دریائے سندھ پر نہروں کی تعمیر کیخلاف احتجاج کا 9 واں روز، احتجاج ختم کرنے پر وکلا میں اختلاف ہوگیا۔ سندھ بار کونسل نے گذشتہ روز احتجاج ختم کرنے کی درخواست کی تھی۔ کراچی بار اور ہائیکورٹ بار نے اس سے لاعلمی کا اظہار کیا ہے۔ وکلا نے سٹی کورٹ کے دروازے سائلین کے لیے بند کردیئے۔ وکلا، ججز اور اسٹاف کے علاوہ کسی کو احاطہ عدالت میں داخل ہونے کی اجازت نہیں دی جارہی۔ جیلوں سے قیدیوں کو نہیں لایا گیا۔ سندھ ہائیکورٹ میں عدالتی امور معمول کے مطابق جاری ہیں۔وکلا رہنماؤں کے مطاطق نہروں کی تعمیر کا نوٹیفکیشن واپس لینے تک احتجاج جاری رہے گا۔
================
سی سی آئی اجلاس میں آج کینالوں کے معاملے کا فیصلہ ہو جائے گا: شرجیل انعام میمن
وزیرِ اطلاعات سندھ شرجیل انعام میمن کا کہنا ہے کہ حکومت سندھ کی گزارش پر وزیرِاعظم شہباز شریف نے سی سی آئی کا اجلاس آج ہی طلب کر لیا۔
جیو نیوز کے پروگرام جیو پاکستان میں گفتگو کرتے ہوئے شرجیل انعام میمن کا کہنا تھا کہ سی سی آئی اجلاس میں آج کینالوں کے معاملے کا فیصلہ ہو جائے گا۔
کراچی: وکلاء کا احتجاج، سٹی کورٹ کے دروازے سائلین کیلئے آج بھی بند
انہوں نے کہا کہ اجلاس 2 مئی کو ہونا تھا، حکومت سندھ کی گزارش پر آج ہو رہا ہے، وزیرِ اعظم کی زیرِ صدارت سی سی آئی کا اجلاس آج شام اسلام آباد میں ہوگا۔
ان کا کہنا ہے کہ سندھ کی طرف سے وزیرِ اعلی سندھ مراد علی شاہ سی سی آئی اجلاس میں شرکت کریں گے۔
شرجیل انعام میمن نے کہا کہ بلاول بھٹو اور وزیرِ اعظم کی جو بات چیت ہوئی اس کے تحت فیصلہ ہوگا، کینالوں کا مسئلہ ختم ہو جائے گا، پہلے بھی وفاقی حکومت سے گزارش کی تھی کہ سی سی آئی کی میٹنگ جلدی کرائی جائے۔
صوبائی وزیر کا کہنا ہے کہ راستوں کی بندش کے باعث گڈز ٹرانسپورٹ رکی ہوئی ہے، راستوں کی بند ش کی وجہ سے کسانوں اور تاجروں کو نقصان ہورہا تھا۔
ان کا یہ بھی کہنا ہے کہ وزیرِ اعظم شہباز شریف کے شکر گزار ہیں کہ انہوں نے ہمارا مطالبہ منظور کیا۔
