جیکب آباد 5 سال بعد شروع ہونے والی خوشحال خٹک ایکسپریس افتتاح کے دن ہی پٹڑی سے اتر گئی، 2بوگیوں کو کاٹ کر ٹرین کو منزل کی طرف روانہ کردیا گیا، امدادی ٹیمیں ٹریک کی بحالی میں سرگرم۔ تفصیلات کے مطابق محکمہ ریلوے کی جانب سے 5سال بعد شروع کی جانے والی خوشحال خٹک ایکسپریس افتتاح کے روز ہی پٹڑی اتر گئی، کراچی سے پشاور جانے والی خوشحال خٹک ایکسپریس 5 سال بعد جیکب آباد ریلوے اسٹیشن پر پہنچی جہاں شہریوں کی بڑی تعداد نے اس کا استقبال کیا اور ٹرین پر پھول نچھاور کرکے خوشی کا اظہار کیا، خوشحال خٹک ایکسپریس جسے ہی جیکب آباد ریلوے اسٹیشن سے پشاور کے لیے روانہ ہوئی تو ریلوے اسٹیشن کے قریبی علاقے چنہ محلہ کے مقام پر ٹرین کی آخری بوگی پٹڑی سے اتر گئی، ٹرین کی بوگی کے پٹڑی سے اترنے سے کوئی جانی نقصان نہیں ہوا، امدادی ٹیموں نے پہنچ کر ٹرین کی آخری دو بوگیوں کو کاٹ کر ٹرین کو اپنی منزل کی طرف روانہ کردیا، ریلوے ٹریک کی بحالی کے لیے امدادی ٹیمیں پہنچ گئی ہیں اور ٹریک کو بحال کرنے کی کوشش کی جارہی ہے، خوشحال خٹک ایکسپریس کے پٹڑی سے اترنے کے بعد علاقہ کے لوگوں کی بڑی تعداد پہنچ گئی،ذرائع سے معلوم ہوا ہے کہ کراچی سے پشاور جانے والی خوشحال خٹک ایکسپریس زبون حال ہونے کے باعث پٹڑی سے اتری ہے۔
جیکب آباد میں فرنیچر کے دکان میں آگ بھڑک اٹھی، لاکھوں روپے مالیت کا فرنیچر اور لکڑی جل گئی۔ تفصیلات کے مطابق جیکب آباد میں پیر بخاری کے قریب لائق محمد کی فرنیچر کے دکان میں اچانک آگ بھڑک اٹھی اور دیکھتے ہی دیکھتے آگ نے پوری دکان کو اپنی لپیٹ میں لے لیا، آتشزدگی کے باعث دکان میں موجود فرنیچر اور قیمتی لکڑیاں جل کر راکھ میں تبدیل ہوگئی، اطلاع پر فائر برگیڈ عملے نے موقع پر پہنچ کر آگ پر قابو پاکر مزید دکانوں کو نقصان سے بچالیا، پولیس کے مطابق آگ لگنے کا واقعہ شارٹ سرکٹ کے باعث پیش آیا۔
جیکب آباد میں پولیس کی کاروائی، 1 کلو آئس منشیات برآمد، دو ملزمان گرفتار۔ تفصیلات کے مطابق جیکب آباد میں حساس اداروں اور پولیس نے مشترکہ کاروائی کرتے ہوئے سندھ بلوچستان کے بارڈر عمرانی چیک پوسٹ کے قریب بلوچستان سے سندھ آنے والی مسافر وین کی تلاشی کے دوران دو ملزمان معشوق علی اور نثار خان کو گرفتار کرکے ان کے قبضے سے 1 کلو آئس منشیات برآمد کرلی ہے، گرفتار ملزمان کے خلاف مقدمہ درج کرلیا گیا ہے۔
جیکب آباد، ٹریکٹر میں تیز آواز سے ٹیپ چلانے کی بات پر جکھرانی برادری کے دو گروپوں میں تصادم، خاتون سمیت 4افراد زخمی۔ تفصیلات کے مطابق جیکب آباد کے مولاداد تھانہ کی حدود جانی دیرو جاگیر کے گاؤں بولا جکھرانی میں ٹریکٹر میں تیز آواز سے ٹیپ ریکارڈر پر گانے چلانے کی بات پر جکھرانی برادری کے دو گروپوں میں تصادم ہوگیا تصادم کے دوران لاٹھیوں اور اینٹوں کا آزادانہ استعمال کیا گیا جبکہ فائرنگ بھی کی گئی جس کے نتیجے میں ایک خاتون سمیت 4افراد زخمی ہوگئے جنہیں طبی امداد کے لیے اسپتال منتقل کیا گیا، زخمیوں میں سجاد، نصر اللہ اور مرید جکھرانی اور دیگر شامل ہیں، زخمیوں کے ورثہ نے بتایا کہ ہمارے گھروں کے سامنے ٹریکٹر پر تیز آواز سے ٹیپ چلایا جارہا تھا روکنے پر حملہ کیا جس سے ایک خاتون سمیت چار افراد زخمی ہوئے ہیں، تاہم آخری اطلاعات تک واقعہ کا مقدمہ درج نہیں ہوسکا تھا اور نہ کوئی گرفتاری عمل میں آئی تھی۔
جیکب آباد دریائے سندھ سے متنازعہ کینال نکالنے کے خلاف پی پی شہید بھٹو کی جانب سے احتجاجی مظاہرہ اور دھرنا۔ تفصیلات کے مطابق جیکب آباد میں پیپلز پارٹی شہید بھٹو کی جانب سے دریائے سندھ سے متنازعہ کینال نکالنے کے خلاف ایک احتجاجی جلوس نور محمد منجھو، ریاض لاشاری، نگار بروہی کی قیادت میں نکالا گیا، مظاہرین نے جلوس نکال کر شہر میں مارچ کیا اور کینالوں کے خلاف نعریبازی کی، مظاہرین نے پریس کلب کے سامنے پہنچ کر دھرنا دیا جس کے باعث روڈ بلاک اور ٹریفک معطل ہوگئی۔ اس موقع پر رہنماؤں نے خطاب کرتے ہوئے کہا کہ دریائے سندھ سے ہماری زندگیاں وابستہ ہیں جس پر کینال کسی صورت برداشت نہیں کریں گے، انہوں نے کہا کہ کینال نکالنے کی بات کرکے سندھ کے عوام کے ساتھ دشمنی کی جارہی ہے، سندھ کی زمینیں پہلے ہی بنجر بن چکی ہیں مزید کینال نکال کر پوری سندھ کو بنجر بنانے کی سازش کی جارہی ہے انہوں نے مطالبہ کیا کہ فلفور کینالوں کا فیصلہ واپس لیا جائے بصورت دیگر سندھی عوام کے احتجاج حکمرانوں کا اقتدار بہہ جائے گا
