24 اپریل 2025
راولپنڈی
آل پاکستان ریلویز پنشنرز ایسوسی ایشن نے وفاقی وزیر برائے ریلوے حنیف عباسی کو چار نکاتی مطالبات پیش کردیے۔جن کی فل الفور منظوری کا مطالبہ کیا گیا،تاکہ بزرگ ،بیوہ خواتین اور یتیم بچوں کی پینشن کے جائز مسائل حل ہوسکیں۔
آل پاکستان ریلویز پنشنرز ایسوسی ایشن کا ایک ہنگامی اجلاس محمد اسلم عادل بٹ (چیئرمین )کی زیر صدارت منعقد ہوا۔جس میں تمام مرکزی کابینہ نے ویڈیو لنک سے شرکت کی۔اجلاس میں پاکستان ریلوے کے ریٹائرڈ ضعیف العمر پنشنرز،بیواؤں اور یتیم بچوں کو درپیش مسائل کا تفصیل سے جائزہ لیا گیا اور فیصلہ کیا گیا کہ ان تمام مسائل کو پریس کے زریعے حکام بالا تک پہنچایا جاۓ۔اس سلسلے میں ایک لیٹر پہلے ہی وفاقی وزیر ریلوے محمد حنیف عباسی کو لکھا جا چکا ہے۔جس میں کہا گیا ہے کہ پاکستان ریلوے سے ریٹائرڈ ضعیف العمر پنشنرز،بیواؤں اور یتیم بچوں کو جس سسٹم سے پنشن کی ادئیگی کی جارہی ہے ، وہ ایک طویل طریقہ کار ہے۔جسکی وجہ سے ہر ماہ پنشن تاخیر سے ملتی ہے۔پنشن کو براہ راست AGPR سے منسلک کیا جاۓ تاکہ ریلوے کے پنشنرز کو بھی دوسرے وفاقی اداروں کے پنشنرز کی طرح بروقت پنشن مل سکے ،اس اقدام سے پاکستان ریلوے کے محکمے پر پنشن کا بوجھ بھی ختم ھو جاۓگا۔آؤٹ آف ٹرن میڈیکل گراؤنڈ پر واجبات کی پیمنٹ کے لیۓ ہارڈشپ کمیٹی بنائی گئی ہے، جس کے نمبٹائے گئے کیسسز میں بھی بلکل شفافیت نہیں ہے ،جنکی رسائی ہوتی ہے وہ پیمنٹ آؤٹ آف ٹرن لے لیتے ہیں،جب کہ حقدار عرصہ دراز سے دھکے کھا رہے ہیں۔ ہارڈ شپ کیسسز میں شفافیت لانے کے لیے ہارڈ شپ کمیٹی کو فل الفور ختم کیا جاۓ اور اصل سنارٹی لسٹ کے مطابق پیمنٹ کی جاۓ۔یکم نومبر 2022 کے بعد ریٹائرڈ ھونے والوں کو انکی کموٹیشن کی رقم کی ادائیگی ابھی تک نہیں ہوئی۔اس کے آرڈر کیۓ جائیں تاکہ ریلوے کے پنشنرز اپنے واجبات کی وصولی کے بعد اپنی ضروریات پوری کر سکیں۔ بہت سے پنشنرز تو پہلے ہی واجبات کی وصولی کی حسرت دل میں لیۓ اس جہان سے رخصت ہوچکے ہیں۔پاکستان ریلوے کے پنشنرز عرصہ دراز سے اپنے واجبات مثلاً جی پی فنڈز،میرج گرانٹ فنڈز،بینویلینٹ فنڈز، پی ایم پیکج گرانٹ،فیئر ویل گرانٹ اور دوسرے واجبات کی وصولی کے لیۓ دردر کی ٹھوکریں کھا رہے ہیں ان کے واجبات کی ادائیگی کے فوری طور پر احکات صادر کیۓ جائیں۔ہم وفاقی وزیر برائے ریلوے حنیف عباسی سے پر زور اپیل کرتے ہیں کہ ہمارے جائز مطالبات فوری طور پر حل کیے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
