وائس چانسلر یوای ٹی ڈاکٹر شاہد منیر اسلامک سوسائٹی یوا ی ٹی کے فطار ڈنر سے خطاب کررہے ہیں
وائس چانسلر یوای ٹی ڈاکٹر شاہد منیر نے کہا ہے کہ تزکیہ قرآنِ مجید کے احکامات کی اساس ہے۔ وہ جامع مسجد میں یوای ٹی اسلامک سوسائٹی کے افطار ڈنر سے خطاب کررہے تھے ۔ان کا کہنا تھا کہ تزکیہ نفس کو پاک کرکے خاص اللہ کے تابع کردیتا ہے۔خراب نفس کی ایک سب سے بڑی وجہ ”حُبّ دنیا یا خواہشات ہے۔نفس میں خرابی کی باعث دراصل وہ خواہشات پرستی ہے جو حلال و حرام کی تمیز نہ رہنے دےکیونکہ دنیا کی محبت وہ اندھی محبت ہے جو مقصد حیات کو نظروں سے اوجھل کردیتی ہے۔ انہوں نے کہا کہ جَوانی کی توبہ اللہ تعالی کو بَہُت پسند ہے ۔ نبی ﷺ کا فرمان ہے ’’جو جوانی میں عبادت کرے وہ عرش الہٰی کے سائے میں ہوگا کہ اسے قیامت کے میدان کی گرمی نہ پہنچے گی۔ افطار ڈنر سے ڈاکٹر تنویرقاسم نے نزول قرآن کے حوالے لیکچر دیا ۔افطار ڈنر میں فیکلٹی ممبران کے علاوہ طلبہ کی بڑی تعدادنے شرکت کی ۔
ڈاکٹر زوہا عارف سعید نے پبلک سروس کمیشن کے امتحان میں پہلی پوزیشن حاصل کرکے ایک شاندار کامیابی اپنے نام کی ہے۔ وہ پاکستان میڈیکل ایسوسی ایشن (PMA) لاہور کے ریڈیالوجی کورس میں تربیت یافتہ رہی ہیں۔
پاکستان میڈیکل ایسوسی ایشن (PMA) کے سینئر رہنما، ڈاکٹر اشرف نظامی نے اس کامیابی کو سراہتے ہوئے PMA کے تربیتی پروگرام اور اس کے اساتذہ، بالخصوص ڈاکٹر واجد علی اور ڈاکٹر نواز رشید کی محنت اور کوششوں کی تعریف کی۔ انہوں نے کہا کہ PMA کا کردار طب کے میدان میں نہایت اہم ہے اور اس کی اعلیٰ معیار کی تربیت ڈاکٹروں کو بہترین پیشہ ورانہ مہارت فراہم کرتی ہے۔
PMA کی جانب سے اس عزم کا اعادہ کیا گیا کہ وہ مستقبل میں بھی میڈیکل پروفیشنلز کی تعلیم و تربیت کے لیے اپنی کاوشیں جاری رکھے گی تاکہ ملک میں معیاری طبی خدمات فراہم کرنے والے ماہرین تیار کیے جا سکیں۔
وائس چانسلر پروفیسر محمود ایاز کا آلائیڈ ہیلتھ سائنسز کے طالبعلموں کے ہمراہ گروپ فوٹو اس موقع پر پروفیسر محمد معین، پروفیسر محمد عمران، پروفیسر ابرار اشرف اور دیگر بھی موجود
یونیورسٹی کے زیر اہتمام آلائیڈ ہیلتھ سائنسز اور آلائیڈ ویژن سائنسز کے نئے بیچ کے اعزاز میں استقبالیہ تقریب کا انعقاد کیا گیا۔تقریب کے مہمان خصوصی
وائس چانسلر پروفیسر محمود ایاز تھے۔
اس موقع پر پرو وائس چانسلر پروفیسر محمد معین، رجسٹرار پروفیسر محمد عمران، پروفیسر ابرار اشرف،پروفیسر اسد اسلم خان، پروفیسر زارا عشرت، پروفیسر ثاقب سہیل، پروفیسر علی مدیحی ہاشمی، پروفیسر تیمور لطیف، پروفیسر عرفان عظمت اللہ خواجہ، پروفیسر سجاد حیدر، پروفیسر عباس کھوکھر سمیت دیگر فیکلٹی ممبران نے کثیر تعداد میں شرکت کی۔
تقریب کا آغاز تلاوت قرآن پاک، نعت رسول مقبول صلی اللہ علیہ وآلہ وسلم اور قومی ترانے سے کیا گیا۔
اسٹنٹ رجسٹرار مس بینش اسلام نے آلائیڈ ہیلتھ سائنسز کے پروگرامز اور پروگرام ڈائریکٹرز کا تفصیلی تعارف کروایا۔ انہوں نے کنگ ایڈورڈ کے سکول آف فیزیوتھیراپی، کالج آف آفتھلمالوجی اینڈ الائیڈ ویژن سائنسز اور آلائیڈ ہیلتھ سکول کا تعارف کروایا۔
رجسٹرار پروفیسر محمد عمران نے طلبا و طالبات کو کنگ ایڈورڈ میڈیکل یونیورسٹی میں خوش آمدید کہا اور یونیورسٹی کے رولز اور ڈسپلن بارے گفتگو کی۔
اس موقع پر وائس چانسلر پروفیسر محمود ایاز کا کہنا تھا کہ یہ طبی درسگاہ 165 سالہ تاریخی خدمات فراہم کررہی ہے۔ انہوں نے کہا کہ اس درسگاہ میں نہ صرف ایم بی بی ایس، بلکہ آلائیڈ ہیلتھ سائنسز، ایم فل، پی ایچ ڈی سمیت دیگر کئی پروگرامز جاری ہیں۔
انہوں نے آلائیڈ ہیلتھ پروفشنلز کو ادارے میں خوش آمدید کرتے ہوئے ان کے تعلیمی کیرئیر اور مستقبل کے لائحہ عمل اور اس کی اہمیت بارے آگاہ کیا۔
پروفیسر ابرار اشرف نے آلائیڈ ہیلتھ سائنسز کے نصاب بارے آگاہ کیا۔ ان کا کہنا تھا کہ ہم چاہتے ہیں کہ اپنے سٹوڈنٹس کو ذیادہ سے ذیادہ طبی تعلیم اور سکلز فراہم کر سکیں، انہوں نے کہا کہ وائس چانسلر پروفیسر محمود ایاز کی کاوشوں سے آلائیڈ ہیلتھ سائنسز کے طالبعلموں کے لئے بیرون ملک میں بہترین مواقع فراہم کرنے پر کام جاری ہے جبکہ مریدکے نارووال روڈ پر نیو کیمپس میں آلائیڈ ہیلتھ سکول قائم کیا جائے گا جس میں بین الاقوامی معیار کی تعلیم و تربیت دی جائے گی۔
پروفیسر اسد اسلم خان کا کہنا تھا کہ ایک عظیم طبی درسگاہ میں آپ سب کو خوش آمدید کہتا ہوں، انہوں نے کہا کہ کنگ ایڈورڈ میڈیکل یونیورسٹی کا تعلیمی معیار باقی اداروں سے بہتر اور مختلف ہے یہاں کی فیکلٹی اور شعبوں کے سربراہان انتہائی قابل اور محنتی ہیں۔
انہوں نے کہا کہ میڈیکل کا پروفیشن ایک ٹیم کی طرح چلتا ہے اس میں نہ صرف ڈاکٹر بلکہ نرسسز، آلائیڈ ہیلتھ پروفشنلز کے ساتھ مل کر یہ شعبہ مکمل ہوتا ہے۔ ان کا مزید کہنا تھا کہ آپ ہمیشہ اپنے ساتھیوں، اساتذہ اور ٹیچرز کی عزت کریں اور اپنے مریضوں کے ساتھ مخلص اور ہمدردانہ رویہ اختیار رکھیں۔
پرو وائس چانسلر پروفیسر محمد معین کا کہنا تھا کہ آپ لوگ خوش نصیب ہیں جن کا داخلہ ایک بہترین یونیورسٹی میں ہوا۔ اس کا کیمپس اس کے درو دیوار اور ماحول انتہائی خوبصورت ہے۔ آپ سب کو چاہیے کہ آپ اپنے تعلیمی سفر کو بڑھ چڑھ کر طے کریں، مستقبل میں آپ نے محنت کرنی ہے اور اچھا رزلٹ دینا ہے تاکہ اس ادارے کا نام و مقام مزید بلند ہو سکے۔
تقریب میں طلباو طالبات اور ان کے والدین کی کثیر تعداد موجود تھی۔
=======
ٹاؤن شپ لاھور میں چیئرپرسن نوازشریف لوور گروپ اور ممبر انوائرمنٹ کمیٹی پنجاب عظمی عامربٹ کی زیرِ صدارت اجلاس ۔ جس میں علاقے کے مختلف شعبہ ہائے زندگی سے تعلق رکھنے والے افراد کی شرکت ۔ اجلاس میں وزیراعلی پنجاب مریم نواز شریف کے جاری عوامی فلاحی منصوبوں کی تعریف ۔ اجلاس سے خطاب کرتے ھوے عظمی عامربٹ نے کہا کہ مریم نوازشریف کا دور عوامی خدمت سے بھرپور ھے اس وقت پنجاب میں 80 سے زائد عوامی فلاحی منصوبے
جاری ھیں جن میں سے 50 سے زائد پایہ تکمیل تک پہنچ چکے ھیں۔ اور کہا کہ آج سے پہلے لوگوں کے گھروں میں بلز آتے تھے اور ٹیکسز کے پروانے آتے تھے۔ اور حکومتی اہلکار نادہندگان کو گرفتار کرنے کے لیے لوگوں کو تلاش کر رھے ھوتے تھے اور اب گلی گلی میں لوگوں کو تلاش کر کے حکومتی اہلکار رمضان نگہبان کے ڈرافٹ تقسیمِ کر رھے ھیں۔ بیمار کو دواںی اسں کی دہلیز پر پہنچاںی جا رھی ھے ۔ اور کہا کہ عوام مریم نواز شریف کی حکومت سے بہت خوش ھیں۔ اجلاس سے شاہدہ پروین ۔ منور حسین نقوی ۔ چوہدری مشتاق ۔ مرژا خالد بیگ ۔ شہباز بٹ اور طاہر اسحاق نے بھی خطاب کیا اور مریم نواز شریف کی عوامی پالیسیوں کی تعریف کی۔ اجلاس میں ۔ شاہدہ پروین ۔منور حسین نقوی ۔ چوہدری مشتاق ۔خالدبیگ۔ شہباز بٹ۔ طاہر اسحاق ۔ شکیل بھٹی ۔ مقصود بٹ ۔ حماد بٹ۔ حافظ عاطف عارف ۔ طلال بھٹی۔ اعراف ربیع نے بھی شرکت کی ۔
================================
ویٹر نری یو نیورسٹی میں منہ کھر بیماری کنٹرول کے مو ضوع پر سٹیک ہولڈرز کے مشاورتی اجلا س کا انعقاد
لاہور(04-03-25): یونیورسٹی آف ویٹرنری اینڈ اینیمل سائنسز لاہورمیں گذشتہ روز مویشیوں (گائے، بھینسوں) میں پا ئی جانے والی بیماری منہ کھر کو کنٹرول کرنے کے مو ضو ع پر سٹیک ہولڈرز کے مشاورتی اجلا س کا انعقاد ہوا۔ جس کی صدارت وا ئس چانسلر میری ٹو ریئس پرو فیسر ڈاکٹرمحمد یونس (تمغہ امتیاز) نے کی جبکہ دیگر اہم شخصیات میں اینیمل ہسبنڈری کمشنر ڈاکٹر محمد اکرم،ڈین فیکلٹی آف ویٹر نری سائنس پروفیسر ڈاکٹر انیلہ ضمیر درا نی، ڈائریکٹر ٹریننگ سینٹر فار با ئیو لوجکس پرو ڈکشن پروفیسر ڈاکٹر عامر غفور باجوہ کے علاوہ پبلک و پرائیویٹ سیکٹر سے سٹیک ہولڈرز، پرو فیشنلز، صنعتکار و ں اور آفیشلز کی بڑ ی تعداد نے شرکت کی۔
اُس مو قع پر خطاب کر تے ہو ئے پرو فیسر ڈاکٹرمحمد یونس نے کہا کہ منہ کھر بیماری مو یشی پال حضرات کے لیئے معا شی نقصان کا باعث بنتی ہے نیز یہ اجلاس نا صرف بہترین پالیسی مرتب کرنے اور منہ کھر بیماری کی روک تھام کے لیئے بڑا سود مند ثابت ہو گا۔ اُنہو ں نے کہا کہ ویٹر نری یونیورسٹی لائیو سٹاک سیکٹر کی تر قی کے لیئے سٹیک ہولڈرز کے ساتھ الحا ق قائم کر کہ ہیو من ریسورس کی ڈیو یلپمنٹ اور پیوریفائڈ ویکسین تیار کرنے کے لیئے ہمہ وقت امادہ ہے۔ پروفیسر ڈاکٹر انیلہ ضمیر درا نی نے کہا کہ مشاورتی اجلاس کا مقصد سٹیک ہولڈرز کو ایک پلیٹ فارم مہیا کرنا تھا جہا ں وہ لائیو سٹا ک سیکٹر کو درپیش مسا ئل زیر بحث لا کر اور ان کا حل تلا ش کرسکتے ہیں نیز منہ کھر بیماری کی وبا ء کے دوران حکمت عملی پر نظر ثا نی کرنے کے لیئے بھی اجلاس کا انعقاد انتہا ئی ضروری ہے۔ قبل ازیں پروفیسر ڈاکٹر عامر غفور باجوہ نے منہ کھر بیماری میں ویٹر نری یونیورسٹی کے کنٹرول و ریسرچ نیز ٹریننگ سینٹر فار با ئیو لوجکس پرو ڈکشن میں مختلف لیبارٹری سہو لیات، ویکسین پروڈکشن کی کپیسٹی اور منہ کھر بیماری کے خلاف ویٹر نری یونیورسٹی کی تیارکردہ -FMD UVAC ویکسین کے بارے میں بتا یا۔ محکمہ لائیو سٹاک کے ایپی ڈیما لو جسٹ ڈاکٹر خالق نے تفصیلی پریزنٹیشن دی جس میں اُنہو ں نے منہ کھر بیما ری کا پنجاب کے مختلف اضلا ع میں رپورٹ ہو ئے کیس، منہ کھر بیما ری کے پھیلاؤ، ویکسین شیڈول، روک تھام کی حکمت عملی، رپو رٹنگ میکا نزم، منہ کھر بیماری کا سرویلینس پلان، ADSRایپلیکیشن ایپ کا استعمال اور ڈیزیز رپو رٹ کے زرا ئع کے بارے میں شر کا کو بتا یا۔
اجلاس کے شر کا نے محکمہ لائیو سٹاک، یونیورسٹی اور پرا ئیو یٹ پارٹنر کے باہمی تعاون سے منہ کھر بیما ری کی روک تھام کے لیئے ٹاسک فورس بنا نے، لوکل ویکسین کو زیا دہ سے زیا دہ بنانے،بیماری سے پاک کمپارٹمنٹ بنانے، مو یشی پال کسا نو ں کی آ گاہی، با ئیو سیفٹی او ربا ئیو سیکیو رٹی اقدا مات اپنانے، دور حا ضر کی جدید فارم پریکٹسزاور مویشی فارم ہاؤ سز پر نئے جانورو کو بغیر ویکسین اور ٹیسنٹنگ کے دوسرے جانوروں سے دور رکھنے سے متعلقہ تجاویز یں پیش کیں نیز منہ کھر ایکٹ بنا نے پر بھی زور دیا۔
=========================
کیپشن: لاہور کالج فار ویمن یونیورسٹی میں عالمی یوم خواتین کے سلسلے میں منعقدہ کانفرس میں وائس چانسلر ڈاکٹر عظمیٰ قریشی مہمان خصوصی ذکیہ شاہنواز کو سووینئر پیش کر رہی ہیں
لاہور کالج فار ویمن یونیورسٹی (LCWU) میں بین الاقوامی یوم خواتین کی تقریب
مقررین نے کانفرنس سے خطاب کرتے ہوئے کہا، “ہم یہاں خواتین کی کامیابیوں کو خراج تحسین پیش کرنے، صنفی مساوات کے بارے میں آگاہی پیدا کرنے اور خواتین کے اختیار و استحکام کو فروغ دینے کے لیے جمع ہوئے ہیں۔ بین الاقوامی یوم خواتین ایک ایسا پلیٹ فارم فراہم کرتا ہے جہاں خواتین کی سماجی، اقتصادی، ثقافتی اور سیاسی خدمات کو اجاگر کیا جاتا ہے اور ان کے حقوق کے لیے آواز بلند کی جاتی ہے۔”
یہ تقریب ڈیپارٹمنٹ آف جینڈر اینڈ ڈیولپمنٹ اسٹڈیز اور ویمن ڈیولپمنٹ سینٹر کے زیر اہتمام منعقد کی گئی تاکہ “صنفی مساوات کے لیے عملی اقدامات کو تیز تر کرنے” کے عنوان کے تحت بین الاقوامی یوم خواتین منایا جا سکے۔ اس کانفرنس کا انعقاد پاکستان کالج آف لا، ویمن ان لا انیشی ایٹو، یوتھ ایڈووکیسی نیٹ ورک اور ویمن پارلیمنٹرین کاکس کے تعاون سے کیا گیا۔
سابق وزیر اور ویمن پارلیمنٹرین کاکس کی سینئر رکن بیگم ذکیہ شاہنواز مہمانِ خصوصی کے طور پر تقریب میں شریک ہوئیں۔ اپنے خطاب میں انہوں نے حکومت کے ویژن برائے خواتین کے استحکام پر روشنی ڈالی اور خواتین کو بااختیار بنانے کے قوانین پر عمل درآمد کی ضرورت پر زور دیا۔
وائس چانسلر LCWU، پروفیسر ڈاکٹر عظمیٰ قریشی نے اپنے خطاب میں نوجوان لڑکیوں کو حوصلہ دیا کہ وہ آگے بڑھیں، خود کو مضبوط بنائیں اور قیادت کے میدان میں اپنا کردار ادا کریں۔ انہوں نے ویمن ان لا انیشی ایٹو کے تحت منعقدہ نمائش کا افتتاح کیا، جس میں پاکستان میں خواتین کی خدمات کو اجاگر کیا گیا تھا۔
پاکستان کالج آف لا کی پرنسپل، پروفیسر تسنیم کوثر نے قانونی اداروں اور قوانین کے کردار پر بات کی اور نوجوان لڑکیوں میں قانونی آگاہی کی اہمیت پر زور دیا۔
ویمن ان لا انیشی ایٹو کی بانی، ندا عثمان نے ایک نمائش کا انعقاد کیا، جس میں مختلف شعبوں میں خواتین کی خدمات کو نمایاں کیا گیا۔
ڈاکٹر عظمیٰ اشفاق خان، انچارج، ڈیپارٹمنٹ آف جینڈر اینڈ ڈیولپمنٹ اسٹڈیز، LCWU نے اس موقع پر کہا کہ طلبہ، خاص طور پر نوجوان لڑکیاں، اپنے خاندانوں کی زندگیوں میں مثبت تبدیلی لا سکتی ہیں۔ اس لیے ان کی تعلیم اور مالی استحکام پر سرمایہ کاری معاشرے میں مثبت تبدیلی لا سکتی ہے۔
==============================
ٹاؤن شپ لاھور وزیر اعلی پنجاب مریم نواز شریف نگہبان رمضان پیکج کے ڈرافٹ لوگوں کے گھروں میں موصول ھونا شروع ھوگے لوگ کا خوشی کا اظہار چیر پرسن نوازشریف لوور گروپ و ممبر انوائرمنٹ کمیٹی پنجاب عظمی عامربٹ نگہبان رمضان پیکج ملنے والے لوگوں سے ملیں لوگوں نے خوشی کا اظہار کیا اس موقع پر عظمیٰ عامربٹ نے کہا کہ مریم نوازشریف پنجاب کی تاریخ کی سپر وزیراعلی ھیں وہ پنجاب کی عوام کا حق بلا تفریق لوگوں کے گھروں میں پہنچا رھی ھیں نگہبان رمضان پیکج اس بات کا ثبوت ھے۔ اس موقع پر لوگوں نے مریم نواز ژندہ باد عطاء اللہ تارڑ ژندہ باد ملک شہباز علی کھوکھر ژندہ باد کے نعرے لگاے۔ اس موقع پر محمد فاروق ۔ محمد رمضان ۔طیب اظہر۔ خالد بیگ بھی موجود تھے۔
