سروسز ہسپتال کے شعبہ امراض ناک ،کان اور گلا اور شعبہ سرجری کے زیر اہتمام 2روزہ سمپوزیم اختتام پزیر،انگلینڈ سے آئے ماہر امراض ناک کان اور گلا پروفیسر محمد یوسف میاں کی شرکت۔

لاہور()سروسز ہسپتال کے شعبہ امراض ناک ،کان اور گلا اور شعبہ سرجری کے زیر اہتمام 2روزہ سمپوزیم اختتام پزیر،انگلینڈ سے آئے ماہر امراض ناک کان اور گلا پروفیسر محمد یوسف میاں کی شرکت۔سمپوزیم کے پہلے روز کمونیکیشن سکلز اور پیروٹڈگلینڈ کی بیماریوں کی تشخیص اور علاج بارے لیکچرز دیے گئے جبکہ مہمان خصوصی پروفیسر محمد یوسف میاں نے اس بیماری کے حوالے سے مفید گفتگو حاضرین تک پہنچائی۔سمپوزیم کے پہلے

دن پروفیسر یاسین رفیع،پروفیسر محمد امجد،پروفیسر منظور احمد سمیت دیگر نے شرکت کی اور موضوع کی مناسبت سے شرکاء کی تربیت کی ۔سمپوزیم کے دوسرے روز ناک کان اور گلا کی بیماریوں کے حوالے سے لائیو سرجریز کا اہتمام کیا گیا

جس میں پروفیسر محمد یوسف میاں،پروفیسر جاوید اقبال ،پروفیسر یاسین رفیع اور پروفیسر محمد امجد نے طالب علموں اور ڈاکٹرز کو عملی تربیت دی ،سمپوزیم کے اختتام پر شرکاء میں اسناد اور شیلڈز تقسیم کی گئیں۔