بلاول بھٹو نے بھارتی انتہا پسندی پر دو ٹوک بیان دیا۔ پاکستانی افواج ہر قسم کی جارحیت سے نمٹنے کی صلاحیت رکھتی ہے۔ 25کروڑ عوام شانہ بشانہ ہیں۔ پاکستان کی طرف میلی نگاہ سے دیکھنے والے نشان عبرت بن جائیں گے۔ جنگ مسلط کی گئی تو بھارت کو انشاء اللہ شکست فاش دیں گے۔ شہنیلہ خانزادہ رہنماپی پی پی و سرپرست اعلی AIM
کراچی (ڈسٹرکٹ رپورٹر) رہنما پی پی پی و سرپرست اعلی AIMشہنیلہ خانزادہ نے کہا ہے کہ چیئرمین بلاول بھٹو نے بھارتی انتہا پسندی پر دو ٹوک بیان دیا۔ پاکستانی افواج ہر قسم کی جارحیت سے نمٹنے کی صلاحیت رکھتی ہے۔ 25کروڑ عوام شانہ بشانہ ہیں۔ پاکستان کی طرف میلی نگاہ سے دیکھنے والے نشان عبرت بن جائیں گے۔ جنگ مسلط کی گئی تو بھارت کو انشاء اللہ شکست فاش دیں گے۔ پاکستانی کسی انتشار کا شکار نہیں۔ پانی بند کیا گیا تو بھارت ردعمل سہ نہیں سکے گا۔ چیئرمین بلاول بھٹو نے وزیر خارجہ کی حیثیت سے بھی جرات مندانہ موقف اور نریندر مودی کو گنجرات کا قصائی قرار دیا تھا بھارت میں بیٹھ کر کشمیر کے لئے بات کی۔ کوئی اس خوش فہمی میں نہ رہے کہ مٹھی بھر دہشت گرد بلوچستان یا کے پی کے و دیگر شہروں میں را کے زریعے کچھ کر سکتے ہیں۔ کیونکہ متحد قوم اپنی فوج کے شانہ بشانہ ہیں۔ پاکستان کی حفاظت ایک ایک پاکستانی کر رہا ہے اور افواج ہماری آن جان شان ہے۔ فالس آپریشن کرنے والے مکار بھارت کو پاکستان کی غیر جانبدارانہ انکوائری کی پیشکش پاکستان کی جرات مندی ہے جبکہ جعفر ایکسپریس سانحہ بھی بھارتی جارحیت تھا۔ پوری قوم میں نیا جزبہ جنم لے چکا ہے۔بھارت نے کوئی مہم جوئی کی تو بری طرح کے نتائج کے لئے تیار رہے۔
۔۔۔۔۔۔۔۔۔۔۔۔۔۔۔۔
کراچی (ایم پی پی میڈیا سیل / اسٹاف رپورٹر)
ملک بھر میں ’’میری پہچان پاکستان‘‘ (ایم پی پی) کے زیرِ اہتمام مرکزی و علاقائی کمیٹیوں کے اجلاس منعقد ہوئے جن میں ملک کو درپیش موجودہ حالات کا جائزہ لیا گیا۔ اجلاسوں میں اس عزم کا اعادہ کیا گیا کہ قومی سلامتی اور پاکستان کے تحفظ کے لیے پوری قوم افواجِ پاکستان کے شانہ بشانہ کھڑی ہے۔
ڈاکٹر عشرت العباد خان کا ’’میری پہچان پاکستان‘‘ کا بیانیہ آج ہر پاکستانی کے دل کی آواز بن چکا ہے۔ بھارتی انتہا پسندوں کی جنگی جنونیت اور پاکستان پر میلی نگاہ ڈالنے والوں کے مقابلے کے لیے افواج پاکستان مکمل طور پر تیار اور پوری قوم ہر قربانی پیش کرنے کے لیے پُرعزم ہے۔ ایم پی پی کا ہر کارکن وطن کے لیے مر مٹنے کو ہمہ وقت تیار ہے۔
ڈاکٹر عشرت العباد خان نے اتحاد، یقین اور نظم و ضبط کے جس ویژن کا آغاز کیا تھا، وہ اب قوم میں عملی طور پر نظر آ رہا ہے۔ بھارت کی کھلی دہشت گردی، فالس فلیگ آپریشنز، سندھ طاس معاہدے کی معطلی اور آبی دہشت گردی سمیت ہر محاذ پر پاکستانی قوم مکمل یکجہتی کا مظاہرہ کر رہی ہے۔ حکومتِ پاکستان کے جرأت مندانہ فیصلے اور افواجِ پاکستان کی شجاعت پر پوری قوم متحد ہے۔ شملہ معاہدے اور بھارتی ایئر ٹریفک پر پابندی جیسے اقدامات بروقت اور درست قرار دیے گئے۔
ایم پی پی کے بانی اور سابق گورنر سندھ ڈاکٹر عشرت العباد خان کا ہمیشہ یہی موقف رہا ہے کہ ہمیں تمام تر رنگ، نسل اور زبان سے بالاتر ہوکر پوری قوت سے ایک پاکستانی قوم کی حیثیت سے ابھرنا ہے۔ آج یہ پیغام ہر پاکستانی کا بیانیہ بن چکا ہے کہ ’’پاکستان ہماری ریڈ لائن ہے‘‘، ریاست اور اس کے ادارے ہمارے وقار اور جان ہیں۔ ملک بھر میں اس عزم کا اظہار کیا گیا کہ افواجِ پاکستان کے شانہ بشانہ قوم ہر اول دستہ بنے گی اور بھارت کی کسی بھی جارحیت کا منہ توڑ جواب دیا جائے گا۔
تمام سیاسی جماعتوں کا اتحاد بھی نہایت خوش آئند ہے، کیونکہ ہمارا بیانیہ ہمیشہ یہی رہاہے کہ ’’ریاست پہلے، سیاست بعد میں‘‘۔
’’پاکستان زندہ باد، افواجِ پاکستان زندہ باد، میری پہچان پاکستان۔۔۔ میری جان پاکستان‘‘ کے فلک شگاف نعرے بھی اجلاسوں میں گونجتے رہے۔
