دریائے سندھ پر نئی نہروں کی تعمیرات کیخلاف وکلا سراپا احتجاج ہیں۔ سندھ ہائیکورٹ میں آج جسٹس فیصل کمال عالم کا وکلا کو کمرہ عدالت سے باہر جاکر احتجاج کرنے کی ہدایت کردی۔ آئینی بینچ کے سربراہ جسٹس کے کے آغا کا وکلا کی کمرہ عدالت میں نعرے بازی پر برہمی کا اظہار کرتے ہوئے اپنے چیمبر میں چلے گئے۔ جسٹس کے کے آغا نے ریمارکس دیئے کہ جو وکلا سماعت میں پیش نہیں ہونگے انکے کیسز عدم پیروی پر خارج کردیئے جائیں گے۔ جسٹس شمس الدین عباسی نے احتجاجی وکلا کو ہدایت کرتے ہوئے کہا کہ ہم عدالتی امور معطل نہیں کرسکتے جو کہنا ہے چیف جسٹس سے جاکر کہیں۔ بیشتر وکلا ببرلو دھرنے میں ہیں عدالتوں سے ان کیخلاف حکم نامہ جاری ہورہے ہیں اور کیسز مسترد ہورہے ہیں۔ عدالتی امور معطل نہیں کررہے کسی وکیل کیخلاف آرڈر جاری نہیں کریں گے۔ سندھ ہائیکورٹ اینکسی بلڈنگ سے ججز وکلا کے احتجاج کے بعد اپنے اپنے چیمبرز میں چلے گئے۔
