پاک بھارت کے ڈی جی ایم اوز کے دونوں مسلح افواج کو معمول کی پوزیشن پر لیجانے کیلئے رابطے، ذرائع
پاکستان اور بھارت کے ڈائریکٹر جنرلز آف ملٹری آپریشنز (ڈی جی ایم اوز) کے دونوں مسلح افواج کو معمول کی پوزیشن پر لے جانے کیلئے رابطے ہوئے ہیں۔
ذرائع کا کہنا ہے کہ پاک بھارت افواج کی زمانہ امن کی پوزیشنوں پر واپسی جاری سیز فائر کا اگلا مرحلہ ہے۔
بھارت کی طرف سے جارحیت کے بعد دونوں ملکوں کی افواج ایک دوسرے کے سامنے آئی تھیں۔
بھارتی فوج نے رافیل طیارہ گرنے کا بالواسطہ اعتراف کرلیا
خیال رہے کہ اس سے قبل پاکستان اور بھارت کے ڈائریکٹر جنرلز آف ملٹری آپریشنز (ڈی جی ایم اوز) کے درمیان جنگ بندی کے بعد تیسرا رابطہ ہوا تھا، ڈی جی ایم اوز کی بات چیت میں جنگ بندی جاری رکھنے پر اتفاق کیا گیا تھا، دونوں افسران نے زمینی صورتِ حال پر تبادلہ خیال کیا تھا۔
ذرائع کے مطابق پاکستان اور بھارت کے ڈی جی ایم اوز کے درمیان تیسرا رابطہ مثبت رہا، فریقین نے جنگ بندی کو برقرار رکھنے کے عزم کا اعادہ کیا۔
پہلے کبھی جھکے تھے اور نہ آئندہ جھکیں گے،ہماری شہادت کی آرزو زندگی سے زیادہ ہے، لیفٹیننٹ جنرل احمد شریف چوہدری
ایک ملک جھوٹے بیانیے کی بنیاد پر ثبوت کے بغیر الزامات لگا رہا ہے، پاکستان میں سب سے اہم چیز اس کا عزم اور طاقت ہے، ہم اللہ کے بعد سب سے زیادہ اپنے آپ پر انحصار کرتے ہیں، ڈی جی آئی ایس پی آر کا چائنہ میڈیا گروپ سی جی این ٹی کو انٹرویو
پہلے کبھی جھکے تھے اور نہ آئندہ جھکیں گے،ہماری شہادت کی آرزو زندگی ..
راولپنڈی- پاک فوج کے شعبہ تعلقات عامہ (آئی ایس پی آر) کے ڈائریکٹر جنرل لیفٹیننٹ جنرل احمد شریف چوہدری کا کہنا ہے کہ ایک ملک جھوٹے بیانیے کی بنیاد پر ثبوت کے بغیر الزامات لگا رہا ہے، پہلے کبھی جھکے تھے اورنہ آئندہ جھکیں گے، چائنہ میڈیا گروپ سی جی این ٹی کو خصوصی انٹرویو دیتے ہوئے ڈی جی آئی ایس پی آر لیفٹیننٹ جنرل احمد شریف چوہدری نے چینی میڈیا گروپ کو دئیے گئے خصوصی انٹرویو میں بھارت کے ساتھ حالیہ کشیدگی، معرکہ حق، پاک چین تعلقات اور خطے کی مجموعی صورتحال پر پاکستان کا دوٹوک موقف پیش کیا۔
ڈی جی آئی ایس پی آر نے چائنہ میڈیا گروپ کے ہر سوال کا مفصل اور حقائق پر مبنی جواب دیا۔ڈی جی آئی ایس پی آر نے کہا کہ میں پہلے بھی کہتا رہا ہوں اور اب بھی کہتا ہوں ہماری شہادت کی آرزو زندگی سے زیادہ ہے، چاہے کسی نے نیلی، سفید یا خاکی وردی پہن رکھی ہے شہادت ہمارے لئے اعزاز ہے۔
۔انہوں نے کہا کہ پاکستان میں سب سے اہم چیز اس کا عزم اور طاقت ہے۔
ہم اللہ کے بعد سب سے زیادہ اپنے آپ پر انحصار کرتے ہیں۔ جب ہمارا عزم مضبوط ہوگا جو ہم نے دکھایا بھی ہے تو پھر بین الاقوامی کمیونٹی بھی کردار ادا کرتی ہے۔دنیا کے جتنے بھی ممالک ہیں سب کو بڑے چیلنجز کا سامنا ہے جو بڑے ممالک ہیں ان کا ویڑن بھی بڑا ہے لوگ انسانیت کی ترقی کی جانب دیکھ رہے ہیں۔لیفٹیننٹ جنرل احمد شریف چوہدری کا کہنا ہے کہ پاکستانی قوم نہ تو پہلے جھکی تھی اور نہ ہم اب جھکیں گے۔
دنیا کے جتنے بھی ممالک ہیں سب کو اس وقت بڑے چیلنجز کا سامنا ہے جو بڑے ممالک ہیں ان کا ویژن بھی بڑا ہے لوگ انسانیت کی ترقی کی جانب دیکھ رہے ہیں۔ دنیا کو موسمیاتی تبدیلی اور بڑھتی آبادی کے مسائل ہیںبہت سارے مسائل سے دنیا نبردآزما ہے۔ کیا ایسے میں ایک ملک دوسرے ملک پر بلا جواز، جھوٹے بیانیے اور بغیر ثبوت کے چڑھ دوڑے؟ کیا پڑوسی ممالک کے اوپر اپنی اجارہ داری مسلط کرنے کی کوشش کرے؟۔
ڈی جی آئی ایس پی آر لیفٹیننٹ جنرل احمد شریف چوہدری نے کہا کہ پاکستان اور چین دنیا میں دو ذمہ دار ملک ہیں۔پاکستان اور چین دونوں کی پہلی ترجیح لوگوں کی فلاح و بہبود ہے۔ لوگوں کی خوشحالی ہمیشہ امن و استحکم سے آتی ہے۔ پاکستان اور چین دونوں خطے میں امن و استحکام کیلئے کوشاں ہیں۔پاکستان اور چین دو ذمہ دار ریاستیں ہیں جن کی پہلی ترجیح عوام کی فلاح و بہبود ہے۔
انہوں نے کہا کہ پاکستان اور چین خطے میں امن و استحکام کیلئے کوشاں ہیں اور دہشتگردی کے خلاف جنگ میں دونوں ممالک کا تعاون مثالی ہے۔دہشتگردی کا مقصد ہی ترقی کو روکنا ہے لیکن ہم اسے شکست دے کر ترقی کی راہ پر گامزن ہیں۔پاکستان کی گلیوں میں دیکھیں تو آپ کو فتح نہیں امن کی خوشی مناتے لوگ نظر آئیں گے۔ان کا کہنا تھا کہ پاکستان کے لوگوں میں آپ کو انسانیت نظر آئے گی ہم عاجزی کرتے ہوئے اللہ کا شکر ادا کرتے ہیں۔ ہم اللہ تعالیٰ کے حضور سجدہ شکر ادا کرتے ہیں کیونکہ ہم امن پسند ہیں۔ آپ دیکھیں گے کہ ملک کیسے دوڑتا ہوا ترقی کے منازل طے کرے گا،انشااللہ۔
