خبرنامہ نمبر 2025/2811
ضلع چمن23اپریل:ـڈی سی چمن حبیب احمد بنگلزئی نے کی زیر صدارت انسداد پولیو مہم کے تیسرے روز ایوننگ ریویو اجلاس کا انعقاد کیا گیاضلع میں جاری انسداد پولیو مہم کے دوسرے روز ایوننگ ریویو اجلاس کا انعقاد کیا گیا اجلاس میں ڈی ایچ او ڈاکٹر عصمت اچکزئی این سٹاف، پولیو ٹیموں کے افسران نمائندے اور دیگر متعلقہ ڈاکٹرز و افسران شریک تھے اجلاس میں پولیو مہم کی تیسرے روز کی کارکردگی کا تفصیلی جائزہ لیا گیا اجلاس کے دوران انسداد پولیو مہم کی کارکردگی اور انسداد پولیو مہم کی مجموعی صورتحال پر تفصیلی تبادلہ خیال کیا گیا اجلاس میں افسران نے پولیو ٹیموں کی کارکردگی، درپیش چیلنجز اور آئندہ کے لائحہ عمل پر بریفنگ دی اجلاس سے خطاب کرتے ہوئے ڈی سی چمن نے کہا کہ مہم کی کامیابی تمام سٹیک ہولڈرز کے باہمی تعاون پر مبنی ہے انہوں نے تمام پولیو ٹیموں کی محنت کو سراہتے ہوئے ہدایت کی کہ کوئی بھی بچہ پولیو قطرے پینے سے محروم نہ رہ جائے اور پولیو ٹیم کے تمام افسران و اہلکاران دیئے گئے اہداف کو حاصل کرنے کے لیے پیشہ ورانہ صلاحیتوں کو بروئے کار لاتے ہوئے اپنے خدمات ایمانداری اور دیانتداری سے سرانجام دیں تاکہ پولیو مہم کی سو فیصد کامیابی کو یقینی بنایا جا سکے انہوں نے کہا کہ ضلع میں پولیو کے خاتمے کے لیے کوششیں تیز کر دی گئی ہیں۔ ڈی سی چمن نے پولیو کے خاتمے کے لیے پولیو افسران و اہلکاران اور انتظامیہ کی کاوشوں کو سراہا ۔
خبرنامہ نمبر 2025/2812
جعفرآباد23اپریل :ـڈپٹی کمشنر جعفر آباد اظہر شہزاد نے کہا ہے کہ تعلیمی نظام میں بہتری لا کر ہی جہالت کی تاریخی کا خاتمہ کیا جا سکتا ہے اس لیے جعفر آباد ضلعی انتظامیہ کی بھرپور کوشش رہے گی کہ تعلیم میں بہتر نمایاں کارکردگی کا مظاہرہ کرنے والے طلبہ کی صحیح معنوں میں حوصلہ افزائی کی جائے تاکہ ہمارے بچے مستقبل میں ملک کی بھاگ دوڑ سنبھالیں ان خیالات کا اظہار انہوں نے گورنمنٹ بوائز ہائی سکول میں تقریب انعامات کے موقع پر خطاب کرتے ہوئے کیا اس موقع پر ڈپٹی کمشنر اظہر شہزاد سمیت دیگر نے گزشتہ سال کے امتحانات میں کامیابی حاصل کرنے والے 300 سے زائد طلبہ میں انعامات تقسیم کیے اس سے قبل ڈپٹی کمشنر اظہر شہزاد جب اسکول میں پہنچے تو بچوں نے ان کا استقبال کیا اور پھولوں کی پتیاں نچھاور کیں تقریب انعامات کے موقع پر اسکول کے بچوں نے ٹیبلوں تقاریر ملی نغمے نعت رسول مقبول صلی اللہ علیہ وآلہ وسلم پیش کر کے حاضرین مجلس سے داد حاصل کی ڈپٹی کمشنر اظہر شہزاد نے اپنے خطاب میں کہا کہ مجھے بہت خوشی محسوس ہو رہی ہے کہ ضلع جعفر آباد کے بچوں میں خداداد صلاحیتیں موجود ہیں مگر ضروری ہے کہ ان بچوں کی بہتر معنوں میں حوصلہ افزائی کی جائے تاکہ یہ بچے مستقبل میں ملک کی بھاگ دوڑ سنبھالیں اور انہیں کسی بھی چیلنجز سے نبرد آزما نہ ہونا پڑے آج اگر ہم نے اپنے بچوں کو بہتر معنوں میں تعلیم نہ دی تو یہ مستقبل میں ہمیں کبھی بھی معاف نہیں کریں گے اس لیے ضروری ہے کہ بچوں کو مقامی سطح پر بہتر سے بہتر انداز میں تعلیم دی جائے تاکہ بچوں کا مستقبل سنور سکے اس موقع پر ڈپٹی کمشنر نے ڈسٹرکٹ ایجوکیشن آفیسر کی نشاندہی پر شلٹر لیس سکولوں کے بچوں کے لیے ڈپٹی کمشنر نے سات عدد حال نما ٹینٹس سمیت دیگر سامان بھی فراہم کیا.
خبرنامہ نمبر 2025/2813
جعفرآباد23اپریل:۔ڈپٹی کمشنر جعفرآباد اظہر شہزاد نے کہا ہے کہ لوگوں کو بہترین طبی سہولیات کی فراہمی کے لیے حکومت وقت بہتر معنوں میں اقدامات کر رہی ہے عارضی بنیادوں پر تعینات ہونے والے ڈاکٹرز نے اپنی خدمات سرانجام دینے کا فریضہ شروع کر رکھا ہے ہمیں قوی امید ہے کہ نئے ڈاکٹرز کی تعیناتی کے بعد لوگوں کو طبی سہولیات کی فراہمی میں جو مشکلات درپیش آرہی تھی اس کا تدارک ہو سکے گا ضلع انتظامیہ کی بھرپور کوشش رہے گی کہ صحت مندانہ سرگرمیوں کی فراہمی کے حوالے سے جائزہ لیا جائے اور سرپرائز وزٹس کرنے کا سلسلہ بھی جاری رکھا جائے گا ان خیالات کا اظہار انہوں نے سول ہاسپٹل ڈیرہ اللہ یار کے دورے کے موقع پر ڈاکٹرز اور پیرا میڈیکل سٹاف سے گفتگو کرتے ہوئے کیا اس موقع پر ڈسٹرکٹ ہیلتھ افیسر ڈاکٹر ایاز حسین جمالی ایم ایس ڈاکٹر محمد رفیق گھنیہ سمیت دیگر ڈاکٹرز اور پیرا میڈیکل اسٹاف موجود تھا جنہوں نے ڈپٹی کمشنر جعفرآباد اظہر شہزاد کو عوام کو دی جانے والی طبی سہولیات درپیش مسائل اور دیگر کیے گئے اقدامات کے حوالے سے آگاہی فراہم کی ڈپٹی کمشنر اظہر شہزاد نے ہدایات دی کہ دکھی انسانیت کی خدمت میں کوئی کسر نہ چھوڑی جائے دور دراز علاقوں سے آنے والے مریضوں کو بہتر معنوں میں طبی سہولیات فراہم کی جائیں تاکہ ان کے دکھوں کا مداوا ہو سکے ہم سب پر لازم ہے کہ ہم لوگوں کی خدمت کو اپنا نصب العین سمجھیں تاکہ عوام کا ہم پر مزید اعتماد بڑھ سکے اور ان کی شکایات کا تدارک کیا جائے.
