چھٹے روز 3 تربیتی ورکشاپ، 2ٹاکس، 5فلم اسکریننگ اور فرانسیسی تھیٹر پلے ”Boucan“ پیش کیا گیا۔۔
کراچی ( ) آرٹس کونسل آف پاکستان کراچی کے زیر اہتمام 39 روزہ ”ورلڈ کلچر فیسٹیول 2025“ کے چھٹے روز 3 تربیتی ورکشاپ، 2ٹاکس، 5فلم اسکریننگ اور فرانسیسی تھیٹر پلے ”Boucan“ پیش کیا گیا ، فیسٹیول کا آغاز IN AWE NATURE, RETHINK, REUSE, REDUCE, RECYCLE کے نام سے آرٹ تربیتی ورکشاپ سے کیاگیا جس میں سوئیڈن کی میورل مصورہ ڈومینیکا فاریسٹ نے ACAICکے طلباءکو مصوری کے گر سکھا ئے، ورکشاپ میں صدر آرٹس کونسل محمد احمد شاہ، آرٹس کونسل فائن آرٹ کمیٹی کے چیئرمین فرخ تنویر شہاب، شاہد رسام، نذرالسلام سمیت فائن آرٹ سے وابستہ شخصیات نے شرکت کی جبکہ تربیتی ورکشاپ میں شریک طلباءنے رنگوں، روشنیوں اور تخلیقی اظہار کے مختلف طریقوں پر عملی تربیت حاصل کی، ڈومی فاریسٹ نے رنگوں کو برش کے ذریعے کینوس پر منتقل کرنے کے نت نئے پہلوو ¿ں سے روشناس کرایا ، اس موقع پر مصورہ ڈومی فاریسٹ نے کہاکہ مجھے یہاں آکر بہت خوشی محسوس ہورہی ہے، آرٹ صرف ایک اظہار ہی نہیں بلکہ ذہنی سکون اور مثبت سوچ کو فروغ دینے کا ذریعہ بھی ہے۔ آنکھیں بند کرکے کسی بھی چیز کو محسوس کیا جاسکتا ہے، رنگوں سے ذہنی سکون بھی حاصل ہوتا ہے، آرٹ کے ذریعے
ہم اپنی اندرونی سوچ کو باہر لاکر تخلیقی انداز میں پیش کر سکتے ہیں۔ رقص اور تھیٹر پر ”Beyond Borders “ کے عنوان پر نشست کا اہتمام کیاگیا جس میں کوریوگرافر Charlene Campbell(برطانیہ ) ، رقاصہAlina(رومانیہ)، Wedny Jehlen(امریکہ )، تھیٹر اداکار Jonah Katz (فرانس) اور کانگو کے معروف اسٹریٹ ڈانسر Bienco Matrix نے موضوع سے گفتگو کی، جس میں پاکستان کی معروف رقاصہ نگہت چوہدری نے نظامت کی، اس موقع پر Charlene Campbell نے کہاکہ Ballet Beyond Borders پوری دنیا میں پرفارم کررہا ہے یہ کرنا ہمارے لیے مشکل تھا مگر ہم کامیاب ہوئے، علینا نے کہاکہ آرٹس کونسل ڈانس اکیڈمی کے بچوں کے ساتھ پرفارم کرکے بہت مزہ آیا، ایسا جذبہ پاکستان کے علاوہ کسی اور ملک میں نہیں دیکھا۔ رقاصہ Wedny Jehlenنے کہاکہ میں ہر انسان کی اپنی ایک کہانی ہے، جب میں ڈانس کرتی ہوں تو اس کے پیچھے کوئی مقصد یا کہانی ضرور ہوتی ہے۔ فرانس کے تھیٹر اداکار Jonah Katz نے کہاکہ میں نے اپنی پوری زندگی ڈانس، تھیٹر اور میوزک میں گزاری جبکہ پانچ سال تک اسٹریٹ پرفارمنس کی۔ ہم اپنے تھیٹر کے درمیان میں شائقین کو شامل کرکے لطف اندوز ہوتے ہیں۔ کانگو کے معروف اسٹریٹ ڈانسر Bienco Matrix نے میں کہاکہ کانگو میں آرٹ کو صرف شاعری سمجھا جاتا تھا ، لوگوں نے پاکستان آنے پر خوشی کا اظہار نہیں کیا مگر یہاں آکر محسوس ہوا کہ ہمارا کراچی آنے کا فیصلہ صحیح تھا ، ورلڈ کلچر فیسٹیول میں پاکستانی شہریوں سے مل کر اچھا لگا، ہم کانگو واپس جاکر پاکستان کی اچھائیاں لوگوں کو بتائیں گے۔ ارجنٹینا کے Adrian Bojko نے فائن آرٹ سے متعلق منعقدہ ورکشاپ میں طلباءکو مصوری کے گُر سکھائے جبکہ آرٹس کونسل آف پاکستان کراچی کی جانب سے صدر محمد احمد شاہ نے ڈومینیکا فاریسٹ،Adrian Bojko، نتالیہ اور Yaz کو سندھ کی ثقافتی اجرک تحفہ میں پیش کی۔ میوزک ورکشاپ میں رومانیہ کی Georgiana Costea Glugaنے ”Opera پرفارمنس ورکشاپ میں طلباءکو اوپرا موسیقی کے گُر بتائے، ورکشاپ میں پاکستان میں رومانیہ کے سفیر Dan Stoenescu اور صدر آرٹس کونسل محمد احمد شاہ سمیت قونصل خانے کے عہدیداران نے بھی شرکت کی، اس موقع پر صدر آرٹس کونسل محمد احمد شاہ نے تمام عہدیدارن کو سندھ کی ثقافتی اجرک تحفہ میں پیش کی، رومانیہ کے سفیر Dan Stoenescuنے کہاکہ رومانیہ کا قونصل خانہ ورلڈ کلچر فیسٹیول کا حصہ بن کر بہت خوش ہے، بہت اچھا لگا کراچی والوں نے اوپرا میوزک کو اتنا پسند کیا۔ انگلینڈ کے فنکار SCOTT WILLSON کی جانب سے موسیقی پر مبنی نشست کا انعقاد کیاگیا جس میں انگلینڈ کے فنکار کی جانب سے شوریل پیش کی گئی ، شوریل میں 90 کی دہائی کے پاکستانی گانوں اور مدھر موسیقی کو خراج تحسین پیش کیا گیا جبکہ انگلینڈ کے فنکار کی جانب سے معروف گلوکار نصرت فتح علی کے انداز موسیقی کو جدت کے رنگ دیتے ہوئے پیش کیا۔ جبکہ فی البدیع ڈی جے پرفارمنس میں ملکی و غیر ملکی فنکاروں جھومتے رہے۔ آخر میں Cirz Biz`Artکی جانب سے فرانسیسی سرکس اور مزاح سے بھرپور تھیٹر پلے ”Boucan“ پیش کیا گیاجس کے تھیٹر ڈائریکٹرز Laurie Roger , Jonah Katz, Remy Bombled تھے، فرانسیسی فنکاروں نے سرکس کو اداکاری میں شامل کرتے ہوئے زبردست پرفارمنس کا مظاہرہ کیا، بیٹ باکسنگ کے ذریعے موسیقی کی مختلف دھنیں بناتے ہوئے تیار کی گئی پرفارمنس نے شرکاءکے دل جیت لیے۔ مزاح،موسیقی اور دلچسپ اداکاری پر مبنی پرفارمنس کو شائقین کی جانب سے خوب سراہا گیا، سرکس کے مختلف انداز پر پور اہال تالیوں سے گونج اٹھا۔
