کراچی(. )اخوت فاو¿نڈیشن کے بانی و چئیرمین ڈاکٹر محمد امجد ثاقب نے کہا ہے کہ معاشرے کے مسائل کی بڑی وجہ دولت مند لوگوں کی بند مٹھی ہے ،اگر یہ مٹھی کھول دی جائے تو کافی حد تک لوگوں کی زندگیاں آسان ہوسکتی ہیں،ضرورت اس بات کی ہے کہ ان ضرورت مندوں تک پہنچا جائے جو ہماری مدد کے منتظر ہیں،وہ ساحل ویلفئیر ایسوسی ایشن کے زیر اہتمام معروف بزنس مین ساحل ویلفئیر ایسوسی ایشن کے ڈائریکٹر دانش امان کی رہائش گاہ پر فنڈز ریزنگ کی تقریب سے بحیثیت مہمان خصوصی خطاب کررہے تھے،اس موقع پر چئیرمین ساحل ویلفئیر ایسوسی ایشن رئیر ایڈمرل فیصل امین ،ڈائریکٹر ساحل ویلفئیر ایسوسی ایشن زاہد حمید،عیسیٰ لیب کے سربراہ ڈاکٹر فرحان عیسیٰ ،شفیق خان،ڈبلو ڈبلو ایف کی نمائندہ فاطمہ،طلحہ ہاشمی ودیگر نے بھی خطاب کیا،ڈاکٹر امجد ثاقب نے کہا کہ غربت ،بھوک افلاس اور بے روزگاری لاعلاج مرض نہیں،ضرورت اس امر کی ہے کہ اس مسئلے پر سنیحدگی سے غور کیا جائے،اگر ایک شخص دوسرے آدمی کو اپنالے تو بہتری آسکتی ہے،بلوچستان کی پسماندگی کا زکر کرتے ہوئے انہوں نے کہا کہ وہاں لوگوں کو پینے کا صاف پانی میسر نہیں ہے،اخوت فاو¿نڈیشن نے لوگوں کو روزگار کی فراہمی کے لئے 21 ہزار خاندانوں میں 52 کروڑ روپے قرضہ دیا،ان پیسوں سے ماہی گیری کے شعبے میں ترقی آئی ہے،ہم نے بلوچستان کے کوسٹل
علاقوں میں 5 دفاتر بھی قائم کئے ہیں،انہوں نے ویلفئیر ایسوسی ایشن کے لئے 1 کروڑ روپے عطیے کا اعلان کیا،انہوں نے کہا کہ ہم ساحل ویلفئیر ایسوسی ایشن کے ساتھ مل کر کام کررہے ہیں،بلوچستان میں تعل،صحت کو یقینی بنانا ہوگا اور بے روزگاری سے جان چھڑانی ہوگی،ایڈمرل فیصل امین نے کہا کہ ساحل ویلفئیر ایسوسی ایشن کے قیام کا مقصد انسانیت کی خدمت ہے ،ہم ان لوگوں کی مدد کرنا چاہتے ہیں جو خود اپنی مدد نہیں کرسکتے ،درست سمت میں آگے بڑھا جائے تو منزل ضرورت حاصل ہوتی ہے،ڈاکٹر فرحان عیسیٰ نے کہا کہ بہت ساری تنظیمیں کام کررہی ہیں ،لیکن ساحل ویلفئیر ایسوسی ایشن سے کوئی مقابلہ نہیں ہے،لوگ ساحل ویلفئیر ایسوسی ایشن پر بھرپور اعتماد کرتے ہیں،زاہد حمید نے 50 لاکھ روپے عطیے کا اعلان کرتے ہوئے کہا کہ گوادر ،پسنی اورماڑاو دیگر علاقوں میں فلاحی کاموں کا سلسلہ جاری ہے،ہم نے بلوچستان میں اسکول بھی قائم کیا ہے،جہاں بچوں کو یونیفارم وکتابوں کے ساتھ فری تعلیم دی جارہی ہے،ایمبولینس کی فراہمی،واٹر پلانٹ بھی وہاں نصب کئے گئے ہیں،دانش امان نے کہا کہ لاکھوں روپے مالیت کا راشن ہر ماہ 300 خاندانوں کو باقاعدگی سے فراہم کیا جاتا ہے،طلحہ ہاشمی نے کہا کہ ان کے پاس سرجانی کے علاقے میں 1800 گز کا ایک پلاٹ ہے اگر وہاں یتیم خانہ قائم کیا جائے تو وہ یہ پلاٹ ساحل ایسوسی ایشن کے حوالے کرنے کو تیار ہیں اور تعمیرات میں بھی مدد کریں گے،ڈبلیو ڈبلیو ایف کی نمائندہ فاطمہ نے کہا کہ ان کی تنظیم 1990 سے کام کررہی ہے اور ساحلی علاقوں میں 15 لاکھ سے زیادہ مینگروز کے درخت لگائے ہیں،فنڈریزنگ کے دوران 7 کروڑ 16 لاکھ روپے کے عطیات جمع ہوئے،اس موقع پر چیف گیسٹ ڈاکٹر امجد ثاقب کو شیلڈ پیش کی گئی اور دیگر لوگوں کو ٹرافیاں دی گئیں۔#
