رپورٹ: چوہدری عمران اسلم پسوال، مانچسٹر
منہاج القرآن انٹرنیشنل اسلامک سنٹر مانچسٹر میں “ڈپلومہ ان قرآن سٹڈیز” کا افتتاحی سیشن انتہائی روحانی اور ایمان افروز ماحول میں منعقد ہوا۔ سینکڑوں عاشقانِ قرآن نے بھرپور شرکت کی اور قرآن فہمی کے اس منفرد تعلیمی پروگرام کو سراہا۔
اس مبارک سیشن کی قیادت عالمی شہرت یافتہ اسکالر علامہ حافظ محمد سعید رضا بغدادی نے کی، جو ان دنوں برطانیہ میں دورۂ قرآن پر ہیں۔ آپ کا خطاب علمی بصیرت اور روحانی اثر سے بھرپور تھا، جس نے سامعین کے دلوں میں قرآن کے ساتھ محبت اور تعلق کی نئی لہر دوڑا دی۔
تقریب میں مانچسٹر اور گردونواح سے بڑی تعداد میں خواتین و حضرات نے شرکت کی۔ مہمانانِ خصوصی میں معزم رضا (جنرل سیکرٹری MQI UK)، علامہ عبدالستار سراج (ڈائریکٹر MQI مانچسٹر)، ظل حسن (صدر MQI اسپین) سمیت ویمن لیگ اور منہاج القرآن کے دیگر فورمز کے نمائندگان شامل تھے۔
اس تعلیمی پروگرام کو قرآن فہمی کے حوالے سے ایک انقلابی قدم قرار دیا جا رہا ہے، جو نہ صرف علم کا ذریعہ بن رہا ہے بلکہ روحانی تربیت اور معاشرتی شعور کی بیداری کا سبب بھی بن رہا ہے۔
اختتامی سیشن ان شاء اللہ جمعہ کی شام منہاج القرآن مانچسٹر میں منعقد ہوگا، جس میں شرکت کے لیے تمام احباب کو دعوتِ عام دی گئی ہے۔
—
