ملک میں مہنگائی کی شرح میں مزید کم ہوگئی۔
وفاقی ادار شماریات نے بتایا ہے کہ فروری میں مہنگائی کی شرح مزید کم ہوکر ایک اعشاریہ پانچ دو فیصد پر آگئی۔ ادارہ شماریات کے مطابق جنوری 2025 میں مہنگائی کی شرح 2.41 فیصد تھی۔
جنوری کےمقابلے میں فروری میں مہنگائی کی شرح میں 0.83 فیصد کم ہوئی ہے۔
ادارہ شماریات کے مطابق وزارت خزانہ نے فروری کیلئے مہنگائی کا تخمینہ دو سے تین فیصد کے درمیان لگایا تھا لیکن ملک میں مہنگائی کی شرح وزارت خزانہ کی توقعات سے بھی کچھ کم رہی۔
دوسری جانب وزیراعظم شہباز شریف نے کنزیومرپرائس انڈیکس کے حوالے سے افراط زرمیں مسلسل کمی پر اطمینان کا اظہار کیا اور کہا کہ موجودہ حکومت اپنا ایک سال پورا کررہی ہے اس موقع پر انتہائی اچھی خبرہے، یہ امرانتہائی خوش آئند ہے کہ افراط زر فروری 2025 میں 1.5 فیصد پرآگئی۔
انہوں نے کہا کہ یہ ستمبر 2015 کے بعد سب سے کم شرحِ افراط زر ہے، جولائی2024 سے فروری 2025 تک افراط زر کی اوسط شرح 5.9 فیصد تک رہی، معاشی ٹیم کی کاوشوں سے معاشی اعشاریے ہر گزرتے دن کےساتھ بہترہورہے ہیں اور معیشت میں مسلسل بہتری مستعد ٹیم ورک کا نتیجہ ہے۔
وزیراعظم کا کہنا تھاکہ معیشت کی بہتری،کاروبار اورسرمایہ کاری کے فروغ کیلئے تمام ادارے مل کرکام کررہے ہیں، میکرو اکنامک معاشی بہتری کا فائدہ عوام تک پہنچنا شروع ہوگیا ہے اور مجھے قوی امید ہے کہ افراط زر میں مزید کمی ہوگی۔
انہوں نے کہا کہ عوام کو ارزاں نرخوں پر اشیائے ضروریہ کی فراہمی حکومت کی اولین ترجیح ہے۔
اسلام آباد: 3 مارچ 2025
وزیراعظم محمد شہباز شریف کا کنزیومر پرائس انڈیکس کے حوالے سے افراط زر میں مسلسل کمی پر اظہار اطمینان
موجودہ حکومت اپنا ایک سال پورا کر رہی ہے اس موقع پر یہ ایک انتہائی اچھی خبر ہے : وزیراعظم
یہ امر انتہائی خوش آئند ہے کی افراط زر فروری 2025 میں 1.5 فیصد پر آگئی جو کہ ستمبر 2015 کے بعد سب سے کم شرحِ افراط زر ہے : وزیراعظم
جولائی 2024 سے فروری 2025 تک افراط زر کی اوسط 5.9 فیصد تک رہی جبکہ پچھلے مالی سال میں اسی عرصہ میں یہ اوسط 28 فیصد تھی ؛ یہ ایک نمایاں کمی ہے : وزیراعظم
حکومت کی معاشی ٹیم کی شاندار کاوشوں کی بدولت معاشی اعشاریے ہر گزرتے دن کے ساتھ بہتر ہو رہے ہیں : وزیراعظم
معیشت میں مسلسل بہتری مستعد ٹیم ورک کا نتیجہ ہے : وزیراعظم
معیشت کی بہتری، کاروبار اور سرمایہ کاری کے فروغ کے لئے تمام ادارے مل کر کام کر رہے ہیں: وزیراعظم
میکرو اکنامک معاشی بہتری کا فائدہ عوام تک پہنچنا شروع ہو گیا ہے : وزیراعظم
مجھے قوی امید ہے کہ افراط زر میں مزید کمی ہو گی : وزیراعظم
عوام کو ارزاں نرخوں پر اشیائے ضروریہ کی فراہمی حکومت کی اولین ترجیح ہے : وزیراعظم
========
نائب وزیراعظم اسحاق ڈار سے سعودی سفیر کی ملاقات
تجارت اور سرمایہ کاری میں پاک سعودی تعاون بڑھانے پر اتفاق
نائب وزیراعظم اسحاق ڈار سے سعودی سفیر کی ملاقات
فائل فوٹو۔
تازہ ترین خبروں اور تبصروں کیلئے ہمارا وٹس ایپ چینل جوائن کریں
نائب وزیراعظم و وزیر خارجہ اسحاق ڈار سے سعودی سفیر نواف بن سعید المالکی نے ملاقات کی۔ تجارت اور سرمایہ کاری کے شعبوں میں پاک سعودی تعاون کو مزید فروغ دینے کے عزم کا اظہار کیا گیا۔
نائب وزیراعظم و وزیر خارجہ اسحاق ڈار سے سعودی عرب کے سفیر نواف بن سعید المالکی کی ملاقات میں تجارت اور سرمایہ کاری کے شعبوں میں پاک سعودی عرب تعاون کو مزید بڑھانے کے عزم کا اظہار کیا گیا۔اسحاق ڈار اور سعودی سفیر نے دونوں ممالک کے درمیان موجودہ گہرے تعلقات کو مزید مستحکم بنانے پر اتفاق کیا۔ سعودی سفیر نواف بن سعید المالکی نے نائب وزیراعظم سمیت پاکستانی عوام کو رمضان کی مبارکباد دی جبکہ اسحاق ڈار نے سعودی قیادت اور عوام کے لیے نیک خواہشات کا اظہار کیا۔
