اسلام آباد: 9 مئی 2025.
وزیراعظم محمد شہباز شریف کا عالمی مالیاتی ادارے کی جانب سے پاکستان کیلئے ایک ارب ڈالر کی قسط کی منظوری اور بھارت کے اس کے خلاف اوچھے ہتھکنڈے ناکام ہونے پر اظہار اطمینان
وزیراعظم کی اس حوالے سے نائب وزیرِ اعظم و وزیرِ خارجہ محمد اسحاق ڈار، وفاقی وزیر خزانہ و محصولات محمد اورنگزیب، سیکریٹری خزانہ امداد اللہ بوصال سمیت حکومت کی معاشی ٹیم کی کارکردگی کی ستائش.
اللہ کے فضل و کرم سے ملکی معاشی صورتحال بہتر اور ملک ترقی کی جانب گامزن ہے. وزیرِاعظم
بھارت یکطرفہ جارحیت سے ہماری ملکی ترقی سے توجہ ہٹانے کی مزموم سازش کر رہا ہے. وزیرِ اعظم
بین الاقوامی اداروں نے بھارت کے جھوٹے پراپیگینڈے کو ذمہ دارانہ اداز سے مسترد کیا. وزیرِ اعظم
آئی ایم ایف کے پروگرام کو سبوتاژ کرنے کی بھارتی کوششیں ناکام ہوئیں. وزیرِ اعظم
پروگرام سے پاکستان کی معیشت کو مستحکم اور اسے طویل مدتی بحالی کی راہ پر گامزن کرنے میں مدد ملے گی : وزیراعظم
حکومت ٹیکس اصلاحات، توانائی کے شعبے کی بہتر کارکردگی اور نجی شعبے کی ترقی جیسے اہم شعبوں کے حوالے سے ترجیحی بنیادوں پر کام کر رہی ہے: وزیراعظم
گزشتہ چودہ ماہ میں بہتر معاشی اعشاریے حکومت کی مثبت پالیسیوں کا مظہر ہیں : وزیراعظم
پاکستان کے معاشی استحکام کے لائحہ عمل، مؤثر کارکردگی اور اس حوالے سے پائیدار منصوبہ بندی کے لئے پر عزم ہیں : وزیراعظم
==========================
کراچی
مور خہ 09مئی 2025
کراچی 9 مئی ۔سندھ کے سینئر وزیر شرجیل انعام میمن نے سوشل میڈیا پر ایک اہم بیان میں کہا ہے کہ 6 اور 7 مئی 2025 کو پاکستانی دفاعی نظام نے بھارتی فضائیہ کے تین رافیل طیارے مار گرائے، جن کے پائلٹس کی جان برطانوی کمپنی مارٹن بیکر کے “ایجیکشن سسٹم” کے ذریعے بچائی گئی۔سینئر وزیر شرجیل انعام میمن نے سوشل میڈیا پلیٹ فارم ایکس پر لکھا کہ بھارتی رافیل طیارے مارٹن بیکر ایم کے 16 ایجیکشن سیٹ استعمال کرتے ہیں۔ انہوں نے کہا کہ برطانوی کمپنی مارٹن بیکر ہر اس پائلٹ کا ریکارڈ رکھتی ہے جس کی جان اس کے ٹیکنالوجی کی بدولت بچی ہو، اور یہ معلومات وہ اپنے ایکس اکاؤنٹ پر شائع کرتی ہے، انہوں نے حال ہی میں بچائے گئے پائلٹس کی تعداد 7,784 سے بڑھا کر 7,788 کی ہے۔انہوں نے کہا کہ فہرست بچ جانے والے چار نئے پائلٹس میں ایک تو امریکی نیوی کے سپر ہورنیٹ طیارے کی بحیرہ احمر میں تباہی سے متعلق ہے۔سینئر وزیر شرجیل انعام میمن نے کہا کہ باقی بچ جانے تین پائلٹس بھارتی رافیل طیاروں کے پائلٹس تھے، جو واضح طور پر پاکستان کے ہاتھوں 6 اور 7 مئی 2025 کو مار گرائے گئے۔
ہینڈآؤٹ نمبر 529۔۔۔۔
====================
کراچی
مور خہ 09مئی 2025
نيوز ون پر بھارتی پابندی سندھ کے سینئر وزیر شرجیل انعام میمن کا شدید ردعمل
کراچی 9 مئی ۔ بھارتی حکومت کی جانب سے پاکستانی نجی ٹی وی چینل نیوز ون پر پابندی عائد کیے جانے پر سندھ کے سینئر وزیر شرجیل انعام میمن نے شدید ردعمل دیتے ہوئے اس اقدام کی سخت الفاظ میں مذمت کی ہے۔شرجیل میمن نے اپنے بیان میں کہا ہے کہ دہشتگرد بھارت کی فاشسٹ حکومت آزادیٔ صحافت، جمہوری اقدار اور ہمسایہ ممالک کے ساتھ تعلقات کو مسلسل پامال کر رہی ہے۔انہوں نے مزید کہا کہ نیوز ون پر پابندی اس بات کا ثبوت ہے کہ انتہا پسند مودی سرکار سچ اور اختلاف رائے سے خوفزدہ ہے۔ دہشتگرد بھارتی حکومت کا رویہ صرف صحافت کے خلاف نہیں بلکہ پورے خطے کے امن کے خلاف ہے۔شرجیل انعام میمن کا کہنا تھا کہ بھارت اپنی ناکامیوں پر پردہ ڈالنے کے لیے میڈیا پر قدغن لگا رہا ہے تاکہ اپنی عوام کو گمراہ کیا جا سکے۔انہوں نے اقوام متحدہ، صحافتی اداروں اور انسانی حقوق کی تنظیموں سے مطالبہ کیا کہ وہ بھارتی حکومت کی فاشزم کا نوٹس لیں اور اس کے خلاف مؤثر اقدامات کریں۔
ہینڈآؤٹ نمبر 528۔۔۔
