جیکب آباد دن دھاڑے ڈکیتی مزاحمت پر ملزمان کی فائرنگ سے بیوپاری زخمی ملزمان فرار واردات کیخلاف شہریوں کا قومی شاہراہ پر دھرنا پولیس کیخلاف نعرے بازی تفصیلات کے مطابق
جیکب آباد صدر تھانے کے حدود میں ڈکیتی ہونے کے خلاف شھریوں کا احتجاج مظاہرین نے قومی شاہراہ پر ٹائر نذر آتش کرکے دھرنا دے دیا جس کے باعث ٹریفک کی روانی معطل ہوگر رہ گئی، دھرنے میں شامل شرکاء کا کہنا تھا کہ گوٹھ گلاب ماچھی کے قریب نامعلوم مسلحہ ملزمان نے مویشیوں کے بیوپاری بقاء محمد کو یرغمال بنا کر 15 لاکھ روپے نقدی چھین لیے مزاحمت کرنے پر ملزمان نے فائرنگ کرکے بیوپاری کو زخمی کردیا اور فرار ہوگئے، ان کا مزید کہنا تھا کہ ضلع بھر میں بدامنی کی آگ تیزی سے بھڑک رہی ہے کاروبار کرنا میں مشکل بن چکا ہے مسلحہ ملزمان دن ہو یا رات سرعام وارداتیں کر رہے ہیں لیکن پولیس بےبس ہوکر رہ گئی ہے انہوں نے بیوپاری سے چھین گئی رقم کی واپسی اور ملزمان کی گرفتاری سمیت شہریوں کو تحفظ فراہم کرنے کا مطالبہ کرتے ہو کہا اگر موجودہ ایس ایس پی مزید وقت یہاں رہے تو عید بھی خراب ہو جاۓ اور جیکب آباد میں مکمل جھنگل کا قانون نافذ ہوجاۓ گا
جیکب آباد: رپورٹ ایم ڈی عمرانی
جیکب آباد میں آوارہ جانور بے لغام،جانور نے ضعیف کو ٹکر مار کر گرا دیا،زخمی تفصیلات کے مطابق جیکب آباد میں آوارہ جانوروں کی بہتات کی وجہ سے شہری اور دوکاندار سخت پریشان کا شکار ہیں بے لغام آوارہ جانور متعدد افراد کو ٹکر مار کر زخمی کرچکے ہیں گزشتہ روز سینما روڈ پر ایک ضعیف کو آوار ہ گائے نے ٹکر مار کر گرادیا جس کے باعث ضعیف شدید زخمی ہو گئے راہ چلتے لوگوں نے انہیں سہارا دیکر اٹھایا آوارہ جانور دوکانداروں کے سامان کا بھی نقصان کرتے ہیں شہریوں نے بلدیہ اور ضلعی حکام سے آوارہ جانوروں کے مالکان کے خلاف کاروائی کا مطالبہ کیا ہے۔
جیکب آباد محکمہ تعلیم کے افسران کی لاپرواہی،ضلع کے 34جے ایس ٹی کو اپائنمنٹ آرڈر تین ماہ سے جاری نہ کئے گئے،التوا کا شکار،اساتذہ سخت پریشان تفصیلات کے مطابق جیکب آباد محکمہ تعلیم کے افسران کی لاپرواہی کی وجہ سے جے ایس ٹی اساتذہ کو تین ماہ سے اپائنمنٹ آر ڈر کا اجراء نہیں کیا گیا ہے جس کے باعث ضلع کے 34جے ایس ٹی اساتذ ہ سخت پریشان ہیں انہوں نے احتجاج کرتے ہوئے کہا کہ افسران نے جان بوجھ کر معاملہ کو التوا کا شکار کیا ہوا ہے افسران کا رویہ قابل افسوس ہے سیکریٹری تعلیم اس کا نوٹس لیں دوسری جانب ڈی او سیکنڈری اسماعیل برڑو سے رابطے کی کوشش کی گئی پرانکا نمبر اٹینڈ نہ ہوا۔
جیکب آباد ضلع انتظامیہ کی جانب سے عام اشیاء کے نرخ مقرر نہ کرنے کی وجہ سے دوکاندار من مانے ریٹ وصول کرنے لگے،رمضان میں بیوپاریوں نے ظلم کی حد کردی،فروخت کھجور،سبزیاں،شربت اور گوشت کی قیمتوں میں اضافہ ناجائز منافع خوری کی شکایات تفصیلات کے مطابق جیکب آباد انتظامیہ کی جانب سے ماہ صیام میں اشیاء خورودونوش کے ریٹ مقرر نہ کرنے کے باعث بیوپاریوں نے من مانے ریٹ مقرر کرکے عوام کو لوٹنا شروع کردیا ہے عام استعمال کی اشیاء کے نرخ آسمان سے باتیں کرنے لگے ہیں منافع خور بلا خوف سبزی،فروخت،گوشت مرغی،چینی،شربت اور دیگر اشیاء کے زائدریٹ وصول کررہے ہیں اورپرائس کنٹرول کمیٹیاں غیر فعال ہیں رمضان میں بیوپاریوں نے ظلم کی حد کردی ہے جبکہ ضلع انتظامیہ مجرمانہ خاموشی اختیار کئے ہوئے ہے شہری انیس احمد،سرتاج،سہیل،منظور اور دیگر کا کہنا تھاکہ ماہ صیام سے قبل ضلع انتظامیہ بیوپاریوں کا اجلاس بلا کر انہیں مقرر نرخوں پر اشیاء کی فروخت کا پابند کرتی تھی اور سرکاری سطح پر ڈی سی اشیاء خوردنوش کے نرخ مقرر کئے جاتے تھے لیکن اس بار ایسا کچھ نہیں ہوا افسران اپنی ذمہ داری ادا کرنے کو تیار نہیں ہیں جو کہ قابل افسوس ہے کمشنر لاڑکانہ رمضان میں ناجائز منافع خوری کا نوٹس لیں۔
جیکب آباد جیکب آباد میں غیرت کا نام پر خاتون سمیت 2 افراد قتل۔ تفصیلات کے مطابق جیکب آباد کے بقا محمد تھانہ کی حدود گاؤں بخش علی جکھرانی میں غیرت کے نام پر نوجوان قدیر گلوانی اور ضمیراں کو فائرنگ کرکے قتل کردیا گیا ہے، حدود کی پولیس کے مطابق ملزم شوہر محمد صالح نے اپنے بھائی محمد صلاح کے ہمراہ غیرت کے نام پر اپنی بیوی اور نوجوان کو قتل کیا ہے، ملزمان واردات کے بعد فرار ہوگئے، مقتولین کی لاشیں اسپتال منتقل کی گئی جہاں ضروری کاروائی کے بعد ورثہ کے حوالے کی گئی، تاہم آخری اطلاعات تک واقعہ کا مقدمہ درج نہیں ہوسکا تھااور نہ کوئی گرفتاری عمل میں آسکی تھی۔
جیکب آباد ٹھل میں اسکول سے گھر جاتے ہوئے نویں کلاس کی طالبہ کو اغوا کی کوشش، شہریوں نے ملزم کو گرفتار کرلیا، تشدد کے بعد پولیس کے حوالے، ملزم کی نشاندہی پر مزید دو ملزمان بھی گرفتار، مقدمہ درج۔ تفصیلات کے مطابق جیکب آباد کی تحصیل ٹھل کے انصاری محلہ میں چنگچی رکشہ پر اسکول سے گھر جاتے ہوئے نویں کلاس کی طالبہ ناہید سرکی کو موٹر سائیکل سوار ملزمان نے رکشہ سے اتار کر اغوا کرنے کی کوشش تو طالبہ کی چیخوں پر شہری جمع ہوگئے اور شہریوں نے ایک ملزم امداد سرکی کو پکڑ کر سخت تشدد کا نشانہ بنایا جبکہ اس کے دیگر ساتھی فرار ہوگئے اطلاع پر پولیس نے پہنچ کر ملزم کو اپنی تحویل میں لے لیا اور ملزم کی نشاندہی پر پولیس نے مزید دو ملزمان ہدایت اللہ اور ضمیر کو بھی گرفتار کرلیا پولیس نے متاثرہ طالبہ کے والد اللہ داد سرکی کی مدعیت میں ملزمان امداد سرکی، ہدایت اللہ، وارث علی، ضمیر احمد اور یعقوب سرکی کے خلاف اغوا کا مقدمہ درج کرلیا ہے، اس موقع پر متاثرہ طالبہ نے بتایا کہ اسکول سے رکشہ پر گھر جارہی تھی تو موٹر سائیکل سوار ملزمان نے مجھے رکشہ سے اتارنے کی کوشش میری چیخوں پر شہری جمع ہوگئے اور ملزمان فرار ہوگئے جبکہ ایک ملزم کو شہریوں نے پکڑ لیا ہے، متاثرہ طالبہ نے بتایا کہ ملزمان مجھے چند روز سے تنگ کررہے تھے اور آج مجھے اغوا کرنے کی کوشش کی گئی۔
