پریس ریلیز
کراچی( )پاکستان مرکزی مسلم لیگ کراچی کے تحت سہراب ٹاؤن میں غیر اعلانیہ لوڈشیڈنگ اور اوور بلنگ کے خلاف احتجاجی مظاہرہ کیا گیا۔ احتجاجی مظاہرے میں علاقہ مکینوں کی بڑی تعداد نے شرکت کی۔
مظاہرین نے حکومت کے الیکٹرک اور مئیر کراچی کے خلاف شدید نعرے بازی کی اور بجلی کی عدم فراہمی کو ظلم قرار دیا ۔
مظاہرے سے خطاب کرتے ہوئے سہراب ٹاؤن کے صدر حافظ عبدالقیوم نے کہا کہ جب عوام باقاعدگی سے بل ادا کر رہے ہیں تو بجلی فراہم نہ کرنا ناقابلِ قبول ہے۔ گرمی کی شدت میں ہمارے بچے پنکھے کے بغیر تعلیم حاصل کرنے پر مجبور ہیں، جبکہ حکمرانوں کے جانور بھی اے سی میں پل رہے ہیں۔
انہوں نے خبردار کیا کہ اگر بجلی کی غیر اعلانیہ لوڈشیڈنگ اور اوور بلنگ کا فوری خاتمہ نہ کیا گیا تو اگلا احتجاج سپر ہائی وے پر ہوگا اور سڑک کو مکمل جام کر کے عوامی طاقت کا مظاہرہ کیا جائے گا۔
پاکستان مرکزی مسلم لیگ نے مطالبہ کیا کہ فی الفور بجلی کی فراہمی کو یقینی بنایا جائے اور عوام کو بنیادی سہولیات سے محروم نہ رکھا جائے۔
جاری کردہ:شعبہ نشر و اشاعت، پاکستان مرکزی مسلم لیگ کراچی
