پاک فوج کی عظیم فتح اور قوم کا اتحاد
لاہور: پاکستان کی معروف جوتے بنانے والی کمپنی “بوٹس” کے چیف ایگزیکٹو آفیسر محترم مظہر الرحمان نے حالیہ تنازعہ میں پاک فوج کی بے مثال قربانیوں اور تاریخی فتح پر فخر اور خراج تحسین پیش کیا۔ انہوں نے کہا کہ “پاک فوج نے مئی 2025 کے تنازعہ میں بہادری اور جواں مردی کا مظاہرہ کرتے ہوئے ایک بزدل اور بے رحم دشمن کو تاریخی شکست سے دوچار کیا۔ یہ فتح صرف فوج کی نہیں بلکہ پوری قوم کی فتح ہے، اور ہم سب فخر سے سرخرو ہیں۔”
انہوں نے پاک فوج کے کمانڈر جنرل عاصم منیر کی قیادت کو سراہتے ہوئے کہا کہ “ایک عظیم اور بہادر کمانڈر کی رہنمائی میں ہمارے جوانوں اور پائلٹس نے دشمن کے دانت کھٹے کر دیے۔ پاکستانی قوم اپنی افواج کے ساتھ مکمل یکجہتی کا اظہار کرتی ہے اور ہمیں اپنی فوج پر ناز ہے۔”
شہداء کی قربانیوں کو سلام
مظہر الرحمان نے شہداء کی عظمت کو خراج عقیدت پیش کرتے ہوئے کہا کہ “ہمارے شہداء نے اپنی جانوں کا نذرانہ پیش کر کے یہ ثابت کر دیا کہ وطن کی حفاظت سے بڑھ کر کوئی مقدس فریضہ نہیں۔ ہم ان کے والدین، خصوصاً ان کی ماؤں کو سلام پیش کرتے ہیں جو حقیقتاً پاکستان کی عظیم ہستیں ہیں۔ یہ مائیں ہمارے لیے مشعل راہ ہیں جنہوں نے اپنے جگر کے ٹکڑوں کو ملک و قوم کی حفاظت کے لیے وقف کر دیا۔”
انہوں نے مزید کہا کہ “یہ مائیں پاکستان کا اصل فخر ہیں جنہوں نے ایسے بیٹے پیدا کیے جو میدان جنگ میں دشمن کے دانت کھٹے کرتے ہوئے شہادت کے بلند مقام پر فائز ہوئے۔ ہم ان کے خون کو کبھی ضائع نہیں جانے دیں گے اور ان کی قربانیوں کو ہمیشہ یاد رکھیں گے۔”
قوم اور فوج کا اٹوٹ رشتہ
ان کا کہنا تھا کہ “پاک فوج اور عوام کا رشتہ خون کے رشتے سے بھی مضبوط ہے۔ ہم سب اپنے جوانوں کے ساتھ ہیں اور ہر مشکل گھڑی میں ان کا ساتھ دیں گے۔ دشمن کو یہ بات اچھی طرح سمجھ لینی چاہیے کہ پاکستان کی زمین پر کوئی آنکھ اٹھا کر بھی نہیں دیکھ سکتا۔”
اس موقع پر انہوں نے تمام کاروباری برادری اور عوام سے اپیل کی کہ وہ پاک فوج کے شانہ بشانہ کھڑے ہوں اور ملک کی سلامتی اور ترقی کے لیے اپنا کردار ادا کریں۔ “ہم سب کو مل کر پاکستان کو مضبوط اور خود انحصار بنانا ہے،” انہوں نے مزید کہا۔
پاک فوج زندہ باد! پاکستان پائندہ باد!
