کراچی ۔ 3 مارچ۔ صوبائی وزیر برائے صنعت و تجارت جام اکرام اللہ دھاریجو کی زیر صدارت ایک اجلاس سندھ سیکریٹریٹ میں منعقد ہوا۔ اجلاس میں سیکرٹری صنعت و تجارت محمد یاسین شر بلوچ ، ایم ڈی سائٹ عارف زیدی ، ایم ڈی سندھ اسمال انڈسٹریز کارپوریشن ثروت فہیم اور دیگر افسران نے بھی شرکت کی۔
اجلاس میں سالانہ ترقیاتی اسکیموں برائے 2024ـ25 کا جائزہ لیا گیا۔
اجلاس میں سائٹ کی 9 ، سندھ اسمال انڈسٹریز کارپوریشن کی 11 اور پرنٹنگ اینڈ اسٹیشنری ڈپارٹمنٹ کی ایک اسکیم کا جائزہ لیا۔ اجلاس سے خطاب کرتے ہوئے صوبائی وزیر برائے صنعت و تجارت جام اکرام اللہ دھاریجو نے کہا کہ ترقیاتی منصوبوں کو بروقت مکمل کیا جائے ۔ فرائض میں غفلت برتنے اور غیر ذمہ داری کا مظاہرہ کرنے والے افسران کے خلاف کارروائی کی جائے ۔ جام اکرام اللہ دھاریجو نے کہا کہ سندھ اسمال انڈسٹریز کارپوریشن کے تحت قائم زونز کے گرد چار دیواری بھی قائم کی جائیں۔
ترقیاتی منصوبوں کی تکمیل میں معیار اور شفافیت کو برقرار رکھا جائے ۔صوبائی وزیر برائے صنعت و تجارت نے ایم ڈی سائٹ اور ایم ڈی سندھ اسمال انڈسٹریز کارپوریشن کو صنعتی زونز کے باقاعدہ وزٹ کرنے کی بھی ہدایت کی۔
