کراچی( )این آئی بی ڈی ویلفئیر سوسائٹی کے زیر اہتمام معروف بزنس مین زاہد حمید کی رہائش گاہ پر فنڈز ریزینگ کی تقریب منعقد ہوئی جس میں این آئی بی ڈی ویلفئیر سوسائٹی کے سربراہ محمد طاہر شمسی کی اہلیہ عظمیٰ طاہر شمسی ان کے صاحبزادے اسامہ شمسی کے سی سی آئی کے سابق صدر شمیم فرکو ،ایم عرفان اصلی پری،ریحان شاہد،مفتی عبدالرافع ،سعید اللہ والا،منیر السلام،عبداللہ اختر،زاہد سعید،ڈاکٹر شاہد نور،ڈاکٹر نوشابہ حسن مراد،رضوان فیروز ،فہد الیاس نینی تال والا اور دیگر مرد و خواتین نے فنڈ ریزنگ میں حصہ لیا،اس موقع پر موجود شرکاءنے تقریبا 3 کروڑ روپے کے عطیات دئیے،جس میں 10 ہزار سے لیکر 30 لاکھ تک کا عطیہ شامل تھا،اس موقع پر اپنے خطاب میں عظمیٰ طاہر شمسی نے کہا کہ 1994ءمیں طاہر شمسی صاحب نے ایک سال کی تربیت مکمل کر کے بون میرو کا سلسلہ شروع کیا تھا اور آہستہ آہستہ مریضوں کی تعداد بڑھتی رہی،انہوں نے کہا کہ پاکستان میں تھیلییمیاکے مریضوں کی تعداد بہت زیادہ ہے ،ہماری کوشش ہے کہ زیادہ سے زیادہ خون کی بیماریوں میں مبتلا لوگوں کو علاج کی سہولیات فراہم کی جائے،شمیم فرکو نے کہا کہ بون میرو ٹرانسپلانٹ ایک مشکل علاج ہے اور اس پر اخراجات بھی بہت ہوتے ہیں ،مخیر حضرات کو اس کارخیر میں زیادہ زیادہ حصہ ڈالنا چاہیے،ذاہد حمید نے کہا کہ آج یہ بات اطمینان بخش ہے کہ لوگوں نے فنڈز ریزنگ میں بڑھ چڑھ کر حصہ لیا،اگر ارادے پختہ ہوں تو کوئی کام مشکل نہیں ہوتا،اسامہ شمسی نے کہا کہ ایک مریض پر 30 لاکھ سے لیکر 70 لاکھ روپے تک خرچہ آتا ہے اور ہم 100 مریضوں کے لئے فنڈز ریزنگ کے لئے کوشش کررہے ہیں،ہمیں 30 تا لیکر 70 کروڑ روپے تک کی ضرورت ہے،تقریب میں ایک صاحب نے اپنا نام نہ ظاہر کرتے ہوئے کہا کہ انہوں نے پیسے براہ راست این آئی بی ڈی ویلفئیر سوسائٹی کے اکاو¿نٹ میں جمع کرا دئیے ہیں۔#
