مون سون کی آمد سے قبل برساتی نالوں کی صفائی کیلئے ٹینڈر طلب-نیا ناظم آباد کے اطراف اور ڈی ایچ اے کے نالوں کی صفائی ہو گئی ؟
جن برساتی نالوں کی صفائی نہیں ہوئی وہاں اطراف کی آبادیوں میں برساتی پانی داخل ہونے اور علاقے ڈوبنے کا خطرہ برقرار ۔
مون سون کی آمد سے قبل برساتی نالوں کی صفائی کیلئے ٹینڈر طلب
شہریوں نے متعلقہ حکام سے مطالبہ کیا ہے کہ مون سون کی بارشوں کے شروع ہونے سے پہلے برساتی نالوں کی مکمل صفائی کی جائے اور انتظامات مکمل کیے جائیں ورنہ ان علاقوں میں پانی داخل ہونے کا خطرہ رہتا ہے
07 مئی ، 2025FacebookTwitterWhatsapp
کراچی (اسٹاف رپورٹر) کراچی میں مون سون کی آمد سے قبل برساتی نالوں کی صفائی کیلئےٹینڈرز طلب، بلدیہ عظمی کراچی نے برساتی نالوں پر قائم تجاوزات کے خاتمے اور یوٹیلیٹی سروسز کی منتقلی کیلئے متعلقہ اداروں کو خطوط ارسال کردیئے،مون سون کی متوقع بارشوں کے پیش نظر شہر کے45 بڑے اور 550 چھوٹے برساتی نالوں کی صفائی کی تیاریاں شروع کردی گئیں،میئر کراچی بیرسٹر مرتضی وہاب اور میونسپل کمشنر افضل زیدی کی ہدایت پر سینئر ڈائریکٹر میونسپل سروسز حنان بھٹونے برساتی نالوں کے سروے کا آغاز کردیا ہے اور ایسے متعد د مقامات کی نشاندہی کرلی گئی ہے جہاں رکاوٹ کے باعث برساتی پانی کی نکاسی میں مشکلات آسکتی ہیں ، دریں اثنا ممکنہ طوفانی باررشوں کے پیش نظر تمام بڑے بل بورڈ اور دیو قامت اشتہاری بورڈز فوری ہٹانے کا حکم ، عمل نہ کرنے والوں کی کوتاہی سے نقصان کی صورت میں قانون کے مطابق سزا اور جرمانہ کیا جائے گا ،چیئرمین ناظم آباد ٹاؤن سید محمد مظفر نے ہنگامی اجلاس میں نقصانات سے بچاؤ کے اقدامات کی ہدایت کی ،اجلاس میں علاقے میں ممکنہ بارشوں سے پیدا ہونے والی صورتحال پر تفصیلی غور کیا گیا،چیئرمین ناظم آباد ٹاؤن سید محمد مظفر نے کہاکہ نالوں کی فوری صفائی مکمل کی جائے، بارش سے قبل گٹر اور ڈرینیج سسٹم کی حالت کا جائزہ لے کر مرمت کا عمل تیز،ریسکیو ٹیموں کو الرٹ اور ضروری سامان مہیا کیا جائے۔
====================
پانی، بجلی کی طویل بندش کے خلاف احتجاج
07 مئی ، 2025FacebookTwitterWhatsapp
کراچی(اسٹاف رپورٹر) غریب آباد میں پانی ،بجلی کی عدم فراہمی کے خلاف علاقہ مکینوں نے منگل کوسر شاہ سلیمان روڈ کا ایک ٹریک حسن اسکوائر سے جانب لیاقت آباد بلاک کردیا جس کے باعث بدترین ٹریفک جام ہوگیا اور گاڑیوں کی قطاریں لگ گئیں،گھنٹوں ٹریفک میں پھنسے رہنے کے باعث شہریوں کو شدید مشکلات کا سامنا کرنا پڑا۔
===================
سمندر میں ڈوب کر ایک شخص جاں بحق
07 مئی ، 2025FacebookTwitterWhatsapp
کراچی(اسٹاف رپورٹر) ہاکس بے مبارک ولیج بٹ کوڑی کے مقام پر دوستوں کے ہمراہ پکنک منانے کیلئے آنے والا 52 سالہ سلیم احمد ولد رشید احمد سمندر میں نہاتے ہوئے ڈوب کر جاں بحق ہوگیا۔
=====================
غربت سے تنگ شخص نے مبینہ خودکشی کرلی
07 مئی ، 2025FacebookTwitterWhatsapp
کراچی(اسٹاف رپورٹر)ک کورنگی 4 سیکٹر 50B ماڈل پارک کے قریب واقع گھر سے 65 سالہ عبدالحکیم ولد نواب الدین کی پھندالگی لاش جناح اسپتال لائی گئی،پولیس کے مطابق متوفی نے گھریلو پریشانی اور غربت سے تنگ آکر نائیلون کی رسی کی مدد سے پنکھے میں پھندا لگا کر مبینہ خودکشی کی ہے ۔
