نامور شاعر عمیر علی انجم کی وفاقی وزیر مملکت برائے تعلیم و پیشہ ورانہ تربیت وجیہہ قمر سے ملاقات
ملک بھر میں یکساں تعلیمی نصاب پر عملدرآمد سمیت اردو زبان کے فروغ میں حکومتی کردار پر بات چیت
وفاقی وزیر مملکت برائے تعلیم و پیشہ ورانہ تربیت وجیہہ قمر سے نامور شاعر عمیر علی انجم کی انکے دفتر میں ملاقات ہوئی اس موقع پر اردو زبان کے فروغ اور ملک میں تعلیمی نظام میں مزید بہتری سمیت اردو زبان کی ترویج و ترقی کے حوالے سے اہم گفتگو کی گئی اس موقع پر شاعر عمیر علی انجم کا کہنا تھا کہ نوجوان اس وقت بہترین ادب تخلیق کررہاہے تاہم جس طرح انکی حوصلہ افزائی ہونی چاہئے وہ اس سے محروم ہیں ہم چاہتے ہیں شعراء ادیبوں اور دانشور طبقے کے لئے مالی معاونت سمیت انکی تخلیقی صلاحیتوں کو اجاگر کرنے کے لئے موثر پلیٹ فارم تشکیل دیا جانا چاہئے تاکہ مستقبل میں ہمیں بہتر قلمکار میسر آسکیں ،اس موقع پر وفاقی وزیر مملکت برائے تعلیم و پیشہ ورانہ تربیت وجیہہ قمر نے نامور
شاعر عمیر علی انجم کی تجاویز کو سراہا اور قلمکاروں کے مسائل کو حل کرنے کا یقین دلاتے ہوئے ادبی خدمات انجام دینے والے افراد کے ساتھ ہر ممکن تعاون کا یقین دلاتے ہوئے کہا کہ شاعر ادیب دانشور کسی بھی معاشرے کی شناخت اور سرمایہ ہوتے ہیں اور ہمیں فخر ہے کہ پاکستان نے بڑے ناموں کو جنم دیا ہے کہ جنھوں نے دنیا بھر میں ملک کا نام روشن کیا ہے تاہم حکومت ہر ممکن کوشش کررہی ہے کہ اپنے حقیقی ہیروز کے ساتھ ہر ممکن تعاون کیا جائے اس موقع پر وفاقی وزیر مملکت برائے تعلیم و پیشہ ورانہ تربیت وجیہہ قمر نے عمیر علی انجم کو انکے پانچویں مجموعہ کلام شائع ہونے پر مبارکباد بھی پیش کی۔
