الریاض ( ) سعودی عرب میں پاکستانی سفیر احمد فاروق نے مملکت میں مقیم پاکستانیوں کو حج قوانین کی پابندی کرنے کی تاکید کرتے ہوئے کہا ہے حج پرمٹ کے بنا حج کرنے والوں کے خلاف سعودی حکام کی جانب سے سخت قوانین واضع کیے گئے ہیں ان قوانین کی پاسداری کرکے ہی ہم حج کا فریضہ سرانجام دے سکتے ہیں سفارت خانہ پاکستان میں صحافیوں سے گفتگو کرتے ہوئے سفیر پاکستان احمد فاروق نے بتایا کہ رواں برس پاکستان سے 1لاکھ 12 ہزار افراد حج کی سعادت حاصل کریں گے جن کے لیے اس سال پاکستان حج مشن نے سعودی وزارت حج و عمرہ کے ساتھ ملکر بہترین انتظامات کیے ہیں سفیر پاکستان احمد فاروق نے بتایا کہ اس وقت گیارہ ہزار سے زائد ایسے پاکستانی سعودی عرب میں مقیم ہیں جن کے وزٹ یا عمرہ ویزوں کی مدت ختم ہوچکی ہے اس لیے ایسے وہ تمام پاکستانی شہری جو غیر قانونی حج کرنے کے خواہشمند ہیں ان کو تاکید کی جاتی ہے کہ اس سال سعودی عرب حج قوانین پر سختی سے عمل پیرا ہے اور غیر قانونی طور پر حج کرنے والوں کو ایک لاکھ ریال تک جرمانہ سمیت ملک بدر کیا جائے گا اور مملکت میں آئندہ 10 سال تک ان کے داخلے پر پابندی ہوگی سفارت خانہ پاکستان حج مشن کے ساتھ ملکر پاکستان سے آنے والے عازمین حج کی سہولت کو بہتر بنانے میں کردار ادا کر رہا ہے جس میں عازمین حج کی رہائش،ٹرانسپورٹ اور کھانوں کا معیار شامل ہے اسکے علاوہ ایام حج میں مشاعر مقدسہ میں پاکستانی حج کرام کو بروقت سہولیات فراہم کرنے کے حوالے سے بھی حتمی پلان تیار کر لیا گیا ہے۔سفیر پاکستان نے صحافیوں کو کہا کہ حج قوانین کے حوالے سے پاکستانیوں کو زیادہ سے زیادہ آگاہی فراہم کریں تاکہ لیگل طریقے سے حج کا فریضہ ادا کر سکیں پاکستان کا وقار بلند رکھنے میں ہم سب نے مل جل کر اہم کردار ادا کرنا ہے
