پریس ریلیز
ثابت ھوگیا۔بھارت عالمی دہشت گرد ہے۔سید امان شاہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت کی ریاستی دہشتگردی خطے کے امن کے لیے شدید خطرہ ہے، عالمی برادری ہوش کے ناخن لے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عالمی دہشت گرد نے رات کے اندھیرے میں نہتے شہریوں کو نشانہ بناکر ثابت کردیا کہ وہ انسانیت کا بھی دشمن ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوئٹہ (خصوصی نمائندہ) عوام پاکستان پارٹی بلوچستان کے صوبائی کنوینئر ” سید امان شاہ ” نے گزشتہ رات بھارتی افواج کی جانب سے شہری آبادیوں پر بلا اشتعال حملے اور نہتے، بے گناہ افراد کی شہادت پر انتہائی غم و غصے اور شدید الفاظ میں ردعمل ظاہر کیا ہے۔ انہوں نے کہا کہ بھارت کا یہ عمل کھلی ریاستی دہشت گردی ہے، جس کا مقصد نہ صرف پاکستان میں خوف و ہراس پھیلانا ہے بلکہ خطے کے دیرپا امن کو سبوتاژ کرنا بھی ہے۔ انہوں نے کہا کہ بھارت گزشتہ کئی برسوں سے انسانی حقوق کی کھلم کھلا خلاف ورزیاں کر رہا ہے، خاص طور پر مقبوضہ کشمیر، لائن آف کنٹرول اور سرحدی علاقوں میں جہاں شہریوں کو نشانہ بنایا جاتا ہے۔ لیکن اب بھارت نے جس طرح بین الاقوامی قوانین، جنگی ضوابط اور انسانی اخلاقیات کو پامال کرتے ہوئے رات کے اندھیرے میں شہری علاقوں پر حملے کیے ہیں، وہ ناقابلِ معافی ہے۔ پاکستان ایک ذمہ دار ریاست ہے، مگر اس کا مطلب کمزوری نہ سمجھا جائے۔ انھوں نے کہا کہ پاکستان نے ہمیشہ امن کی بات کی ہے، مذاکرات اور سفارتی راستوں کو ترجیح دی ہے، لیکن بھارت کی جانب سے اشتعال انگیزیوں اور جنگی جنون کا مظاہرہ مسلسل جاری ہے۔ پاکستان کی سلامتی، خودمختاری اور شہریوں کی حفاظت ہماری پہلی ترجیح ہے، اور ہماری افواج ملک کے ایک ایک انچ کا دفاع کرنا جانتی ہیں۔ انہوں نے عالمی طاقتوں، اقوامِ متحدہ، انسانی حقوق کی تنظیموں، اور او آئی سی سے اپیل کی کہ وہ بھارت کی بڑھتی ہوئی جارحیت کا فوری نوٹس لیں۔ بین الاقوامی اداروں کی خاموشی نہ صرف بھارت کو مزید جارح بناتی ہے بلکہ جنوبی ایشیا میں ایک بڑے تصادم کے خطرے کو بھی بڑھاتی ہے، جس کی ذمہ داری عالمی برادری پر عائد ہوگی۔ انھوں نے کہا کہ بلوچستان کی غیور عوام ملک کے دفاع کے لیے ہر قسم کی قربانی دینے کو تیار ہے۔ “ہم اپنے شہداء کو سلام پیش کرتے ہیں اور ان کے خون کا حساب ضرور لیا جائے گا۔ بھارت کو اس بزدلانہ حرکت کا منہ توڑ جواب دیا جائے گا۔انہوں نے حکومتِ پاکستان سے مطالبہ کیا کہ وہ بین الاقوامی فورمز پر بھارت کے ان جارحانہ اقدامات کو مؤثر انداز میں اٹھائے اور پوری قوم کو اعتماد میں لے کر ایک مضبوط پیغام دے کہ پاکستان کسی بھی جارحیت کا بھرپور جواب دینے کی مکمل صلاحیت رکھتا ہے۔
جاری کردہ
ترجمان عوام پاکستان بلوچستان
