آبی تحفظ پر عالمی کانفرنس شروع، چیلنجز اور حل پر 100 تحقیقی مقالے پیش ہونگے
07 مئی ، 2025FacebookTwitterWhatsapp
اسلام آباد (ساجد چوہدری )آبی تحفظ پر 2روزہ عالمی کانفرنس کامسٹیک سیکرٹریٹ اسلام آباد میں شروع ہو گئی ، ٹیکنیکل سیشن میں آبی چیلنجز اور ان کے حل پر 100سے زائد تحقیقی مقالے پیش کئے جائیں گے ، دو روزہ عالمی کانفرنس کا موضوع “آبی تحفظ اور سماجی و معاشی ترقی کے لئے نئی ابھرتی ہوئی ٹیکنالوجیز ہے ، دو روزہ اس بین الاقوامی کانفرنس کا مقصد پاکستان کے آبی مسائل پر توجہ مرکوز کرنا اور ادارہ جاتی و بین الشعبہ جاتی مکالمے کو فروغ دینا ہے تاکہ پائیدار آبی نظم و نسق کے لیے تحقیق، اختراع اور ٹیکنالوجی کے کردار کو مضبوط کیا جا سکے ، پہلے روز کلیدی مقررین نے کہا کہ اکستان میں پانی کی قلت کے اثرات خوراک ،صحت عامہ اور معیشت پر پڑ رہے ہیں جس میں کوآرڈینیٹر جنرل کامسٹیک پروفیسر ڈاکٹر محمد اقبال چوہدری،وائس چانسلر رفاہ انٹرنیشنل یونیورسٹی پروفيسر ڈاکٹر انيس احمد، وائس چانسلر یونیورسٹی آف ہری پورپروفیسر ڈاکٹر شفیق، ڈائریکٹر جنرل پاکستان کونسل برائے تحقیق آبی وسائل ڈاکٹر حفصہ رشید ، صدر اسلام آباد چیمبر آف کامرس و انڈسٹری ناصر ایم قریشی شامل تھے۔
===============
سندھ ہائیکورٹ کی جانب سے پانی کی قیمتوں میں اضافہ کیخلاف حکم امتناع میں توسیع
07 مئی ، 2025FacebookTwitterWhatsapp
کراچی ( اسٹاف رپورٹر ) سندھ ہائی کورٹ نے مختلف صنعتوں کی جانب سے پانی کی قیمتوں میں اضافے کے خلاف درخواست پر کابینہ کی منظوری اور منٹس آف میٹنگ طلب کرتے ہوئے قیمتوں میں اضافے سے متعلق حکم امتناع میں توسیع کردی۔ جسٹس محمد اقبال کلہوڑو کی سربراہی میں دو رکنی بینچ کے روبرو مختلف صنعتوں کی جانب سے پانی کی قیمتوں میں اضافے کے خلاف درخواست کی سماعت ہوئی۔ صنعت کاروں کے وکیل نے کہا کہ سندھ حکومت کے 2016 کے نوٹیفکیشن پر عملدرآمد کیا جارہا ہے۔ پانی کی قیمتوں میں اضافے کی منظوری سندھ کابینہ سے لینی ہوتی ہے۔ 2016کے بعد سے کابینہ نے پانی کی قیمتوں میں اضافے کی منظوری نہیں دی، واٹر بورڈ از خود سالانہ اضافہ کررہا ہے۔ کابینہ کی منظوری کے بغیر پانی کی قیمتوں میں اضافہ غیر قانونی ہے۔
=============
کراچی کے مختلف علاقوں میں بجلی و پانی کی عدم فراہمی پر احتجاج، سڑک بند، ٹریفک جام
07 مئی ، 2025FacebookTwitterWhatsapp
کراچی( اسٹاف رپورٹر )مختلف علاقوں میں بجلی اور پانی کی عدم فراہمی پر ہونے والے احتجاج کے باعث ٹریفک جام ہو گیا، بلدیہ ٹاؤن، بنارس کالونی، سر شاہ سلیمان روڈ اور لانڈھی نمبر ایک کے مکینوں نے پانی اور بجلی کی عدم فراہمی پر احتجاج کیا، مظاہرین نے ٹائر جلا کر سڑک بند کردی۔ تفصیلات کے مطابق بلدیہ ٹاؤن میں علاقہ مکینوں نے ٹائر جلا کر پانی کی بندش کے خلاف احتجاج کیا۔احتجاج کے باعث حب ریور روڈ و نادرن بائی پاس آنے جانے والے دونوں روڈ ٹریفک کے لیے بند ہو گئے جسکے باعث ٹریفک جام ہو گیا۔ٹریفک پولیس کی جانب سے ٹریفک کو مواچھ گوٹھ موڑ سے 24 مارکیٹ کی طرف ،بلدیہ چوکی لیبر اسکوائر ہنڈا کٹ سے غنی چورنگی کی طرف اور سورتی قبرستان سے حب ریور روڈ کی طرف بھیجا گیا ۔سر شاہ سلیمان روڈ قباء مسجد کے قریب مکینوں نے پانی اور بجلی کی عدم فراہمی پر احتجاج کیا جس کے باعث سر شاہ سلیمان روڈ حسن اسکوائر جانب لیاقت آباد ٹریفک کے لیے بند ہو گیا اور ٹریفک جام ہو گیا۔اس دوران ٹریفک کو حسن اسکوائر برج سے یونیورسٹی روڈ نیپا کی طرف بھیجا گیا۔ بنارس کے قریب علاقہ مکینوں نے بجلی اور پانی کی بندش کے خلاف احتجاج کیا جس کے باعث بنارس برج اترائی میٹرو سینما کے سامنے جانب اورنگی نمبر پانچ آنے جانے والے دونوں روڈ ٹریفک کیلئے بند ہو گئے۔ ٹریفک پولیس کی جانب سے ٹریفک کو اورنگی ٹاؤن پونے پانچ سے قطر اسپتال کی طرف اور عبداللہ کالج سے کٹی پہاڑی اور بنارس چوک سے قصبہ موڑ کی طرف بھیجا گیا۔
===============
غزہ کو خوراک اور پانی کی اشد ضرورت لیکن انہیں بم مل رہے ہیں، اقوام متحدہ
07 مئی ، 2025FacebookTwitterWhatsapp
جنیوا – اقوام متحدہ نے گزشتہ روز اسرائیل پر الزام عائد کیا کہ وہ غزہ میں امدادکے داخلے کو ہتھیار بنانے کی کوشش کر رہا ہے،وہاں کی آبادی کو خوراک اور پانی کی بجائے انہیں بم پہنچا رہا ہے۔اقوام متحدہ کے انسانی ہمدردی کے ادارے او سی ایچ اے نے غزہ پر اسرائیلی ناکہ بندی کے تقریباً نو ہفتوں کے بعد جنگ سے تباہ حال فلسطینی علاقے میں بگڑتی ہوئی صورتحال کی مذمت کی ۔ جنیوا میں او سی ایچ اے کے ترجمان جینز لایرکے نے بتایا کہ سب سے اہم بات یہ ہے کہ اب وہاں تقسیم کرنے کے لیے امداد نہیں بچی ، کیونکہ امدادی کارروائی کا گلا گھونٹ دیا گیا ہے،اور لوگوں کو دینے کے لیے مزید کچھ نہیں ہے۔
