پریس ریلیز
بھارتی جارحیت کے خلاف پاک فوج کے کامیاب آپریشن “بنیان المرصوص” اور یومِ تشکر کی مناسبت سے تقریب کا انعقاد — معذور افراد کی بھرپور شرکت
نوابشاہ: نیشنل ڈس ایبلٹی اینڈ ڈوالپمینٹ فورم (این ڈی ایف) پاکستان کی جانب سے بھارتی جارحیت کے خلاف پاک فوج کی جانب سے کیے گئے کامیاب آپریشن بنیان المرصوص اور یومِ تشکر کے موقع پر ایک شاندار تقریب کا انعقاد کیا گیا۔ تقریب میں معذور افراد نے بڑی تعداد میں شرکت کی اور پاک فوج سے اپنی محبت اور یکجہتی کا بھرپور اظہار کیا۔ تقریب سے خطاب کرتے ہوئے ڈی ای پی ڈی ڈپارٹمنٹ کے افسران نثار احمد بروھی، عبدالحمید بروھی، صدر این ڈی ایف پاکستان اور طارق حسین چنڑ نے کہا کہ “ہم پاک فوج کو خراجِ تحسین پیش کرتے ہیں جنہوں نے دشمن کی جارحیت کا منہ توڑ جواب دے کر قوم کا سر فخر سے بلند کیا۔ پوری قوم افواجِ پاکستان کے شانہ بشانہ کھڑی ہے۔عابد لاشاری نے کہا کہ “ہمارے سپہ سالار جنرل حافظ عاصم منیر کی قیادت اور افواج کے حوصلے بلند ہیں اور ہمیشہ بلند رہیں گے۔ پاکستان سے محبت ہمارے خون میں شامل ہے اور پاک فوج جیسا کوئی نعم البدل پوری دنیا میں موجود نہیں این ڈی ایف پاکستان کی اس تقریب کا مقصد قومی یکجہتی، حب الوطنی اور خصوصی افراد کی شمولیت کا ایک شاندار مظہر تھی، جس سے یہ پیغام دیا گیا کہ وطن کے دفاع میں قوم کا ہر فرد اپنی افواج کے ساتھ ہے۔تقریب میں شامل اسپیشل افراد نے پاکستان زندہ باد اور پاک فوج پائندہ باد کے نعرے لگاتے ہوئے اپنی وطن سے محبت کا اظہار کیا۔ شرکاء نے اس موقع پر وطن کی سالمیت اور ترقی کے لیے خصوصی دعائیں بھی کیں۔
