ایس بی سی اے نے ہتھیار ڈال دیئے:پاسبان
پاسبان ڈیموکریٹک پارٹی نے ایس بی سی اے کو گھٹنے ٹیکنے پر مجبور کر دیا:الطاف شکور
کراچی کو مکمل طور پر کمرشلائز کرنے کا منصوبہ خاک میں مل گیا
سماعت شروع ہونے سے قبل ہی ایس بی سی اے نے رفاہی پلاٹوں کو کمرشلائز کرنے کا نوٹیفکیشن واپس لے لیا
سندھ ہائی کورٹ نے ایس بی سی اے کے نوٹیفیشن واپس لینے پر کیس خارج کر دیا
پی ڈی پی کے چیئرمین الطاف شکور کی، کراچی کے عوام کو مبارکباد
==================
سندھ بلڈنگ کنٹرول اتھارٹی نے کمرشل سرگرمیوں کی اجازت کا نوٹیفکیشن واپس لے لیا، ڈائریکٹر جنرل سندھ بلڈنگ کنٹرول اتھارٹی کی جانب سے تحریری جواب سندھ ہائیکورٹ میں جمع کرادیا۔ ہائیکورٹ میں سندھ بلڈنگ کنٹرول اتھارٹی کی جانب سے رہائشی پلاٹوں پر کمرشل سرگرمیوں کی اجازت کیخلاف درخواستوں کی سماعت ہوئی۔ ڈائریکٹر جنرل سندھ بلڈنگ کنٹرول اتھارٹی کی جانب سے تحریری جواب عدالت میں جمع کرا دیا گیا۔ سندھ بلڈنگ کنٹرول اتھارٹی نے کمرشل سرگرمیوں کی اجازت کا نوٹیفکیشن واپس لے لیا۔ جواب میں کہا گیا کہ 13 مارچ 2025 کا نوٹیفکیشن واپس لے رہے ہیں۔ عدالت نے جماعت اسلامی و دیگر کی جانب سے دائر درخواستیں نمٹادی۔ جماعت اسلامی کی جانب سے اپوزیشن لیڈر سٹی کونسل سیف الدین ایڈووکیٹ اور 9 ٹاؤن چئیرمین نے درخواست دائر کی گئی تھیں۔ جس میں موقف اپنایا گیا تھا کہ ایس بی سی اے کراچی بلڈنگ اینڈ ٹاؤن پلاننگ ریگولیشن میں ترمیم کی ہے۔ ترمیم کے ذریعے رفاعی پلاٹ کی تعریف تبدیل کی گئی ہے۔ رفاعی پلاٹ اصل مقاصد کے علاوہ استعمال نہیں ہوسکتا۔ صحت کی فراہمی کو رفاعی پلاٹ کے استعمال کی تعریف سے نکال دیا گیا ہے۔ بعد رہائشی پلاٹ کو تعلیمی یا صحت کی فراہمی ، تفریحی مقاصد کے لئے استعمال کیا جاسکتا ہے۔ ترمیم کے ذریعے زمین کی منتقلی کیخلاف عوامی اعتراض کا آپشن ختم کردیا گیا ہے۔
====================
سندھ ہائیکورٹ نے ٹریفک پولیس اہلکار کی لڑکے سے بد فعلی کے مقدمے میں درخواست ضمانت مسترد کردی۔ ہائیکورٹ میں ٹریفک پولیس اہلکار ارسلان خان کی لڑکے سے بد فعلی کے مقدمے میں درخواست ضمامت کی سماعت ہوئی۔ عدالت نے پولیس اہلکار ارسلان خان کی درخواست ضمانت مسترد کردی۔ عدالت نے ملزم پولیس اہلکار کو گرفتار کرکے جیل بھیجنے کا حکم دیدیا۔ پولیس نے ملزم اہلکار کو گرفتار کرکے سندھ ہائیکورٹ کے لاک اپ منتقل کردیا۔ پراسیکیوشن کے مطابق ملزم کیخلاف تھانہ تھانہ جیکسن میں لڑکے سے بدفعلی کا مقدمہ درج ہے۔
سندھ ہائیکورٹ کے آئینی بینچ نے 8 ویں کلاس کی طلبہ سے مبینہ اغوا کے بعد شادی سے متعلق پولیس کو لڑکی کی دستاویزات کی تحقیقات کا حکم دے دیا۔ ہائیکورٹ کے آئینی بینچ کے روبرو 8 ویں کلاس کی طلبہ سے مبینہ اغوا کے بعد شادی سے متعلق درخواست کی سماعت ہوئی۔ درخواستگزار کے وکیل نے موقف دیا کہ لڑکا لڑکی کے گھر ڈرائیور تھا۔ لڑکا 8 ویں کلاس کی طلبہ جینیفر جان کو گھر سے لے گیا اور شادی کرلی۔ لڑکی کی عمر 16 سال ہے، چائلڈ میرج کے زمرے میں آتا ہے۔ عدالت نے پولیس کو لڑکی کی دستاویزات کی تحقیقات کا حکم دے دیا۔ عدالت نے پولیس کو لڑکی کے برتھ سرٹیفکیٹ اور اسکول سرٹیفکیٹ کی تصدیق کی ہدایت کردی۔ عدالت نے سماعت 28 مئی تک ملتوی کردی۔ پولیس کے مطابق لڑکے عرفان کیخلاف تھانہ گلشن اقبال میں مقدمہ درج ہے۔
