بھارتی جارحیت پر ڈیرہ غازی خان میں پاک فوج کے ساتھ اظہار یک جہتی کے لیے عظیم الشان ریلی کا انعقاد کیا گیا

باتسلیمات ڈائریکٹر تعلقات عامہ حکومت پنجاب ڈیرہ غازیخان
ہینڈ آوٹ نمبر660/ مورخہ7، مئی 2025ء
ڈیرہ غا زیخان ( ): بھارتی جارحیت پر ڈیرہ غازی خان میں پاک فوج کے ساتھ اظہار یک جہتی کے لیے عظیم الشان ریلی کا انعقاد کیا گیا جس کی قیادت اراکین صوبائی اسمبلی سردار احمد خان لغاری، سردار صلاح الدین خان کھوسہ، ڈپٹی کمشنر محمد عثمان خالداور ڈی پی او سید علی نے کی۔ اس موقع پر مسلم لیگ ن کی مقامی قیادت میر مرزا تالپور،میاں سلطان محمود ڈاہا،ملک ارشاد،ظفر طاہر مستوئی،عبدالحمید جلبانی سمیت سیاسی سماجی شخصیات، صدر بار عبدالغنی کھوسہ، دیگر وکلاء سول سوسائٹی،ڈویژنل و ضلعی افسران اور زندگی کے ہر شعبہ سے تعلق رکھنے والے مرد و خواتین شریک تھے۔ شرکاء نے قومی پرچم اٹھائے ہوئے تھے۔مقررین نے کہا کہ بھارت ہماری شرافت کو کمزوری نہ سمجھے،بھارتی جارحیت کا منہ توڑ جواب دیا جائے گا۔سیاسی،سفارتی اور ہر پلیٹ فارم سے آواز بلند کی جائے گی۔پوری قوم پاک فوج کے ساتھ کھڑی ہے وطن عزیز کے ایک ایک انچ کا دفاع کیا جائے گا۔شہداء کی قربانیاں رائیگاں نہیں جائیں گی۔شرکاء نے پاکستان زندہ باد،پاک فوج زندہ باد کے فلک شگاف نعرے لگائے. ریلی کے اختتام پر ملک و قوم کی سلامتی کیلئے خصوصی دعا کی گئی۔

ہینڈ آوٹ نمبر661/ مورخہ7، مئی 2025ء
ڈیرہ غا زیخان ( ): کمشنر ڈیرہ غازی خان ڈویژن اشفاق احمد چوہدری کی ہدایت پر ڈیرہ غازی خان ڈویژن میں کسی بھی غیر معمولی صورتحال سے نمٹنے کے لیے ہسپتالوں میں ایمرجنسی نافذ کر دی گئی ہے۔ڈویژنل اور ضلعی کنٹرول رومز فعال کر دیے گئے ہیں. کمشنر ڈیرہ غازی خان ڈویژن اشفاق احمد چوہدری نے ڈپٹی کمشنر آفس ڈیرہ غازی خان میں قائم کنٹرول روم کا اچانک معائنہ کیا۔کنٹرول روم میں تعینات مختلف محکموں کے ملازمین سے ملاقاتیں کیں۔کسی بھی ایمرجنسی سے نمٹنے کے لیے فوری رابطے اور دیگر امدادی سرگرمیوں کے حوالے سے ڈپٹی کمشنر نے بریفنگ دی۔کمشنر نے کہا کہ بھارت نے رات کی تاریکی میں حملہ کیا لیکن پاک فوج کے ساتھ پوری قوم جاگ رہی ہے۔

ہینڈ آوٹ نمبر662/ مورخہ7، مئی 2025ء
ڈیرہ غا زیخان ( ): ڈپٹی کمشنر ڈیرہ غازیخان محمد عثمان خالدنے رات گئے کارڈیالوجی انسٹیٹیوٹ کا اچانک معائنہ
کیا،مختلف وارڈز اور شعبے دیکھے،مریضوں کی عیادت کرتے ہوئے طبی سہولیات کی فراہمی کا جائزہ لیا،ڈیوٹی روسٹر کے مطابق ڈاکٹرز اور پیرا میڈیکل سٹاف کی حاضری چیک کی. انہو ں نے مریضوں اور لواحقین سے مفت ادویات کی فراہمی سے متعلق بھی دریافت کیا. ڈپٹی کمشنر نے ہدایت کی کہ عوام کو علاج معالجہ کی بہترین سہولیات فراہم کی جائیں،ضروری ادویات کی لسٹ فارمیسی کے ساتھ ہسپتال کی نمایاں جگہوں پر آویزاں کی جائیں،عوامی شکایات سیل کو فعال رکھا جائے، صفائی اور دیگر معاون سہولیات کو مزید بہتر کیا جائے.

ہینڈ آوٹ نمبر663/ مورخہ7، مئی 2025ء
ڈیرہ غا زیخان ( ): دانش سکول بوائز ڈیرہ غازی خان میں سالانہ نتائج 2025ء کی تقریب منعقد ہوئی جس کے مہمان خصوصی ڈپٹی کنوینر و ممبر بورڈ آف گورنرز احمد بخش باپا تھے. اس موقع پر پرنسپل افسر شاہ، ممبر بورڈ غلام مصطفی اور اساتذہ وعملے کے ارکان بھی موجود تھے. تقریب میں پوزیشن ہولڈرز طلبہ کے والدین کو خصوصی طو رپر مدعو کیاگیا اور عملے اور طلبہ نے ان کا استقبال کیا. اس موقع پر خطاب کرتے ہوئے مہمان خصوصی احمد بخش باپا نے پوزیشن ہولڈر طلبہ کی محنت، اساتذہ اور والدین کی کاوشوں کو سراہتے ہوئے مبارکباد دی. انہوں نے کہاکہ محنت کامیابی کی کنجی ہے اور جو بچے محنت کو شعار بناتے ہیں کامیابی ہمیشہ ان کے قدم چومتی ہے. بعدازاں نمایاں کارکردگی دکھانے والے طلبہ کو شیلڈز، میڈلز اور نقد انعامات دیئے گئے.

ہینڈ آوٹ نمبر664/ مورخہ7، مئی 2025ء
ڈیرہ غا زیخان ( ): ڈیرہ غازی خان سمیت ملک بھر میں قومی پولیو مہم 26 مئی سے شروع ہوگی۔ڈپٹی کمشنر ڈیرہ غازی خان محمد عثمان خالد نے ضلعی انسداد پولیو کمیٹی کے اجلاس کی صدارت کرتے ہوئے مائیکرو پلان کو از سر نو تشکیل دینے کے احکامات جاری کردیئے ڈپٹی کمشنر نے کہا کہ 26 مئی سے شروع ہونے والی قومی پولیو مہم کی تیاری کی جائے۔قومی پولیو مہم کے دوران ضلع میں آٹھ لاکھ 562 بچوں کو پولیو کے قطرے پلانے کا ہدف مقرر کیا گیا ہے اس مرتبہ پولیو کے ساتھ وٹامن اے کی اضافی خوراک بھی دی جائے گی۔سی ای او ہیلتھ ڈاکٹر عتیق الرحمن نے تیاریوں سے متعلق بریفنگ دی۔اجلاس میں بتایا گیا کہ ضلع میں قومی پولیو مہم کیلئے 113 فکسڈ اور 2369 موبائل ٹیموں سمیت 5542 افرادی قوت حصہ لے گی۔ڈپٹی کمشنر محمد عثمان خالد نے کہا کہ ضلع کے داخلی و خارجی راستوں کو فوکس کیا جائے۔خانہ بدوش بستیوں،،مزارات ،اڈے اور دیگر مصروف مقامات پر خصوصی انتظامات کیے جائیں۔پانچ سال سے کم عمر کے ہر بچہ کو پولیو کے قطرے پلائے جائیں۔
(فوٹووٹس ایپ سے لے لیں)
ہینڈ آوٹ نمبر665/ مورخہ7، مئی 2025ء
ڈیرہ غا زیخان ( ): پنجاب ایمرجنسی سروس ریسکیو 1122 ڈیرہ غازی خان نے پاکستان اور بھارت کے مابین ممکنہ کشیدگی کے پیش نظر سیکرٹری وبانی ڈائریکٹر جنرل ریسکیو 1122 ڈاکٹر رضوان نصیر کی خصوصی ہدایت پر کوڈ ریڈ نافذ کر دیا ہے۔اس ہنگامی صورتحال کے تحت تمام ریسکیورز کی ہر قسم کی چھٹیاں فوری طور پر منسوخ کر دی گئی ہیں اور ایمرجنسی ڈیوٹی کا نظام مکمل طور پر فعال کر دیا گیا ہے۔ ڈسٹرکٹ ایمرجنسی آفیسر انجینئر احمد کمال نے ریسکیورز سے خطاب کرتے ہوئے کہا ہے کہ ہر اہلکار اپنی حاضری کو یقینی بنائے اور کسی بھی ناگہانی صورتحال سے نمٹنے کے لئے ہر وقت تیار رہے. ا نہوں نے بتایا کہ ریسکیورز ڈیزاسٹر مینجمنٹ سسٹم کے تحت مختلف اسٹیشن پر تعینات ہوں گے.
(فوٹووٹس ایپ سے لے لیں)
ہینڈ آوٹ نمبر666/ مورخہ7، مئی 2025ء
ڈیرہ غا زیخان ( ): کمشنر ڈی جی خان ڈویژن اشفاق احمد چوہدری نے اوپن ڈور پالیسی کے تحت ان کے دفتر آئے ہوئے شہریوں سے ملاقاتیں کیں،سائلین کے مسائل سنے،تحریری اور زبانی درخواستوں پر احکامات جاری کیے. انہوں نے کہاکہ عوامی مسائل کا بروقت حل تلاش کیا جائے گا.
(فوٹووٹس ایپ سے لے لیں)
ہینڈ آوٹ نمبر667/ مورخہ7، مئی 2025ء
ڈیرہ غا زیخان ( ): ثانوی و اعلی ثانوی تعلیمی بورڈڈیرہ غازیخان کے زیر اہتمام سات مئی2025 کو ہونے والے میٹرک پہلا سالانہ امتحان 2025ء کے پریکٹیکل پیپرز اور انٹر میڈیٹ پہلا سالانہ امتحان 2025ء کے تھیوری پیپرز ملتوی کر دیئے گئے ہیں. کنٹرولر امتحانات محمد مظفر حسین کی طرف سے جاری مراسلہ میں کہا گیا ہے کہ ان پیپرز کے انعقاد کی نئی تاریخوں کا اعلان بعد میں کیا جائے گا.