کوئٹہ 7 مئی۔ گورنربلوچستان جعفرخان مندوخیل نے پاکستان اور آزاد کشمیر میں نہتے شہریوں پر بھارت کی جانب سے بلااشتعال حملوں کی شدید الفاظ میں مذمت کرتے ہوئے انہیں تمام بین الاقوامی قوانین کی کھلی خلاف ورزی قرار دیا۔ انہوں نے خطے میں دیرپا امن و آشتی کی ضرورت پر زور دیا اور ہر انٹرنیشنل فورم پر بھارتی جارحیت کے خلاف آواز اٹھانے کے عزم کا اظہار کیا۔ گورنر مندوخیل نے کہا کہ معصوم شہریوں اور انکی املاک کو نشانہ بنانے سے بھارت کی جارحیت دنیا کے سامنے بےنقاب ہوگئی. انہوں نے خبردار کیا کہ بھارت کی جانب سے سویلین آبادی پر میزائل حملے پورے خطے کے امن و سلامتی کیلئے خطرہ ہیں۔ گورنر مندوخیل نے کہا کہ پاکستان اپنی خودمختاری اور علاقائی سلامتی پر سمجھوتہ نہیں کریگا اور عالمی برادری سے فوری طور پر اس جارحیت کا نوٹس لینے کی اپیل کی ہے۔
﴾﴿﴾﴿﴾﴿
خبرنامہ نمبر3344/2025
07 مئی ۔صوبائی وزیر خوراک حاجی نور محمد دمڑ نے بھارت کی جانب سے پاکستان کے مختلف علاقوں میں اشتعال انگیز کارروائیوں اور حملوں کی شدید الفاظ میں مذمت کرتے ہوئے کہا ہے کہ پاکستان نہ صرف ایک خودمختار اور ایٹمی طاقت ہے، بلکہ اس کی بہادر افواج دنیا کی بہترین افواج میں شمار ہوتی ہیں دشمن کی ہر سازش اور جارحیت کا منہ توڑ جواب دیا جائے گا صوبائی وزیر حاجی نور محمد دمڑ نے کہا کہ پوری قوم افواجِ پاکستان پر مکمل اعتماد رکھتی ہے اور ہر فرد چٹان کی طرح اپنے سپاہیوں کے شانہ بشانہ کھڑی ہے یہ ملک لاکھوں قربانیوں کے بعد حاصل کیا گیا ہے، اور اس کے ایک ایک انچ کی حفاظت کرنا ہماری ذمہ داری اور ایمان کا حصہ ہے حاجی نور محمد خان دمڑ نے واضح پیغام دیتے ہوئے کہا اگر دشمن نے دوبارہ کوئی غلطی کی تو پاکستان کی سرزمین سے ایسی للکار سنائی دے گی کہ دشمن کو پچھتاوے کے سوا کچھ حاصل نہیں ہوگا آخر میں انہوں نے پاکستان کی بقاء اور حفاظت کیلئے دعا کی کہ اللہ تعالیٰ پاکستان کا حافظ و ناصر ہو، اور دشمن کے ہر ناپاک ارادے کو نیست و نابود کریں۔
﴾﴿﴾﴿﴾﴿
خبرنامہ نمبر3345/2025
کوئٹہ 7مئی ۔ صوبائی وزیر سردار عبدالرحمن کھتیران نے بھارتی جارحیت پر سخت ردعمل دیتے ہوئے کہا ہے کہ بھارت کی جانب سے مسجدوں اور عبادت گاہوں کو نشانہ بنانا انتہائی افسوسناک اور قابلِ مذمت اقدام ہے دشمن کی بزدلانہ کارروائیاں نہ صرف بین الاقوامی قوانین کی کھلی خلاف ورزی ہیں بلکہ انسانیت کے خلاف سنگین جرم بھی ہیں۔صوبائی وزیر سردار کھتیران نے کہا کہ پاکستان نے ہمیشہ امن کی بات کی ہے لیکن دشمن کی جارحیت کا موثر اور دنداں شکن جواب دینا بھی بخوبی جانتا ہے۔ انہوں نے بتایا کہ افواجِ پاکستان نے زبردست پیشہ ورانہ مہارت کا مظاہرہ کرتے ہوئے بھارت کے پانچ جنگی طیارے مار گرائے، جبکہ ایک کاپیکٹ ڈرون بھی تباہ کیا گیا۔ یہ کارروائی دشمن کو واضح پیغام ہے کہ وطن عزیز کے دفاع میں کوئی کوتاہی برداشت نہیں کی جائے گی۔انہوں نے کہا کہ بھارت کی طرف سے شہری علاقوں اور عبادت گاہوں کو نشانہ بنانا اس کی گھٹیا ذہنیت کی عکاسی کرتا ہے۔ ایسے اقدامات خطے کے امن کو خطرے میں ڈال رہے ہیں۔ سردار کھتیران نے عالمی برادری سے مطالبہ کیا کہ وہ بھارتی جارحیت اور انسانی حقوق کی خلاف ورزیوں کا فوری نوٹس لےصوبائی وزیر نے اس عزم کا اظہار کیا کہ پوری قوم افواجِ پاکستان کے شانہ بشانہ کھڑی ہے اور ہر قسم کی قربانی کے لیے تیار ہے۔ انہوں نے کہا کہ اگر دشمن نے دوبارہ کسی مہم جوئی کی کوشش کی تو اس بار جواب اور بھی سخت ہو گا۔ہم امن چاہتے ہیں، مگر ہماری خاموشی کو کمزوری نہ سمجھا جائے۔ پاکستان کی فضائی، زمینی اور دفاعی صلاحیتیں دشمن کی جارحیت کو خاک میں ملانے کے لیے ہمہ وقت تیار ہیں۔
﴾﴿﴾﴿﴾﴿
خبرنامہ نمبر3346/2025
اسلام آباد 7 مئی۔سابق چیئرمین سینیٹ و رکن صوبائی اسمبلی صادق سنجرانی نے بھارت کیخلاف کاروائی پرافواج پاکستان کو خراج تحسین کیا ہے اپنے ایک بیان میں صادق سنجرانی نے بھارت کی جانب سے معصوم نہتے شہریوں اورمساجدکو نشانہ بنانے کی شدید الفاظ میں مذمت کی ہے ۔اور کہا ہے کہ بزدل دشمن کو بروقت جواب دیکر پاک افواج نے ملکی دفاع کو ہمیشہ کیطرح ناقابل شکست بنایا،صادق سنجرانی نے کہا کہ پاک فضائیہ ایک بار پھر دنیا بھر کی ائیرفورسزپر سبقت لے گئی پاکستانی فورسسز پوری قوم کا فخر ہیں،صادق سنجرانی نے کہا کہ پاک فضائیہ نے چند لمحوں میں پانچ بھارتی طیاروں کو گراکر ایم ایم عالم کی یاد تازہ کر دی صادق سنجرانی نے کہا کہ مودی کا سیاسی مقاصد کے لئے جنگی جنون خطے کے لیے خطرہ ہے اور مودی کا ہندتوا نظریہ ہندوہستان کو دیمک کی طرح ختم کررہا ہے۔
﴾﴿﴾﴿﴾﴿
خبرنامہ نمبر3347/2025
لورالائی7مئی ۔ رکن صوبائی اسمبلی حاجی محمد خان طور اتمانخیل نے اپنے ایک بیان بھارت کی اشتعال انگیزی ناقابل قبول ہے، پاکستانی قوم افواج کے شانہ بشانہ کھڑی ہے پاک فوج کیجانب سے ہر جارحیت کا مو¿ثر اور منہ توڑ جواب دیا جائے گا۔ مسجدوں اور معصوم شہریوں کو نشانہ بنانا قابلِ مذمت ہے۔بزدل دشمن نے رات کے اندھیرے میں حملہ کیا، پاکستان نے 5 بھارتی طیارے تباہ کر دیے۔ ہماری امن کی خواہش کو کمزوری نہ سمجھا جائے، دشمن کو واضح پیغام دے دیا ہے۔ بھارت کا مکروہ چہرہ دنیا کے سامنے بے نقاب ہو چکا ہےعالمی برادری بھارت کی ریاستی دہشت گردی کا نوٹس لے ہماری سرحدیں محفوظ ہیں، دشمن کے ہر حملے کا بھرپور جواب دیا جائے گا۔ پاکستانی فوج ہر محاذ پر تیار ہے، قوم متحد ہے۔انہوں نے بتایا کہ افواجِ پاکستان نے زبردست پیشہ ورانہ مہارت کا مظاہرہ کرتے ہوئے بھارت کے پانچ جنگی طیارے مار گرائے، جبکہ ایک کاپیکٹ ڈرون بھی تباہ کیا گیا۔ یہ کارروائی دشمن کو واضح پیغام ہے کہ وطن عزیز کے دفاع میں کوئی کوتاہی برداشت نہیں کی جائے گی۔انہوں نے کہا کہ بھارت کی طرف سے شہری علاقوں اور عبادت گاہوں کو نشانہ بنانا اس کی گھٹیا ذہنیت کی عکاسی کرتا ہے۔ ایسے اقدامات خطے کے امن کو خطرے میں ڈال رہے ہیں۔ حاجی محمد خان نے عالمی برادری سے مطالبہ کیا کہ وہ بھارتی جارحیت اور انسانی حقوق کی خلاف ورزیوں کا فوری نوٹس لےصوبائی وزیر نے اس عزم کا اظہار کیا کہ پوری قوم افواجِ پاکستان کے شانہ بشانہ کھڑی ہے اور ہر قسم کی قربانی کے لیے تیار ہے۔ انہوں نے کہا کہ اگر دشمن نے دوبارہ کسی مہم جوئی کی کوشش کی تو اس بار جواب اور بھی سخت ہو گا۔ہم امن چاہتے ہیں، مگر ہماری خاموشی کو کمزوری نہ سمجھا جائے۔ پاکستان کی فضائی، زمینی اور دفاعی صلاحیتیں دشمن کی جارحیت کو خاک میں ملانے کے لیے ہمہ وقت تیار ہیں۔
﴾﴿﴾﴿﴾﴿
خبرنامہ نمبر3348/2025
نصیرآباد7مئی ۔ پولیو مہم میں غفلت برداشت نہیں کی جائے گی پولیو مہم میں کام کرنے والے پولیو ورکرز، یو سی ایم اوز کو چاہیے کہ وہ اپنے فرائض منصبی نہایت خلوص دل سے انجام دیں منعقدہ اجلاس سے ڈپٹی کمشنر کا خطاب اجلاس میں ڈسٹرکٹ ہیلتھ افیسر ڈاکٹر عبدالمنان لاکٹی، ڈسٹرکٹ سپورٹ منیجر پی پی ایچ آئی فیصل خان کھوسہ، میڈیکل سپرنٹنڈنٹ ڈسٹرکٹ ہیڈکوارٹرہسپتال ڈاکٹر حبیب اللہ، ڈبلیو ایچ او کے نمائندہ ڈاکٹر یاسر بلوچ، پی ایس ڈپٹی کمشنر منظور شیرازی سمیت دیگر ضلعی سربراہان نے شرکت کی ڈپٹی کمشنر نصیرآباد منیر احمد خان کاکڑ نے کہا ہے کہ پولیو جیسی مہلک بیماری کے خاتمے کے لیے جاری مہم کو صرف رسمی کارروائی تک محدود نہیں ہونا چاہیے بلکہ اس میں سنجیدگی اور سخت محنت کی ضرورت ہے۔ وہ پولیو مہم کے حوالے سے منعقدہ اجلاس سے خطاب کر رہے تھے۔انہوں نے کہا کہ ضلع کی تمام 44 یونین کونسلوں میں مہم کو مکمل اور مو¿ثر انداز میں چلایا جائے۔ کسی قسم کی کمی بیشی یا سستی ناقابل برداشت ہوگی۔ تمام یو سی ایم اوز کو سختی سے ہدایت جاری کی جائے کہ وہ اپنی ذمہ داریاں بھرپور طریقے سے نبھائیں، بصورت دیگر غفلت کے مرتکب اہلکاروں کے خلاف سخت کارروائی عمل میں لائی جائے گی۔ڈپٹی کمشنر نے ڈسٹرکٹ ہیلتھ آفیسر (ڈی ایچ او) نصیرآباد کو ہدایت کی کہ وہ ناقص کارکردگی کے حامل اہلکاروں کو وارننگ نوٹس جاری کریں تاکہ آئندہ ایسی کوتاہی نہ دہرائی جائے۔اجلاس کے دوران ڈی ایچ او ڈاکٹر عبدالمنان لاکٹی اور عالمی ادارہ صحت (ڈبلیو ایچ او) کے نمائندگان نے 26 مئی سے شروع ہونے والی 5 روزہ پولیو مہم کے حوالے سے تفصیلی بریفنگ دیتے ہوئے بتایا کہ 5 سال سے کم عمر کے 157308 بچوں کو پولیو سے محفوظ رکھنے کےلئے 449 مختلف ٹیمیں تشکیل دے دی گئی ہیں جو گھر گھر جا کر بچوں کو پولیو سے محفوظ رکھنے کےلئے قطرے پلائیں گی ان کے علاوہ 33 ٹرانزٹ پوائنٹس،42 فکسڈ سینٹرز، مقرر کئے گئے ہیں جبکہ 39 یو سی ایم اوز۔اور 106 ایریا انچارج مہم میں فرائض انجام دیں گے ان کے ساتھ ساتھ اپنے محکمے کی تیاریوں ،درپیش مسائل سے بھی آگاہ کیا۔ڈپٹی کمشنر نے تمام متعلقہ اداروں پر زور دیا کہ وہ باہمی رابطے اور ٹھوس حکمت عملی کے ساتھ مہم کو کامیاب بنانے میں اپنا بھرپور کردار ادا کریں اس موقع پر انہوں نے کہا کہ پولیو مہم کے دوران کام کرنے والی ٹیموں کے ساتھ سیکیورٹی کے فول پروف انتظامات کو یقینی بنایا جائے کیونکہ مہم زیادہ تر فیمل پر مشتمل ہے اس لئے بہتر اور سخت اقدامات کئے جائیں۔
﴾﴿﴾﴿﴾﴿
خبرنامہ نمبر3349/2025
موسیٰ خیل7مئی۔ لیویز فورس زمری پلاسین نے پہلے بار سنیپ چیکنگ کرکے ایک اشتہاری کو گرفتار کرلیا گیا۔سب تحصیل زمری پلاسین لیویز فورس علاقے میں امن وامان کو برقرار رکھنے کیلے گشت کے علاوہ
سنیپ۔چیکنگ کررہے ہیںموسیٰ خیل ڈپٹی کمشنر (ر)بلال شبیر اور اسسٹنٹ کمشنر نجیب اللہ کاکڑ کے خصوصی ہدایت پر ایس ایچ او سردارسعداللہ خان کے نگرانی میں لیویز فورس علاقے میں امن وامان کو برقرار رکھنے کیلے سب تحصیل زمری پلاسین میں قانون شکن عناصر اور گورنمنٹ کو مطلوب اشتہاریوں کے خلاف بر سر پیکار مختلف پوائنٹ پر گشت کے ساتھ ساتھ ناکہ جات لگا کر سنیپ چیکنگ کررہے ہیں۔زمری پلاسین کے عوام نے لیویز کے موثر کاروائیاں شروع کرنے پر اطمینان کا اظہار امن ہے تو سب کچھ ممکن جب امن نہیں تو زندہ گی بھی نہیں قانون شکن عناصر کے خلاف کارواءپر عوام نے ڈپٹی کمشنر اور اسسٹنٹ کمشنر کا شکریہ ادا کرتے ہوئے ہر قسم تعاون کا اعادہ کیا۔لیویز ایس ایچ او سعداللہ خان کے ہمراہ لیویز فورس زمری پلاسین نے ناکے پر سنیپ چیکنگ کے دوران ایک اشتہاری کو گرفتار کر لیا گیا جبکہ مزید گرفتاریاں متوقع ہیں۔
﴾﴿﴾﴿﴾﴿
خبرنامہ نمبر3350/2025
زیارت 7مئی ۔ڈپٹی کمشنر زیارت ذکاءاللہ درانی کا گورنمنٹ ھائی سکول ریگوڑہ کا اچانک دورہ کیا ڈپٹی کمشنرنے اساتذہ اور طلبہ کی غیر حاضری، ڈسپلن کا فقدان اور سکول انتظامیہ کی غفلت پر برہمی کا اظہار کرتے ہوئے کہا کہ اساتذہ لیول پر غفلت بچوں کے مستقبل کو داو پر لگانے کے مترادف ہے لہذا غفلت کے مرتکب اساتذہ کے خلاف قانونی کاروائی کی جائے گی جو ٹیچر ڈیوٹی نہیں کرے گا اس کی کوئی ضرورت نہیں ہم ہربچے کو اسکول مین اور یراستاد کو کلاس میں دیکھنا چاہتے ہیں کہا کہ اساتذہ معاشرے کی ارتقاء میں ریڑھ کی ہڈی کی حیثیت رکھتے ہیں لہذا اتنے بڑے مقام پر فائز ہونے کی وجہ سے ان سے دیگر ملازمین کے مقابلے میں زیادہ محنت کی توقع کی جاتی ہے۔ جب تک اساتذہ اپنی مکمل حاضری یقینی نہیں بنائینگے تب تک بچے سکول نہیں ائینگے۔
﴾﴿﴾﴿﴾﴿
خبرنامہ نمبر3351/2025
نصیرآباد7مئی ۔ ڈپٹی کمشنر نصیرآباد، منیر احمد خان کاکڑ نے آج گورنمنٹ گرلز ہائیر سکینڈری سکول میں قائم امتحانی مرکز کا دورہ کیا۔ اس موقع پر انہوں نے امتحانی عمل کا باریک بینی سے جائزہ لیا اور امتحانی ماحول، نظم و ضبط اور شفافیت کا تفصیلی مشاہدہ کیا۔ انہوں نے مرکز کے منتظمین کو سختی سے ہدایت کی کہ امتحانات کے دوران نقل کی ہر ممکن روک تھام کی جائے، کیونکہ نقل نہ صرف تعلیمی معیار کو نقصان پہنچاتی ہے بلکہ طلبہ کی صلاحیتوں کو بھی محدود کرتی ہے۔ڈپٹی کمشنر کا کہنا تھا کہ طلبہ کی ذہنی اور علمی صلاحیتوں کو اجاگر کرنے کے لیے ایک مثبت، منصفانہ اور شفاف امتحانی نظام ناگزیر ہے۔ انہوں نے زور دیا کہ امتحانی نظام کو مزید موثر، شفاف اور نتائج کے اعتبار سے معتبر بنانے کے لیے ہر ممکن اقدامات کیے جائیں تاکہ طلبہ اپنی اصل قابلیت کے مطابق کارکردگی دکھا سکیں۔
﴾﴿﴾﴿﴾﴿
خبرنامہ نمبر3352/2025
دکی7مئی ۔ڈپٹی کمشنر دکی اور اسسٹنٹ کمشنر لونی کا امتحانی مراکز کا دورہ شفاف امتحانی نظام کو یقینی بنانے کی ہدایت: ڈپٹی کمشنر دکی، برکت علی بلوچ نے اسسٹنٹ کمشنر لونی مجیب الرحمٰن نے گورنمنٹ بوائز ہائی اسکول بازار اور ڈگری کالج دکی میں قائم امتحانی مراکز کا دورہ کیا۔ اس موقع پر انہوں نے امتحانی عمل کا بغور جائزہ لیا اور شفافیت، نظم و ضبط اور میرٹ کو یقینی بنانے کے لیے جاری انتظامات کا معائنہ کیا۔ انہوں نے امتحانی مراکز میں طلبہ کو فراہم کی جانے والی سہولیات کا مشاہدہ کرتے ہوئے اساتذہ و عملے کو ہدایت دی کہ امتحانات کے دوران کسی قسم کی کوتاہی برداشت نہیں کی جائے گی۔ انہوں نے واضح کیا کہ تعلیمی معیار کو برقرار رکھنے کے لیے امتحانی عمل میں کسی بھی بدعنوانی یا بے ضابطگی کی کوئی گنجائش نہیں ہے۔
﴾﴿﴾﴿﴾﴿
خبرنامہ نمبر3353/2025
نصیرآباد 7مئی ۔ ٹرانسپورٹ قوانین کی خلاف ورزی پر کارروائی، ویگن مالکان کو بھاری جرمانے واضح رہے کہ کمشنر نصیرآباد ڈویژن معین الرحمٰن خان کی ہدایت پر ریجنل ٹرانسپورٹ اتھارٹی (آر ٹی اے) نصیرآباد و ایس ایس پی ہائی ویز خادم حسین مگسی نے مشترکہ طور پر این اے 65 پر ٹرانسپورٹ قوانین کی خلاف ورزیوں کے خلاف کارروائی کی ہے۔سیکرٹری آر ٹی اے نور احمد ڈومکی و ایس ایس پی ہائی ویز خادم حسین مگسی کی نگرانی میں کی گئی اس کارروائی کے دوران چھتوں پر مسافروں اور موٹر سائیکلیں لادنے، اور مقررہ وزن سے زیادہ سامان اٹھانے پر چھ ویگنوں کے جھنگلے اتار دیے گئے۔ جبکہ آٹھ ویگنوں کے خلاف چالان کرتے ہوئے مجموعی طور پر 20 ہزار روپے کے جرمانے عائد کیے گئے۔علاوہ ازیں، دس ویگن مالکان کو سختی سے تنبیہ کی گئی کہ وہ آئندہ قوانین کی مکمل پابندی کریں۔ سیکرٹری نور احمد ڈومکی نے کہا کہ عوام کی جان و مال کے تحفظ کے لیے کمشنر نصیرآباد ڈویژن معین الرحمٰن خان کی ہدایات پر مکمل عملدرآمد کیا جائے گا۔ انہوں نے ٹرانسپورٹ مالکان سے اپیل کی کہ وہ حکومتی کوششوں کا ساتھ دیں اور شہریوں کی زندگیاں محفوظ بنانے میں اپنا کردار ادا کریں۔
﴾﴿﴾﴿﴾﴿
خبرنامہ نمبر3354/2025
پنجگور، 7 مئی ۔ : پنجگور گرلز ڈگری کالج کی ہونہار طالبہ زہرہ آزاد کو صوبائی و ضلعی سطح پر تقریری مقابلوں میں نمایاں کارکردگی، بالخصوص گوادر میں منعقدہ انسدادِ بد عنوانی کے عالمی دن (اینٹی کرپشن ڈے) کے موقع پر بہترین تقریر کرنے اور پوزیشن حاصل کرنے پر ڈپٹی کمشنر پنجگور زاہد لانگو کی جانب سے تعریفی سند اور کیش ایورڈ سے نوازا گیا۔ یہ اعزاز ایڈیشنل ڈپٹی کمشنر پنجگور عطا اسد نے ایک خصوصی تقریب میں طالبہ کو پیش کیا۔ اس موقع پر انہوں نے زہرہ آزاد کی تعلیمی و ادبی صلاحیتوں کو سراہتے ہوئے کہا کہ ضلع پنجگور اور مکران ڈیویڑن میں موجود نوجوانوں میں بے پناہ ٹیلنٹ موجود ہے، جنہیں بہتر مواقع اور حوصلہ افزائی کے ذریعے قومی سطح پر متعارف کرایا جا سکتا ہے۔ایڈیشنل ڈپٹی کمشنر عطا اسد نے اس عزم کا اظہار کیا کہ ضلعی انتظامیہ نوجوان نسل کی صلاحیتوں کو اجاگر کرنے اور انہیں مثبت سرگرمیوں کی جانب راغب کرنے کے لیے ہر ممکن اقدامات اٹھائے گی، انہوں نے نوجوانوں کو زور دیتے ہوئے کہا کہ وہ تعلیم کے ساتھ غیر نصابی سرگرمیوں میں بھی بڑھ چڑھ کر حصہ لیں جسکے انتہائی مثبت نتائج برآمد ہوتے ہیں۔انہوں نے والدین اور اساتذہ پر بھی زور دیا کہ وہ ایسے باصلاحیت طلبہ کی رہنمائی کریں تاکہ وہ مستقبل میں ملک و قوم کا نام روشن کریں۔
﴾﴿﴾﴿﴾﴿
خبرنامہ نمبر3355/2025
لورالائی7مئی ۔ پولیس کی کاروائی قتل میں ملوث دو اشتہاری ملزمان گرفتارڈپٹی انسپکٹر جنرل آف پولیس لورالائی رینج ملک محمد سلیم لہڑی کے ہدایات پر ایس ایس پی لورالائی احمد سلطان کے احکامات کی روشنی میں زیرنگرانی ایس ڈی پی او کلیم اللہ کاکڑ ایس ایچ او تھانہ اشرف شہید (سٹی) لورالائی عبدالرحمن لونی کی سربراہی میں پولیس ٹیم نے کاروائی کرتے مقدمہ فرد نمبر85/023 بجرم 302،324،147،149 میں مطلوب دو اشتہاری ملزمان عبدالحمید عرف بابر ولد سوراب، عبدالغفار ولد استرانہ ساکن لورالائی کو گرفتار کرلیا. مزید تفتیش پولیس تھانہ شہید محمداشرف ترین سٹی لورالائی کررہاہے لورالائی پولیس کی ایک اور کامیاب کاروائی مفرور ملزم گرفتارایس ایچ او تھانہ شہید محمداشرف ترین سٹی لورالائی عبدالرحمن لونی کی سربراہی میں پولیس ٹیم نے خفیہ کاروائی کرتے ہوئے مقدمہ فرد نمبر 194/024 بجرم 406،506،34 میں مطلوب مفرور ملزم اسد ولد حاجی لال ساکن ڈیرہ غازی خان کو ڈیرہ غازی خان سے گرفتار کر لیا مزید تفتیش پولیس کررہی ہے۔
﴾﴿﴾﴿﴾﴿
خبرنامہ نمبر3356/2025
نصیرآباد7مئی ۔ڈپٹی کمشنر نصیرآباد منیر احمد خان کاکڑ کی زیر صدارت پولیو مہم کا جائزہ اجلاس منعقد ہوا، جس میں ضلعی صحت افسر ڈاکٹر عبدالمنان لاکٹی، ڈسٹرکٹ سپورٹ منیجر پی پی ایچ آئی فیصل اقبال کھوسہ، ڈبلیو ایچ او کے نمائندے ڈاکٹر یاسر بلوچ، پی ایس منظور شیرازی سمیت دیگر ضلعی افسران نے شرکت کی۔اجلاس میں گزشتہ پولیو مہم کے دوران پیش آنے والے مسائل، یو سی ایم اوز کی سست روی اور دیگر چیلنجز کا تفصیل سے جائزہ لیا گیا۔ اجلاس سے خطاب کرتے ہوئے ڈپٹی کمشنر منیر احمد خان کاکڑ نے کہا کہ 26 مئی سے شروع ہونے والی نئی پولیو مہم میں پہلے سے بڑھ کر محنت کی ضرورت ہے۔ انہوں نے واضح کیا کہ سابقہ مہم میں سامنے آنے والی کوتاہیوں اور کمزوریوں کو دہرایا نہیں جانا چاہیے۔انہوں نے محکمہ صحت اور تمام متعلقہ اداروں کو ہدایت کی کہ آئندہ مہم کے لیے جامع حکمت عملی مرتب کی جائے تاکہ ہر بچے کو پولیو سے بچاو کے قطرے یقینی طور پر پلائے جا سکیں۔ اجلاس میں شریک افسران نے بھی اپنی تجاویز پیش کیں اور بھرپور تعاون کی یقین دہانی کرائی۔
﴾﴿﴾﴿﴾﴿
خبرنامہ نمبر3357/2025
نصیرآباد7مئی ۔کمشنر نصیرآباد ڈویژن معین الرحمن خان نے گورنمنٹ بوائز ہائی سیکنڈری سکول گوٹھ نور محمد مینگل بالان شاخ اور گورنمنٹ بوائز ہائی سیکنڈری سکول تاج محمد لہڑی میں انٹرمیڈیٹ کے جاری امتحانات کے سلسلے میں مختلف امتحانی مراکز کا دورہ کیا اور امتحانی عمل کا تفصیلی جائزہ لیا۔ اس موقع پر انہوں نے متعلقہ نگران عملے سے امتحانات کے امور کے بارے میں آگاہی حاصل کی اور امتحانی ماحول کو بہتر بنانے سے متعلق مختلف امور پر تبادلہ خیال کیا۔انہوں نے ہدایات دیتے ہوئے کہا کہ امتحانی عمل کو شفافیت، غیر جانبداری اور میرٹ کی بنیاد پر مکمل کیا جائے تاکہ طلباء کی صلاحیتوں کا درست انداز میں جائزہ لیا جا سکے۔ انہوں نے اس بات پر زور دیا کہ نقل کی روک تھام کو ہر صورت یقینی بنایا جائے اور امتحانی مراکز میں نظم و ضبط کا سختی سے خیال رکھا جائے۔ کمشنر نے کہا کہ شفاف امتحانی نظام ہی تعلیمی معیار کو بہتر بنانے اور نوجوان نسل کے مستقبل کو محفوظ بنانے کی بنیاد فراہم کرتا ہے۔انہوں نے امتحانی عملے پر زور دیا کہ وہ اپنی ذمہ داریاں ایمانداری سے ادا کریں اور کسی بھی قسم کی کوتاہی یا غفلت کو برداشت نہیں کیا جائے گا۔ کمشنر نے کہا کہ نصیرآباد ڈویژن میں امتحانی مراکز کی مسلسل نگرانی کی جائے گی اور کسی بھی خلاف ورزی پر فوری کارروائی عمل میں لائی جائے گی۔کمشنر معین الرحمن خان نے طلباء کے لیے بہتر سہولیات فراہم کرنے کی ہدایت بھی کی انہوں نے والدین، اساتذہ اور معاشرے کے تمام طبقات سے اپیل کی کہ وہ تعلیمی نظام کی بہتری میں اپنا مثبت کردار ادا کریں تاکہ ہم ایک تعلیم یافتہ اور باصلاحیت قوم کی تشکیل دے سکیں۔
﴾﴿﴾﴿﴾﴿
خبرنامہ نمبر3358/2025
موسیٰ خیل 7مئی ۔ میں ایس بی کے اساتذہ کی ویری فیکیشن کا عمل شفافیت اور میرٹ پر یقینی بنانے کا عزم: ڈپٹی کمشنر فلائٹ لیفٹیننٹ (ر) بلال شبیر کی زیر صدارت اجلاس منعقد ہوا، جس میں (ایس بی کے) کے
تحت بھرتی ہونے والے اساتذہ کی لوکل ویری فیکیشن کمیٹی نے شرکت کی۔ اجلاس کا بنیادی مقصد اساتذہ کی بھرتی کے عمل کو مکمل طور پر شفاف اور میرٹ کی بنیاد پر یقینی بنانا تھا۔اجلاس کے دوران امیدواروں نے اپنی ویری فیکیشن سے متعلقہ تحفظات اور اعتراضات کمیٹی کے سامنے تفصیلی طور پر پیش کیے۔ ڈپٹی کمشنر اور دیگر ممبران نے نہایت تحمل اور توجہ سے ہر امیدوار کے نقطہ نظر کو سنا اور ان کے اعتراضات کو بغور نوٹ کیا۔
اس موقع پر ڈپٹی کمشنر بلال شبیر نے اپنے واضح اور غیر مبہم پیغام میں کہا کہ ضلع انتظامیہ تعلیم کے شعبے میں کسی قسم کی سمجھوتہ بازی نہیں کرے گی۔ انہوں نے زور دیا کہ اساتذہ کا انتخاب صرف اور صرف ان کیاہلیت، قابلیت اور میرٹ کی بنیاد پر کیا جائے گا۔ انہوں نے کمیٹی کے تمام اراکین کو سختی سے ہدایت کی کہ وہ کسی بھی بیرونی دباویا سفارش کو خاطر میں نہ لائیں اور اپنی ذمہ داریاں غیر جانبداری سے انجام دیں۔ڈپٹی کمشنر نے مزید کہا کہ ہماری اولین ترجیح ضلع موسیٰ خیل کے طلباء کو بہترین تعلیم فراہم کرنا ہے، اور یہ صرف اہل اور پرجوش اساتذہ کی موجودگی سے ہی ممکن ہے۔ ہم اس بات کو یقینی بنائیں گے کہ ویری فیکیشن کا عمل منصفانہ ہو اور کسی بھی حقدار امیدوار کی حق تلفی نہ ہو۔انہوں نے امیدواروں کو یقین دلایا کہ ان کے تمام جائز اعتراضات کا گہرائی سے جائزہ لیا جائے گا اور کمیٹی کے فیصلے مکمل طور پر قانون اور ضوابط کے مطابق ہوں گے۔ انہوں نے اس عزم کا بھی اظہار کیا کہ ضلع انتظامیہ منتخب ہونے والے اساتذہ کو تدریسی فرائض کی انجام دہی میں ہر ممکن تعاون فراہم کرے گی۔اجلاس میں موجود کمیٹی کے ممبران نے ڈپٹی کمشنر کے وڑن سے اتفاق کرتے ہوئے ویری فیکیشن کے عمل کو جلد اور مو¿ثر طریقے سے مکمل کرنے کی یقین دہانی کرائی۔ انہوں نے کہا کہ وہ میرٹ اور شفافیت کے اصولوں پر سختی سے کاربند رہیں گے۔
﴾﴿﴾﴿﴾﴿
خبرنامہ نمبر3359/2025
زیارت 7مئی ۔ڈپٹی کمشنر زیارت ذکاءاللہ درانی کا بینظیر انکم سپورٹ سینٹر سنجاوی کا اچانک دورہ۔ عملے اور ایجنٹس کی ناقص کارکردگی، خواتین کی شکایات اور بےقائدگیوں پر بر ہمی کا اظہار کرتے ہوئے سینٹر کو بند کیا گیا۔ڈپٹی کمشنر نے ہدایت کی کہ سینٹر کو فی الفور سنجاوی بازار شفٹ کیا جائےاور جب تک سہولیات کو یقینی نہیں بنایا جاتا اور شفافیت کو یقینی نہیں بنایا جاتا تب تک سینٹر بند رکھا جائے تاکہ حق داروں کو اصل اور مکمل معاوضہ بروقت ملے۔
﴾﴿﴾﴿﴾﴿
خبرنامہ نمبر3360/2025
تربت7 مئی ، ڈپٹی کمشنر کیچ بشیر احمد بڑیچ نے ایگریکلچر ریسرچ سینٹر اور ایگریکلچر ڈیٹ فارم کا دورہ کیا، جہاں انہیں ادارے کی کارکردگی، کھجور کی کاشت، جدید زرعی طریقوں اور تحقیقی سرگرمیوں پر تفصیلی بریفنگ دی گئی۔اس موقع پر ڈائریکٹر ریسرچ نعیم احمد، ڈپٹی ڈائریکٹر نعیم بلوچ اور دیگر متعلقہ افسران و عملہ موجود تھے۔ ڈپٹی کمشنر نے ادارے کے عملے سے ملاقات کی، ان کی حاضری اور کارکردگی کا جائزہ لیا اور تمام ملازمین کو اپنی ڈیوٹی باقاعدگی سے ادا کرنے کی سختی سے ہدایت کی ادارے کے افسران نے ڈپٹی کمشنر کو درپیش بنیادی مسائل سے آگاہ کرتے ہوئے بتایا کہ پانی کی قلت، بجلی کی عدم دستیابی، سولر سسٹم، آبپاشی کے لیے تالابوں کی تعمیر اور منی کولڈ اسٹوریج کی شدید ضرورت ہے، جن کے حل سے زرعی پیداوار اور تحقیق میں نمایاں بہتری ممکن ہے ڈپٹی کمشنر نے مسائل کو بغور سننے کے بعد متعلقہ حکام کے ذریعے ان کے فوری حل کی یقین دہانی کرائی اور کہا کہ ضلعی انتظامیہ زرعی ترقی اور تحقیق کے فروغ کے لیے ہر ممکن تعاون فراہم کرے گی عوامی حلقوں نے ڈپٹی کمشنر کیچ کے اس دورے کو سراہتے ہوئے کہا ہے کہ یہ اقدام مقامی کاشتکاروں کے لیے امید کی نئی کرن ہے، جس سے نہ صرف زرعی پیداوار میں اضافہ ہوگا بلکہ کیچ کی معیشت کو بھی تقویت ملے گی۔
﴾﴿﴾﴿﴾﴿
