کراچی: (پریس ریلیز)
5/نومبر/2025
کراچی،(رپورٹر): چیئرمین محلہ کمیٹی لانڈھی، جناب کاشف نظامی کی جانب سے اپنی مدد آپ کے تحت اپنے محلّے ایریا 36E اور 5B میں ڈینگی سے بچاؤ کے لیے جراثیم کش اسپرے مہم کا باقاعدہ آغاز کر دیا گیا ہے۔اس سلسلے میں اہلیان علاقہ نے چیئرمین کاشف نظامی کے اقدام پر خوشی اور اطمینان کا اظہار کرتے ہوئے کہا کہ یہ جراثیم کش اسپرے ہمارے بچوں کو کئی بیماریوں سے محفوظ رکھے گا۔ کاشف نظامی نے اس موقع پر گفتگو کرتے ہوئے کہا کہ اگر ضرورت پڑی تو محلّہ کمیٹی کی جانب سے علاقے کے لوگوں کی صحت کے تحفظ کے لیے مزید اقدامات بھی کیے جائیں گے۔ انہوں نے بتایا کہ ان کی درخواست پر علاقے کی کئی کچرا کنڈیوں سے بھی کچرا اٹھایا جانے لگا ہے۔ انہوں نے لوگوں کی خدمت کے اس عمل میں تعاون کرنے پر لانڈھی ٹاؤن چیئرمین اور سندھ سولڈ ویسٹ مینجمنٹ بورڈ (SSWMB) کا تہہ دل سے شکریہ ادا کیا اور ان کے شکرگزار ہونے کا اظہار کیا۔اس مہم کے موقع پر چیئرمین کاشف نظامی کے ہمراہ وائس چیئرمین قاضی واثق عظیم، جنرل سیکریٹری عبدالسلیم، جوائنٹ سیکریٹری حاجی نعیم خان، فنانس سیکریٹری سید سلمان اور محلہ کمیٹی کے دیگر عہدیداران و کارکنان بھی شامل تھے۔
