معروف مصنفہ ،ہدایت کارہ محترمہ عاصمہ بٹ نے کہا کہ پاکستان ہماری دھرتی ماں ہے،اس کی حفاظت کرنے والے پاک افواج کے خلاف جس نے بات کی اسے منہ توڑ جواب دیا جائے گا

19 مئی 2025

راولپنڈی

معروف مصنفہ ،ہدایت کارہ محترمہ عاصمہ بٹ نے کہا کہ پاکستان ہماری دھرتی ماں ہے،اس کی حفاظت کرنے والے پاک افواج کے خلاف جس نے بات کی اسے منہ توڑ جواب دیا جائے گا،پوری قوم اور فنکار برادری متحد ہو کر پاک فوج کے ساتھ کھڑی ہوجائے تاکہ سب کو واضح پیغام جائے کہ ہم اپنی فوج کے جوانوں کے لئے مر مٹنے کو تیار ر ہیں۔

انھوں نے کہا کہ میں اپنا پیغام آفتاب اقبال کو دینا چاہتی ہوں جس نے پاکستان افواج کے خلاف جھوٹا پراپیگنڈا کیا کہ تم کون ہو؟ تمھاری اوقات کیا ہے،حیثیت کیا ہے؟ تم پاکستان کی برابری کبھی نہیں کرسکتے۔تم کس کی بات کرتے ہوئے ہو۔میرے پاک فوج کے جوانوں کی،میرے فضائیہ کے عقابوں کی،نیوی کے جانبازوں کی۔تم نے بے بنیاد الزامات عائد کیے،تمھارے لئے شرم کا مقام ہے ۔میری تمام فنکار کمیونٹی تمھارے ساتھ کام کرنے سے انکار کرتی ہے۔انھوں نے کہا کہ ہمارے لیجنڈ امان اللہ نے کہہ دیا تھا کہ یہ انسان اس قابل نہیں کہ اس کے ساتھ کام کیا جائے۔میں آفتاب اقبال کو خبردار کرتی ہوں کہ اگر تم نے ہماری سرحدوں کے محافظوں کے خلاف بات کی، تو تمھارے گھر آکر اس کا جواب دیا جائے گا۔ہم سب کو پاک افواج کے لئے مل کر آواز اٹھانا ہوگی ،کیوں کہ انھی کی بدولت آج ہم اپنے گھروں میں چین کی نیند سوتے ہیں،آزادی سے گھومتے پھرتے ہیں۔تمام فنکار کمیونٹی آفتاب اقبال سمیت پاکستان اور افواج کے خلاف پراپیگنڈہ کرنے والوں کو منہ توڑ جواب دینا باخوبی جانتے ہیں۔پاکستان ژندہ باد،پاک فوج ژندہ باد۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔