وفاقی وزیر چوہدری سالک حسین سے پاکستان اوورسیز ایمپلائمنٹ پروموٹرز ایسوسی ایشن کے وفد نے ملاقات کی، جس میں ڈی جی ایف آئی اے رفعت مختار اور سیکریٹری اوورسیز پاکستانیز ندیم اسلم چوہدری بھی شریک تھے۔ وفد نے ورکرز کو ایف آئی اے کی جانب سے ایئرپورٹس پر آف لوڈ کرنے کے واقعات سے آگاہ کیا۔ چوہدری سالک حسین نے کہا کہ بیرون ملک روزگار کے لیے جانے والے پاکستانی ہمارے لیے قابلِ فخر اثاثہ ہیں، انہیں غیر قانونی طور پر روکنے کی اجازت نہیں دی جائے گی۔
ڈی جی ایف آئی اے رفعت مختار نے بتایا کہ ایف آئی اے نے ورک ویزا ہولڈرز کے لیے کوئی نئی شرائط عائد نہیں کیں، اگر کوئی اہلکار ملوث پایا گیا تو سخت کارروائی ہوگی۔ انہوں نے کہا کہ ایف آئی اے جلد ڈیجیٹل نظام متعارف کرائے گی تاکہ ورکرز روانگی سے قبل اپنی امیگریشن کا عمل آن لائن مکمل کر سکیں۔
وفد نے فوری ایکشن پر چوہدری سالک حسین، وزیرِ داخلہ محسن نقوی، ڈی جی ایف آئی اے رفعت مختار، اور سیکریٹری ندیم اسلم چوہدری کا شکریہ ادا کیا
