وزیراعظم آفس پریس ونگ
اسلام آباد: 6 مئی 2025
وزیراعظم محمد شہباز شریف کی زیر صدارت کراچی- چمن قومی شاہراہ (N-25) کی تعمیر اور اپ گریڈیشن پر اہم جائزہ اجلاس
790 کلومیٹر طویل کراچی- چمن شاہراہ کو بہترین معیار کی ایکسپریس وے میں بدلنے کا فیصلہ
سڑک کی تعمیر کا معیار موٹروے جیسا ہونا چاہئے: وزیر اعظم کی ہدایت
کراچی-چمن شاہراہ کی اپ. گریڈیشن صوبہ بلوچستان کی سماجی اور معاشی ترقی و خوشحالی کیلئے انتہائی ضروری ہے : وزیراعظم
بلوچستان کی ترقی کو ترجیح بناتے ہوئے پچھلے ماہ پیٹرولیم مصنوعات میں کمی کا فائدہ عوام کو منتقل کرنے کی بجائے اس بچت کو کراچی- چمن شاہراہ کی اپ گریڈیشن پر صرف کرنے کا فیصلہ کیا گیا : وزیراعظم
اس فیصلے میں پاکستان کے تمام صوبوں نے تعاون کیا، جو وفاق کے اتحاد کی نشانی ہے : وزیراعظم
کراچی تا چمن سفر کا، جو کہ آجکل 18 گھنٹے میں طے ہوتا ہے، اس ایکسپریس وے کی تعمیر کے بعد 6 سے 8 گھنٹے تک محدود ہوجائے گا. وزیر اعظم
کراچی تا چمن ایکسپریس وے سے نہ صرف مسافر مستفید ہوں گے بلکہ ٹرانسپورٹ اور تجارت پر بھی مثبت اثرات مرتب ہونگے : وزیراعظم
منصوبے کے معیار پر کوئی سمجھوتا نہیں ہوگا اور اس حوالے سے کوئی کوتاہی برداشت نہیں کی جائیگی: وزیراعظم
اس ایکسپریس وے کو 2 سال کی مدت میں ہر حال میں مکمل کیا جائے : وزیراعظم کی ہدایت
وزیراعظم کی وزیر اعلیٰ بلوچستان کو ایکسپریس وے کے لئے زمین کی دستیابی یقینی بنانے کیلئے متعلقہ محکموں سے تعاون کی ہدایت
عوام کی سہولت کے لئےایکسپریس وے پر آنے والے تمام بڑے شہروں پر بائی پاسز تعمیر کئے جائیں : وزیراعظم
وزیر اعظم کی منصوبے کی تعمیر کے دوران ماحولیاتی عنصر کو مدنظر رکھنے کی ہدایت
وزیراعظم کی منصوبے کی تعمیر کے بعد تھرڈ پارٹی ویلیڈیشن کی ہدایت
گورنر بلوچستان جعفرخان مندوخیل اور وزیر اعلیٰ بلوچستان سرفراز بگٹی نے صوبہ بلوچستان کی تعمیر و ترقی خصوصاً کراچی -چمن شاہراہ کی تعمیر اور اپ گریڈیشن میں خصوصی دلچسپی لینے پر وزیراعظم کا شکریہ ادا کیا
اجلاس کو منصوبے کی پیشرفت کے حوالے سے بریفنگ
790 کلومیٹر طویل کراچی-چمن شاہراہ کو ایکسپریس وے کے طور پر تعمیر کیا جائے گا جو کہ 4 لینز پر مشتمل دو رویہ سڑک ہوگی : بریفنگ
شاہراہ پر فنڈنگ کی کمی کے باعث کام تعطل کا شکار تھا. بریفنگ
حکومت کے پیٹرولیم مصنوعات کی کمی کا فائدہ بلوچستان کی جانب منتقل کرنے کے فیصلے کی وجہ سے فنڈنگ کے مسائل حل ہو گئے ہیں : بریفنگ
منصوبے کے خضدار-مستونگ سیکشن پر کام کا آغاز کر دیاگیا ہے : بریفنگ
کراچی تا خضدار کے پانچ سیکشنز کی تعمیر کے حوالے سے حکمت عملی بنائی جا رہی ہے: بریفنگ
