تھانہ بولا خان، ضلع جامشورو 5 نومبر 2025
پاکستان پیپلز پارٹی کے سینئر رہنما کاکا کشنچند آڈوانی اور رکن سندھ اسمبلی و وزیرِ اعلیٰ سندھ کے معاونِ خصوصی برائے اقلیتی امور ڈاکٹر شام سندر آڈوانی نے گرو نانک دربار تھانہ بولا خان میں دھن دھن صاحب سری گرو نانک دیو جی مہاراج کے 556ویں پرکاش گرپورب کی مناسبت سے منعقدہ تقریب میں شرکت کی۔
اس موقع پر پاکستان پیپلز پارٹی کے رہنما و تاجر دیال داس آڈوانی، لچھمن داس آڈوانی و دیپک آڈوانی نے بھی شرکت کی۔
تقریب میں وزیرِ مملکت کھیئل داس کوہستانی، سابق رکنِ قومی اسمبلی جئے پرکاش لوہانہ، اور کوہستان کی معزز شخصیات سمیت گرو نانک نام لیوا سنگت کی بڑی تعداد بھی موجود تھی۔
ڈاکٹر شام سندر آڈوانی، کاکا کشنچند آڈوانی، دیال داس آڈوانی، لچھمن داس آڈوانی اور دیپک آڈوانی نے گرو گھر میں حاضری دی اور ملک و قوم کی امن و سلامتی، خوشحالی، اور پاکستان پیپلز پارٹی کی اعلیٰ قیادت کے لیے خصوصی ارداس کی۔
اس موقعے پر گدینشین دربار صاحب تھانہ بولا خان باوا ارجن داس نے کاکا کشنچند آڈوانی، ڈاکٹر شام سندر آڈوانی اور دیگر معزز مہمانوں کو گرو گھر کی سروپا پیش کی۔
کاکا کشنچند آڈوانی، ڈاکٹر شام سندر آڈوانی و پریوار نے اس موقع پر تمام گرو نانک نام لیوا سنگت کو دھن دھن صاحب سری گرو نانک دیو جی مہاراج کے پراکاش گرپوربھ کی لکھ لکھ بدھائیاں پیش کیں۔
====================
کے الیکٹرک کے سی ای او سید مونس عبداللّٰہ کو ہٹانے کی کوشش ناکام
06 نومبر ، 2025FacebookTwitterWhatsapp
اسلام آباد(خالد مصطفیٰ) کے-الیکٹرک کے سی ای او سید مونس عبداللہ علوی کو ہٹانے کی کوشش بدھ کو اس وقت ناکام ہوگئی جب کمپنی کے اہم نجی شیئرہولڈرز نے بورڈ آف ڈائریکٹرز کے اجلاس میں شرکت سے انکار کردیا، جس کے باعث اجلاس کورم کی کمی کے باعث منسوخ ہوگیا۔اجلاس کا باضابطہ ایجنڈا ’’نان فنانشل امور‘‘ تھا، مگر درحقیقت مقصد سی ای او کی برطرفی تھا۔ حکومتی نامزد ارکان شریک ہوئے لیکن سعودی عرب کی الجمیع گروپ اور کویت کی ڈینہم انویسٹمنٹس جیسے غیر ملکی سرمایہ کار، جو اکثریتی حصص کے مالک ہیں، غیر حاضر رہے۔ذرائع کے مطابق غیر ملکی سرمایہ کاروں نے اس اقدام کو ’’معاندانہ‘‘ قرار دیا، خصوصاً ایسے وقت میں جب وہ حکومت پاکستان کے ساتھ 2 ارب ڈالر کے تنازعے پر مذاکرات میں مصروف ہیں۔
