور ڈرائیونگ لائسنس بھی جاری کروائے گئے۔
آئی جی ریلویز پولیس نے سپاس نامہ پیش کیا اور اپنی تقریر میں مہمان خصوصی کا شکریہ ادا اور تمام جوانوں کو مبارکباد پیش کرتے ہوئے کہا کہ اس ادارے سے نہ صرف ریلویز پولیس کے افسران اور جوانوں نے استفادہ حاصل کیا بلکہ یہاں سے ایف آئی اے اور اے این ایف جیسے اداروں کے جوانوں نے بھی بنیادی تربیت حاصل کی۔ آئی جی نے ریلویز پولیس میں 1500 سیٹوں پر بھرتی کی اجازت دینے پر منسٹر ریلویز کا شکریہ ادا کرتے ہوئے کہا کہ ان جوانوں کو خالصتاً میرٹ اور قابلیت کی بنیاد پر بھرتی کیا گیا ہے۔ آئی جی نے مہمان خصوصی سے گذارش کی کہ ریلویز پولیس میں بھرتی مستقل بنیادوں پر کی جائے اور موجودہ کنٹریکٹ پر ہونیوالے ملازمین کو مستقل کیا جائے مزید ملازمین کے اسکیل اپ گریڈ کرنے اور ریلویز پولیس کے بینڈ اسٹاف میں بھرتی کی اجازت کی درخواست کی۔
ّّ منسٹر ریلویز نے اپنی تقریر میں پاس آؤٹ ہونے والوں کو مبارکباد پیش کرتے ہوئے ہدایت دی کہ آپ اپنی ڈیوٹی پوری تندہی اور لگن سے سرانجام دیں اور مصیبت زدہ مسافروں کے مددگار بنیں اور فیلڈ میں جاکر ریلویز پولیس ٹریننگ اسکول والٹن سے حاصل کردہ تربیت کو عملی جامہ پہنا کر ملک کا نام روشن کریں۔ وزیر ریلویز کا کہنا تھا کہ آئی جی ریلویز کی سرابرہی میں ریلویز پولیس کی کارکردگی مزید بہتر ہوگئی ہے اور اس فورس نے ایک مقام حاصل کرلیا ہے۔ آئی جی ریلویز کی کمان میں بغیر ٹکٹ مسافروں اور اس میں ملوث ملزمان کیخلاف کارروائیاں، اینٹی انکروچمنٹ آپریشنز میں معاونت اور کرپشن کیخلاف زیرو ٹالرنس جیسے اقدامات قابل تحسین ہیں۔ مزید بیان کیا کہ ریلویز پولیس میں موجودہ اور جاری کل 1500 افسران اور ملازمین کے بھرتی کا عمل نہایت ہی شفافیت اور میرٹ کی بنیاد پر عمل میں لایا گیا ہے۔ وفاقی وزیر کا یہ بھی کہنا تھا کہ #پاکستان_ریلویز کی بقاء کے لئے ابتک ریلویز پولیس کے 37 جوانوں نے جام شہادت نوش فرمایا ہے اور ان میں سے چند شہداء #قائداعظم / #پاکستان پولیس میڈل کے حامل بھی ہو چکے ہیں۔ ان سب کی قربانیوں کو ہمیشہ یاد رکھا جائیگا۔ #جعفر_ایکسپریس پر بزدلانہ حملے کی طرف توجہ دلاتے ہوئے کہا کہ دشمن نے بڑی کوشش کی، مگر نہ میرا ڈرائیور، نہ مسافر اور نہ ریلویز پولیس و دیگر سیکیورٹی اہلکار ڈرے لہٰذا کوئی جعفر ایکسپریس کو بند نہیں کرواسکا اور نہ کرواسکے گا۔ آخر میں آئی جی ریلویز کی مستقل بھرتی، اسکیل اپگریڈیشن اور بینڈ سٹاف جیسی گزارشات کی اجازت کا اعلان کیا۔
وزیر ریلویز نے ٹریننگ میں نمایاں پوزیشن حاصل کرنے والے جوانوں کو تعریفی اسناد اور انعامات سے نوازا۔ نمایاں پوزیشن حاصل کرنے والوں میں #کوئٹہ ڈویژن کے سمیع اللہ، #راولپنڈی ڈویژن کے عدیل احمد اور رقیہ الطاف، #کراچی ڈویژن کے عبدالغفور، #لاہور ڈویژن کے حماد، #پشاور ڈویژن کے مسرور علی، #سکھر ڈویژن کے شہباز علی اور ورکشاپس ڈویژن کے زین عالم شامل ہیں۔
تقریب میں #سی_ای_او ریلویز عامر علی بلوچ، ڈی آئی جی نارتھ عبدالرب چودھری، ڈی جی والٹن سفیان سرفراز ڈوگر اور اے آئی جی ایڈمن سید حماد حیدر سمیت ریلویز و ریلویز پولیس افسران، ملازمین اور فیملیز نے شرکت کی۔
(پبلک ریلیشنز آفیسر، ریلویز پولیس، #سی_پی_او، لاہور)
#Walton , #Lahore
Federal #Minister for #Railways , #Hanif_Abbasi
#CEO , #PakistanRailways
#IG , #PakistanRailwaysPolice
#PakistanRailwaysFriends ( Group )
