آبی جارحیت نامنظور ،ہر پاکستانی پاک افواج کے شانہ بہ شانہ ملک کے دفاع کیلئے تیار ہے،چئیرمین مورڑو میربحر ٹاؤن علی اکبر۔
قوم کا ایک ایک فرد فوجی ہے ،ملک کے دفاع کیلئے اپنی جان لڑا دے گا، (علی اکبر۔)
اعلی حکام ملکی دفاع کیلئے آگے بڑھیں پوری قوم کو اپنے پیچھے پائیں گے،( علی اکبر)۔
کراچی ( ).چئیرمین مورڑو میربحر ٹاؤن علی اکبر کی سربراہی میں مورڑو میربحر ٹاؤن کی جانب سے تاریخی احتجاجی مظاہرہ کیا گیا جس میں میونسپل کمشنر الہی بخش سیال ودیگر سمیت بڑی تعداد میں ڈسی آفس کےافسران وملازمین ،بلدیاتی افسران و ملازمین عوام کی بڑی تعداد میں شرکت کرکے دو ٹوک الفاظ میں بھارت کو باآور کروایا کہ مودی سرکار نے غیر قانونی طور پر آبی بندش کی یا پاکستان کی جانب میلی آنکھ سے دیکھا تو اس کا بھرپور جواب دیا جائے گا.
چئیرمین مورڑو میربحر ٹاؤن علی اکبر نے اس موقع پر کہا کہ آج کا تاریخی احتجاج یہ ثابت کر رہا ہے کہ بھارت یا کسی نے بھی اس ملک کی جانب میلی آنکھ سے دیکھا تو ملک کا ہر فرد فوجی بن کر اس کا جواب د ے گا ،اگر آبی جارحیت اور سندھ طاس معاہدے کی معطلی کو واپس نہیں لیا گیا تو اعلی حکام سے گزارش کرتے ہیں کہ وہ سخت فیصلے لیں ملک کا ایک ایک فرد پاک افواج کے ساتھ سرحدوں اور ملک کی حفاظت کو یقینی بنائے گا.اس موقع پر شرکاء سے انہوں نے پوچھا کہ اگر ضرورت پڑی تو وہ ملک کے دفاع کیلئے جان و مال قربان کرنے کیلئے تیار ہیں جس پر شرکاء نے فلک شگاف الفاظ میں انہیں یقین دلایا کہ وہ ملک کے دفاع کیلئے جان ومال قربان کرنے کیلئے تیار ہیں انہوں نے مزید کہا کہ 1960 میں طے پایا جانے والا سندھ طاس معاہدہ یک طرفہ معطل نہیں کیا جاسکتا یہ کھلی آبی دہشت گردی ہے جس پر اقوام متحدہ سمیت دیگر کو فوری نوٹس لینا چاہیئے.میونسپل کمشنر الہی بخش سیال نے اس موقع پر کہا کہ یہ ملک ہمارا ہے کوئ بھی اس پر میلی نگاہ ڈالے گا تو اس کو انجام بھگتنا ہوگا بھارت کی جانب سے سندھ طاس معاہدے کی معطلی نامنظور ہے اگر ضرورت پڑی تو قوم کا ایک ایک فرد ملکی دفاع کیلئے سیسہ پلائ دیوار ثابت ہوگا.احتجاجی مظاہرے کے شرکاء نے فلک شگاف اور لہو گرما دینے والے نعرے لگا کر بھارتی جارحیت پر نفرت اور ملکی دفاع کیلئے پاک افواج سے یکجہتی کا اظہار کیا.
انفارمیشن آفیسر
