پریس ریلیز ۔۔ فشر فوک فورم کی 27 ویں سالگرہ اور قیام کا دن موٹانی جیٹی ابرہیم حیدری میں منایا گیا۔
پاکستان فشرفوک فورم کے قیام کا مقصد بیان کرتے ہوئے پاکستان فشر فوک فورم رہنماؤں نے کہا کہ پاکستان فشر فوک فورم ماہیگیروں کی ایک منفرد سماجی تحریک ھے ،
جس نے پائیدار روزگار کی بحالی ،ماھی گیر ی اور جزائر پر مالکی حق ، بھارت میں قید ماھی گیروں کی رہائی ، اور پائیدار فشریز پالیسی کے لیے جدوجہد کی۔
پاکستان فشر فوک فورم کا قیام 5 مئی 1998 عمل میں لایا گیا پاکستان فشر فوک فورم کی ،،27 ویں فاؤنڈیشن ڈے 5 مئی 2025 کو موٹانی جیٹی ۔ ابراہیم حیدری میں پرجوش اور پر عزم طرح سے منایا گیا سالگرہ کی تقریب میں
پاکستان فشر فوک فورم کے مرد اور خواتین ممبران نے بڑی تعداد میں شرکت کی۔
پاکستان فشر فوک فورم کی تاریخ بتاتے ہوئے مرکزی انفارمیشن سیکرٹری ایوب خان صاحب نے کہا کہ ہم نے فشر فوک فورم کی تنظیم سازی کا آغاز پہلے کراچی سے کیا تھا اس کے بعد ٹھٹہ، بدین ،جامشورو ،دادو ، عمر کوٹ ، سانگھڑ ، لاڑکانہ ،قمبر شھداد کوٹ ،سکھر ،کشمور ، پھر بلوچستان گوادر ،پسنی ، خیبر پختونخوا اور پنجاب تک تنظیم سازی کی گئی ۔۔ 
جب فشر فوک فورم کی بنیاد رکھی تو ہزاروں کی تعداد میں ماھی گیر مرد، عورتیں ،بزرگ ،اور بچے بھی اس تحریک کا حصہ بنتے گئے ۔ فشر فوک فورم نے لوگوں کو بیدار کیا۔ اور آنے والے خطرات سے آگاہ کیا ۔۔ روزگار کی درست سمت میں بحالی کے لیے لوگوں کو باخبر کرتی تھی اور تب لوگو نے بھر پور ساتھ دیا ۔۔ تمام سول سوسائٹی اور سماجی تنظیمیں نے پی ایف ایف کے ساتھ بھر پور تعاون اور بھر پور حمایت کی ۔ مگر افسوس حکومتی حوالے سی صلاح و مصلحت ھمیں ماھی گیروں شریک نہیں کرتے یہی وجہ ھے کہ سمندر ، دریا ،اور جھیلوں پر رھنے والے ماھی گیر غربت کی نچلی لکیر سے زندگی گزار رہے ہیں . آج موٹانی جیٹی مل پاڑہ ابراھیم حیدری میں فشرفوک فورم کی سالگرہ منائی گئی ، اور 27 واں فاؤنڈیشن ڈے کا کیک کاٹا گیا ۔ تقریب سے ،سعید بلوچ، فاطمہ مجید ، ایوب شان خاصخیلی ، مجید موٹانی، کوثر صادق, گوادر سے آئے نمائندے بابو حسن، طالب کچھی، رقعہ عثمان، اختر سنگو، سکندر بلوچ، لطیف ڈورائیپ، اختر شيخ ، اعجاز علی میر بحر، یوسف کڈانی، فاطمہ کڈانی، گل بانو، رقیہ عثمان نواز دبلو اور دیگر تنظیمی میمبران نے خطاب کیا۔ ۔
