سندھ ٹیچرز فورم کے وفد نے اعلیٰ ثانوی بورڈ کے چیئرمین کے ہمراہ کراچی کے امتحانی مرکز کا دورہ کیا۔
کراچی انٹر بورڈ کے طلبہ کے لیے چیئرمین غلام حسین سہو ایک نئی امید کی کرن
کراچی انٹر میڈیٹ بورڈ کے نئے چیئرمین محترم غلام حسین سہو طلبہ و طالبات کے لیے ایک خوشگوار تبدیلی کا پیغام لے کر آئے ہیں۔ ان کی شخصیت پرامن، بااخلاق اور دور اندیش ہے، اور ان سے توقع کی جا رہی ہے کہ وہ بورڈ کے پرانے مسائل کو ایک بہتر حکمت عملی کے تحت جلد ہی حل کریں گے۔ انہوں نے ذمہ داری سنبھالتے ہی بڑے جوش و خروش سے کام کا آغاز کیا ہے اور بہتر نتائج دینے کا عزم رکھتے ہیں۔ تاہم، ان کے سامنے بہت سے چیلنجز موجود ہیں، کیونکہ انہوں نے عہدہ سنبھالتے ہی پینڈنگ کاموں کی ایک بڑی تعداد کو دیکھا ہے۔
چیئرمین کے دفتر میں ان کے نئے عہدے پر تقرری پر مبارکباد دینے والوں کا تانتا بندھا ہوا ہے، اور وہ ہر ایک کا خندہ پیشانی سے استقبال کر رہے ہیں۔ وہ لوگوں کے تعاون اور تجاویز کو کھلے دل سے قبول کر رہے ہیں، جو ان کی کامیاب قیادت کی طرف ایک اچھا اشارہ ہے۔
ایس ٹی ایف کے وفد کی چیئرمین سے ملاقات
آج مورخہ 2 مئی 2025 کو سندھ ٹیچرز فورم (ایس ٹی ایف) کے وفد نے پروفیسر فرحان قاضی کی سربراہی میں کراچی انٹر بورڈ کے چیئرمین غلام حسین سہو سے ملاقات کی۔ وفد نے بورڈ کے امتحانات بروقت شروع کرنے پر چیئرمین کو مبارکباد پیش کی۔ اس موقع پر ایس ٹی ایف کی وائس پریزیڈنٹ مصباح عرفان، ایگزیکٹو ممبران پروفیسر زوبیہ باسط، پروفیسر سجاد احمد، پروفیسر عدنان اور دیگر اراکین بھی موجود تھے۔
کراچی یونین آف جرنلسٹس کے سابق صدر کا چیئرمین سے ملاقات
اسی دوران کراچی یونین آف جرنلسٹس کے صدر طاہر حسن خان اور سندھ ٹیچرز فورم کے جنرل سیکرٹری پروفیسر فرحان قاضی نے بھی بورڈ آف انٹرمیڈیٹ ایجوکیشن کراچی کے چیئرمین غلام حسین سہو سے ان کے دفتر میں ملاقات کی۔ انہوں نے چیئرمین کو پھولوں کا گلدستہ پیش کرکے ان کی تقرری پر مبارکباد دی۔
چیئرمین غلام حسین سہو کی انتظامی صلاحیتوں اور مثبت سوچ سے امید کی جا رہی ہے کہ کراچی انٹر بورڈ کے نظام میں بہتری آئے گی اور طلبہ کو بہتر سہولیات میسر ہوں گی۔ ان کی کوششیں یقیناً تعلیمی شعبے میں ایک نئی روح پھونکیں گی۔
