مورخہ 25 اپریل 2025
الیکشن کمیشن آف پاکستان نے کراچی میں میڈیا اور سول سوسائٹی کے نمائندگان کے لیے آگاہی ورکشاپ کا انعقاد کیا
ورکشاپ میں انتخابی معلومات، ووٹر آگاہی، محروم طبقات کی شمولیت اور فیلڈ فیڈبیک پر تبادلہ خیال کیا گیا: ترجمان
ایڈیشنل ڈائریکٹر جنرل میڈیا و ترجمان الیکشن کمیشن سردار نذر عباس نے معلوماتی مواد کی تیاری میں مشاورت
کی اہمیت پر زور دیا
ضلعی الیکشن کمشنر کراچی ویسٹ شاہنواز بروہی نے شفاف انتخابی عمل کے لیے ووٹر ڈیٹا کی درستگی اور GIS بیسڈ پولنگ اسکیمز پر روشنی ڈالی
پبلک ریلیشنز آفیسر نبیل ابڑو نے محروم طبقات بشمول خواتین، معذور افراد، اقلیتی برادریوں اور خواجہ سرا کمیونٹی کی انتخابی عمل میں شمولیت پر بات کی۔
دفتر صوبائی الیکشن کمشنر سندھ
کراچی
اعلامیہ
مورخہ 25 اپریل 2025
الیکشن کمیشن آف پاکستان کی میڈیا اور سول سوسائٹی کے لیے آگاہی ورکشاپ، معلوماتی مواد کی تیاری میں شراکت داری پر زور
الیکشن کمیشن آف پاکستان کے میڈیا کوآرڈینیشن اینڈ آئوٹ ریچ ونگ کے زیر اہتمام کراچی کے مقامی ہوٹل میں میڈیا اور سول سوسائٹی کے نمائندگان کے لیے ایک روزہ آگاہی ورکشاپ منعقد کی گئی۔ ورکشاپ میں انتخابی معلومات، ووٹر آگاہی، فیلڈ فیڈبیک، اور محروم طبقات کی شمولیت جیسے موضوعات پر تبادلہ خیال کیا گیا۔
ایڈیشنل ڈائریکٹر جنرل سردار نذر عباس نے سیشن کی سربراہی کی اور کہا کہ معلوماتی مواد کی تیاری میں مشاورت بنیادی اہمیت رکھتی ہے۔ انہوں نے بتایا کہ میڈیا اور سول سوسائٹی کی آراء سے نہ صرف آگاہی مہمات مؤثر ہوتی ہیں بلکہ وہ مقامی ضروریات سے ہم آہنگ بھی ہوتی ہیں۔ ان کا کہنا تھا کہ فیلڈ سے ملنے والی تجاویز کو سنجیدگی سے لیا جاتا ہے تاکہ ووٹر ایجوکیشن مہم زمینی حقائق کے مطابق ہو۔
