اسلام آباد:وفاقی وزیر و صدر مسلم لیگ (ن) خیبر پختونخوا انجینئر امیر مقام کی زیر صدارت پارٹی کے اضلاع کے صدور و جنرل سیکرٹریز کا اجلاس اسلام آباد میں منعقد ہوا۔
اجلاس میں تنظیمی امور اور پارٹی کی فعالیت پر تفصیلی غور کیا گیا جبکہ شرکاء نے متفقہ قراردادوں کے ذریعے میاں محمد نواز شریف، وزیر اعظم شہباز شریف، انجینئر امیر مقام اور مرتضیٰ جاوید عباسی کی قیادت پر مکمل اعتماد کا اظہار کیا۔
انجینئر امیر مقام نے ضلعی سطح پر کنونشنز کے انعقاد، سوشل میڈیا پر پارٹی کی کارکردگی اجاگر کرنے اور ایک ماہ میں تنظیم سازی مکمل کرنے کی ہدایت دی۔
انہوں نے کہا کہ گزشتہ 13 برسوں میں پی ٹی آئی حکومت کی ناکامیوں کو عوام کے سامنے لایا جائے، جبکہ پاکستان کی موجودہ کامیابیاں وزیر اعظم شہباز شریف اور فیلڈ مارشل سید عاصم منیر کی متحرک قیادت کا نتیجہ ہیں۔
