لاہور()برداشت پنجاب کے زیر اہتمام لاہور پریس کلب کے سامنے ہندوستان کی جارحیت کے خلاف احتجاج ،انسانی حقوق کے پاسداران کی شرکت ،اس موقع پر چئیر پرسن برداشت آمنہ الفت کا کہنا تھا کہ بھارت نےپاکستان پر حملہ کرکے اپنی تباہی کا آغاز کردیا ہے ۔ پاکستانی قوم کا بچہ بچہ پاکستان کے دفاع کیلئے اپنی فوج کیساتھ کھڑا ہے ۔ پوری قوم افواج پاکستان کے ساتھ کھڑی ہے۔ ملک کے دفاع کیلئے ہر قربانی دینے کیلئے تیار ہیں
اور بھارتی جارحیت کیخلاف پوری پاکستانی قوم کا مورال اور جذبہ قابل ستائش ہے۔ان کا کہنا تھا پاک فوج بھارت کےبزدلانہ حملوں کا بھرپور جواب دیکر عوام کے جذبات کی ترجمانی کررہی ہے اور پوری پاکستانی قوم کا مورال اور جذبہ بلند ہے۔اس موقع پر احتجاجی شرکاء کی جانب سے پاک فوج زندہ باد ، پاکستان زندہ بادکے نعرے لگائے۔شرکاء میں شہزادہ علی ذولقرنین،عبداللہ ملک اور دیگر موجود تھے۔
