7 مئی 2025
راولپنڈی
عوام پاکستان پارٹی کے رہنما چوہدری انعام ظفر نے کہا کہ ہماری جماعت احمدپورشرقیہ، مظفرآباد، باغ اور مرید کے پر کیے گئے حملوں کی شدید الفاظ میں مذمت کرتی یے۔ شہید کیے گئے 8 پاکستانیوں کے سوگواران کے دکھ میں برابر کے شریک ہیں۔افواج پاکستان کی جوابی کارروائی نے بھارتی فورسز کے دانت کھٹے کر دیے۔ہمارے بہادر جانبازوں نے پاکستان کا سر فخر سے بلند کردیا۔پاکستان کی سالمیت پر کیے گئے ہر حملے کا منہ توڑ جواب دیا جائے گا۔
انھوں نے یہ بات بھارتی فورسز کی جارحانہ کارروائی پر اپنے ردعمل کا اظہار کرتے ہوئے کہی۔چوہدری انعام ظفر کا کہنا تھا کہ بھارتی فورسز کی بزدلانہ کارروائی پر 8 پاکستانی شہید جب کہ 35 زخمی ہوئے۔متاثرہ خاندانوں کے دکھ میں برابر کے شریک ہیں ۔پاکستانی فورسز ہمارا فخر ہیں ،جنھوں نے واضح پیغام دیا ہے کہ ہم دشمن کی ہر بزدلانہ کارروائی کا منہ توڑ جواب دینا باخوبی جانتے ہیں۔چوہدری انعام ظفر نے مزید کہا کہ بھارت نے پاکستان میں چھ مقامات پر 24 حملے کیے، اور نشانہ بننے والے تمام اہداف عام شہری علاقے تھے۔جو اس عمل کو واضح کرتا ہے کہ بھارت نے دونوں اطراف کی عوام کا امن خطرے سے دوچار کیا ہے۔بھارت کی جانب سے بزدلانہ حملے کے بعد پاکستانی فورسز نے بھرپور جوابی کارروائی کی اور 5 بھارتی طیاروں کو مار گرایا،ہم اپنی پاک افواج کے ہمراہ سیسہ پلائی دیوار کی مانند کھڑے ہیں۔ان کا کہنا تھا کہ بھارت بھول گیا ہے کہ اس کا سامنا دنیا کی بہترین فورسز سے ہوا ہے۔ہم اپنے ملک کا دفاع جان کی بازی لگا کر کریں گے۔ملک کا ہر فرد پاکستانی افواج کے ساتھ ہے۔انھوں نے مزید کہا کہ پاکستانی عوام کسی بھی دشمن کے سامنے ڈرنے یا جھکنے والی نہیں۔پاکستان ایک مضبوط ریاست ہے۔پاکستان کی جانب میلی آنکھ سے دیکھنے والوں کو بھرپور جواب دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جاری کردہ
عوام پاکستان میڈیا سیل
