لیاقت پور (وحید رشدی) سنگھڑ والاجنگل میں اچانک آگ بھڑک اٹھی، ہزاروں کی تعداد میں تناور درخت جل گئے جنگلی حیات کو بھی شدید نقصان، رات گئے آگ پر قابو نہیں پایا جا سکا تفصیل کے مطابق لیاقت پور کے قدیم جنگل سنگھڑ والا میں اچانک اگ بھڑک اٹھی جو بڑھتے ہوئے 30 ایکڑ سے زائد رقبے پر پھیل گئی تیز ہوا کے باعث آگ مزید پھیلنے کا اندیشہ ہے محکمہ جنگلات، ریسکیو1122 اہلکار اور اہل علاقہ آگ بجھانے کی کارروائی میں مصروف ہیں آگ کی لپیٹ میں آنے
والے سفیدا کے درختوں کی تعداد ہزاروں میں بتائی جاتی ہے ریسکیو اینڈ سیفٹی آفیسر محمد عمران ساجد نے بتایا کہ جنگل میں راستے نہ ہونے سے فائر بریگیڈ کی گاڑیاں اندر داخل نہیں ہو پا رہیں جس کی وجہ سے آگ پر قابو پانے میں رکاوٹ کا سامنا ہےاس خطرناک آگ کو انسانی ذرائع سے بجھانے کی کوشش کی جا رہی ہے۔ آگ کو بجھانے کے لیے مقامی لوگ بھی ریسکیو 1122 عملہ کا ساتھ دے رہے ہیں لیکن آگ مزید پھیلتی جا رہی ہے آگ لگنے کی وجہ معلوم نہیں ہو سکی
