کراچی( )میئر کراچی بیرسٹر مرتضیٰ وہاب کی ہدایت پر عملدرآمد کرتے ہوئے واٹر کارپوریشن نے ملازمین کو فروری کے مہینے میں 40 کروڑ روپے کی ادائیگیاں کردی ڈی ایم ڈی فنانس سید افتخار علی شاہ کے مطابق گزشتہ ماہ فروری میں ملازمین کو فرسٹ ان فرسٹ آؤٹ (فیفو) کے تحت اور ایمپلائز کی مد میں 40 کروڑ روپے کی ادائیگیاں کی جا چکی ہیں جن میں پنشن اور گریجویٹی سی پی فنڈ ایل پی آر ہاؤس بلڈنگ میرج لون اور متوفی ملازمین کے ورثاء کو فنانشل اسسٹنس سمیت میڈیکل پرمیشن کیس سپلیمنٹری بلز میڈیکل ہسپتال / انسٹیٹیوٹ شامل ہے واضح رہے یہ ادائیگیاں واٹر کارپوریشن کی تاریخ میں کسی ایک ماہ میں سب سے زیادہ کی جانے والی ادائیگیاں ہیں انہوں نے مزید کہا کہ میئر کراچی کی ہدایت پر ریٹائرڈ ملازمین کی بیواہون کو ترجیح بنیادوں پر ادائیگیاں کی جارہی ہیں۔
کراچی( )ترجمان واٹر کارپوریشن نے اپنے جاری ایک اعلامیہ میں بتایا کہ کے الیکٹرک کی جانب سے پپری پمپنگ اسٹیشن پر 3 بج کر 35 منٹ پر اچانک بجلی کا بڑا بریک ڈاؤن ہوا جس کے باعث پپری پمپنگ اسٹیشن کی تمام پمپنگ مکمل طور پر بند ہوگئی جبکہ پپری پمپنگ اسٹیشن کی بجلی 7 بج کر 35 منٹ پر بحال ہوئی جس کے بعد پپری سے شہر کو پانی کی فراہمی شروع کردی گئی ہے ترجمان نے بتایا کہ بجلی کے بریک ڈاؤن کے باعث شہر کو ٹوٹل 35 ایم جی ڈی پانی کی کمی کا سامنا ہوا جس کی وجہ سے لانڈھی کورنگی شاہ فیصل بن قاسم اور ڈی ایچ اے کے علاقے متاثر ہونگے۔
